FAARO 26:53 - Biblía Axweesantá Hhohho' ar Mungú 2004

⁵³ «Tlahhi'iiká' ki yaamií qasís tawa aalir'ín ar adoodá' umer'ín i diri'.

FAARO 26:53 Iomraidhean Croise

IIMU/UUNGW 12:2

Án kuúng u xoorór ur tleéhh, án kuúng u tsuúq, nee umuuwók nguri ureés, nee kuúng tari tsuuqa tleehhít.

IIMU/UUNGW 12:7

Amoodaádae AAKOÓ MUNGÚ Abramu guri i ti'iít, guri báy, «Yaamukaáká' ngin kuúng i haniís nee xwaylarók.» Didaádae Abramu kitángw ilahhooa guri tleéhh as AAKOÓ MUNGÚ nguwa ilahhooárí haniisi, kudá' gwaa i ti'iit didae.

1 QOM'I 16:18

iwa oó', «Yaamaá Kana'ani ngi haniís tawa aalirhúng.»

WARA'AMI 105:44

Yaamaá xoordaá hatlá' gay haniís gadiyér muu kari aál,

WARA'AMI 49:14

Inooín kaa amohhe'eés adór bee/aangw, kiwa /aytisi ay baraá gi'i. Gwa'ara tari de'eemusmooín. Tari /eet baraá /aantí ale, gari qomtír wa ar tseewa alé. Slaqooín niri tsatitiyé' baraá /aantí ale, hotangw'ín tay baraá gi'i.

ESEKIELI 47:22

Yaamuuká' in qasmisá' as tawa yaamuuhúng. Hoomaadá' baraá tla/angwhúng hoot nee ar aa laqwal baraá yaamuuhúng wa ale, ki yaamuú i qasisá', qoomár bar yaamaá qasmisá'. Mukwí i harín kuwa adór múk Israeli ar qoomeesi, nee i hariná' yaamu ngiwa tsawdoórí tleehhiya' dinkwa nee múk Israeli.

DANIELI 7:27

Nee waawuti'iima nee aleesleemu nee uraay sleémeero oo gawaá daanduú yaamu ku haniís dír múk hhohhó' oo Munguúduú Gawa. Waawuti'iimar'ín in hotaatiín ay kureeraá kureér, nee baaluuse sleémeero gin sagadiyús nee giri ilaiwawá/.›

FAARO 26:52

AAKOÓ MUNGÚ iri axweés dír Mose, guri báy,

FAARO 26:54

Tlahhaydá' úr dir'ine, yaamuuín awa ur ki hanís, nee tlahhaydá' niiná dir'ine yaamuuín awa niina ki hanís. Umuúqo tlahhaywo yaamuuín awa ta aali kin haniis kiri alqoomees nee faarór muk'ín.

FAARO 33:54

Yaamu kiri qasisá' ar loohír tsawdo adoodá' múk guruú doó wák i dirii'i, tlahhoó muu yaariír yaamuuín kin urees, tlahhoó muu niiná yaamuuín ki niina. Umuúqo heewo tidá' aa sláy ar loohír tsawdoorí a tós an alá' ar adoodá' gur'ér tlahhi'ii'ín i dirii'iya'.

Matayo 5:5

Múk amohhoó' a kudá' tsaén, asma inooín yaamu ngi aaliyá'.

YOSHUA 1:6

Gimáy piíhh nee ilakaahareés ló' wa alé, asma kuúng mukwí un dahás baraá yaamuudá' aníng naa lo'ór wa /aáy ngiwa haniis dír baabi'ii'ín i alé.

YOSHUA 11:23

Yoshua yaamu sleémeero gina hayóh, ar adoodá' AAKOÓ MUNGÚ aa oó' dír Mose. Inós yaamu gay qasiís dír tlahh'aá Israeli, nee umuúqo tlahhaywo guna dirósí sláy. Múk Israeli iri hoót ar wayda.

YOSHUA 14:1

Xoorór Israeli yaamaá kay ka'amiís baraá Kana'aniro an kuká': Múk gaa ka'amiis a kaahamusmoó Mungú Eleasari nee Yoshua garmoó Nuni, baraá ka'amisuuwo tina alee/imisiyé' nee bariisér uren ar tlahh'aá xoorór Israeli.

Geehhoeemaá 21:27

Ala gár slasla/aar ar baraadá' i dah i káhh. Nee slám heé muruú slasla/arén tlehhahhiít, nee heé lamusmoowo i dahiaaká baraadae. Ala múk baraadá' i dáh, a kudá' kilós umer'ín taa gooín baraá kitaábuuduú slafiingw oo Deelmoó bee/i.

Geehhoeemaá 5:10

Kuúng inooín in waawitá wa qás, nee in kaahamuusér Mungú wa qás as Munguúrén kuwa sagadiyuusi. Nee inooín yaamu ngiri sa waawuti'ii'iná'.»