FAARO 26:62 - Biblía Axweesantá Hhohho' ar Mungú 2004

⁶² Faarór tlahhoó Laáwi hhawaate kilooín, iimír na/oó niiná oo garma oo slahhángw wák wa oohang, a kume mibeeri tsár nee tám. Inooín kaa harafaariiká dinkwa nee múk Israeli, asma inooín aali nga slay'iiká adór múk Israelír wa ale.

FAARO 26:62 Iomraidhean Croise

FAARO 1:47

Ala múk tlahhoó Laáwi kwa harafaariiká dinkwa nee tlahhi'iidaá hatlá'.

FAARO 1:49

«Múk tlahhoó Laáwi mu faaraar nee sleeme faaror'ín ma dahaasaar baraá faarór múk Israelírí alé.

FAARO 26:63

Kukaáká' an hhawaataá Israeli awa taa faár nee Mose nee Eleasari, kuduú kaahamusmoó Mungú, baraá xatstá Moabú wa ale, dír afaá yaaér Yordani, didá' nee Yeriko ti ga/aawá'.

FAARO 3:39

Tlahhoó Laáwi dinkwaaro ar adoodá' maray'ín i diri'iia, hhawaate sleémeero iimír na/oó slahhángw wák wa oohang, ar adór Mose nee Aroni ngira faarii'i, adoodá' AAKOÓ MUNGÚ ngira ádbáy, faaror'ín a kume mibeeri tsár nee tsár.

FAARO 4:27

Aroni nee daaqaywós an múk gadiyér múk guruú doó Gershoni ga hara'ayiyiím daanduú muruudá' sleémeero ta loohisi nee gadiyeé sleémeero ar ta tlehhiiti. Muruudá' hariím lohisor'ine qoomeemeseek.

FAARO 4:48

Inooín dinkwaaro a kume dakaát nee tsiire kooán nee mibeeri dakaát.

DABE 10:9

Gawaá adoorihe, múk tlahhoó Laáwi yaamaá ta aali i kahhiyá' dinkwa nee hhaeeín, inooín gár ta slay a ilaiwa/amér tawa kaahamuusér Mungú, adoodá' AAKOÓ MUNGÚ, Munguúhúng ngira al'axweés.

YOSHUA 13:14

Múk tlahhoó Laáwi aalír yaamu nga slayi'iiká, ala gar'ín aqo ilahhooadár da/a/aangw ta hanmaamisi dír AAKOÓ MUNGÚ, Munguú Israeli. Tí an gár naa aaliyé' ar adoodá' AAKOÓ MUNGÚ Mose ngwa báy.

YOSHUA 13:33

Ala tlahhoó Laáwi Mose gwa yaamií ka'aasiiká, asma AAKOÓ MUNGÚ, Munguú Israeli, inós an aalir'ín, ar adoodá' inós ngira dir'íní al'axweés.

YOSHUA 14:3

Asma tlahh'aá tsár nee tlaqi kaa yaamuuíní ka'aás gayuú yaaér Yordaniro da/aáwá ale, ala tlahhoó Laáwi kwaa aalírí haniisiiká baraá tla/angw'ine.