FAARO 27:17 - Biblía Axweesantá Hhohho' ar Mungú 2004

¹⁷ Inós inooín gi geeraharahaar bar ta iwiiwiit nee bar ta hi'iimiit. Bar ta slaqwarár áy inós ta geeraharumooín, as kahhó' mukók miwa adór bee/ángw de'eemusmo wásl tleehhiít.»

FAARO 27:17 Iomraidhean Croise

2 SAMUELI 5:2

Qoomaadá' aa waarahhi waawutmoorén tawa Saulo, kuúng múk Israeli una geerahát baraá slaqwaraaro, nee AAKOÓ MUNGÚ una báy, ‹Kuúng a de'eemusmoó muk'eé' oo Israeli, nee tari geeraharusmoó múk Israeli.› »

1 WAAWITÁ 22:17

Mikaya iri oó', «Múk Israeli sleémeero ugwa ár aa diya/aát gawaá tlom'i adór bee/ángw de'eemusmoó koomaaká. AAKOÓ MUNGÚ i kaahi, ‹Mukwí i geeraharusmoó konká, umuú heewo i watli amór do'ós ar wayda.› »

1 WAAWITÁ 3:7

Xáy AAKOÓ MUNGÚ, Munguúeé', anuú sagadiyusmoowók tam na/oó niinawe iga waawutmoó wa qás kitángw baabuúeé' Daudi wa ale, kaangwí amór nguwa oh a xuaaká.

2 WAAWITÁ 11:8

Waawutmo harweeraak, umuú heewo xooslmoó slaqwara masók gu kón dakose, umuúqo heé naa dirhúngí tseewuy gaasaak. Kuungá' nee waawutmo ti alkoomakonde' qoomár bir ti'imiit laqaá bir darah.»

2 QOM'I 1:10

Gimay daxta sagalooa nee xu'uti haniisang, as kahhó' mukók kwí nguwa sawaawuti'iima ar adór ganaa', asma bar adooriheeká mukók kwí adoorír yaariír adór ngur aleeslaw sawaawuti'iimaro a adoomá?»

2 QOM'I 18:16

Mikaya iri oó', «Aga ár slaqwaruusér Israeli sleémeero aa tsiyayaaxát gawaá tlom'i adór bee/ángw de'eemusmoó koomaaká. AAKOÓ MUNGÚ i kaahi, ‹Mukwí i geeraharusmoó konká, raaqaay inooín ta watli ar wayda.› »

ESEKIELI 34:5

Gawaá adoorihe, asma de'eemusmoó bee/aangwí iwa kahhi, inooín niri diyaa/atiyé', sleémeero tari /aymár makaá sla/a.

SEKARIA 10:2

Asma munguaá hatlá' gár i axweesiya' a muruú tawo, nee qwaslaarér isaá ar'aa'ar gár aa aán lama. Iigu'utuuser'ín tlataá lama ngin alki/itiyá', nee gurkwa/asár al/ayma. Gawaá adoorihe, muu in tawo tonganuus adór bee/aangw, inooín i slahhahhaiyá' asma iwa de'eemusmoó kon'aaká.

SEKARIA 13:7

AAKOÓ MUNGÚ Aleesleemusmo i kaahi, «Tláw kiíng paánga, gawaá daanduú de'eemusmooeé', kudá' aluueé' nga haar, de'eemusmo slahheek as kahhó' bee/aangw iwa diyaa/ati, aníng niri warqáw amór mukdá' liitlakwén.

Matayo 10:6

Ala tlawsé' amór múk Israeli, kudá' aa adór bee/ángw wa qwaar.

Matayo 15:24

Yesu giri báy, «Aníng dír ti ya/aáw a dír múk Israeli kilós, kudá' aa adór bee/ángw wa qwaar.»

Matayo 9:36

Yesu boo/oó muu nguwa ár, iri gurhaamuút, asma boo/aydá' iwa slaaqamiít nee iwa diyayaa/aát adór bee/ángw de'eemusmo wásl.

Marko 6:34

Inós iwa gawaá miringamoó wa aweér, múk yaariír guri ár, guruuwós iri tláy, asma ngiwa ár a adór bee/ángw de'eemusmoó koomaaká. Muruú yaariír guri dir'ínií intsaahhatimís.

Yohana 10:9

Aníng an afkú do'. Hee bira dáh ar aníng, i ba/án. Inós in darah nee in ti'imiit, nee /aymisi ga sláy.

DABE 31:2

inooín giri báy, «Aníng hám daxta kureeri ngi koom a tsiiru nee mibeeri tsár, nee /uuruú nir gadiyuus daxta aa faák. Slám AAKOÓ MUNGÚ iga báy, ‹Kuúng yaaér Yordani a waarahhká.›

1 Petro 2:25

Kuungá' aáng a adór bee/ángw aa qwaar, ala hám daxta naa ki/é' amór de'eemusmo nee xuumusmoó munerhúng.

1 SAMUELI 18:13

Gawaá adoorihe Saulo Daudi guri hingeés dirose, tari geeraharusmoó slaqwaruusér múk kumuú wák kilós, ala Daudi slaqwaruuserós tí gana geerahaár ar adór qoom baraá slaqwaraaro.

1 SAMUELI 8:20

as kahhó' atén a slaqmís nee xoordaá hatlá' sleémeero, waawutmo kwasleemadurén ngin tlaaq, slám masók ti geeraharahaar, nee ti aleeslaaqw baraá slaqwaraaro.»