FAARO 25:7 - Biblía Axweesantá Hhohho' ar Mungú 2004

⁷ Naagáy Finehasi garmoó Eleasari garmoó Aroni, kaahamusmoó Mungú, adoorí ngiwa ár, ina tláy baraá tla/ángw boo/aydá' wa ale, ar lawaalarós,

FAARO 25:7 Iomraidhean Croise

1 QOM'I 9:20

Finehasi garmoó Eleasari aáng a geeraharusmooín. AAKOÓ MUNGÚ nee inós a dinkwa.

ESRA 7:5

garmoó Abishua, garmoó Finehasi garmoó Eleasari, garmoó Aroni kaahamusmoó úr oo Mungú.

WARA'AMI 106:30

Ala Finehasi ina sihhiít, muu nee Mungú giri haraki/ís, Mungú tiqtidá' gari hingeés.

TI'INAANGW 32:28

Nee mukwí oo tlahhoó Laáwi adoodá' Mose aa oó' ngiri tleehhiyé', nee múk aa qaatl baalaadae a kume tám.

TI'INAANGW 6:25

Eleasari garmoó Aroni dasír wák ar Putieli gana duúx, nee inós Finehasi guri xwayluúr. Kuká' an múk urén oo gur'ér mari baraá tlahhoó Laáwiwo.

MALAKI 2:5

«Alqador'eé' nee Laáwi a alqadór slafiingw nee ar wayda. Aníng ana haniís as inós aníng iwa ilaiwawaa/i. Inós aníng iri ilaiwawaá/, umuueé' guri qiitliiká.

FAARO 31:6

Mose mukwí kumuú wák oo umuúqo tlahhaay guri ya/aáw baraá slaqwara, dinkwa nee Finehasi garmoó Eleasari, kaahamusmoó Mungú. Inós i xooslár kón ar didá' hhoohhoo', nee tarumbeétár laya kar laqan.

YOSHUA 22:13

Ala xoorór Israeli Finehasi garmoó kaahamusmoó Mungú Eleasari guri ya/áp ay amór tlahh'aá Reubeni nee Gadiwo nee tlaqtá tlahhoó Manase awa yaamaá Gileadi.

HAR'OHUUSE 20:28

Finehasi garmoó Eleasari garmoó Aroni a heé sihhimiít dír geeraá sandakmoodá' wa alé deeloodae. AAKOÓ MUNGÚ kuri yaahaás tari oó', «A malé tlawaána as tawa slaqwaan nee hhaeerén awa Benyamini, laqaá i mawaán.» AAKOÓ MUNGÚ giri báy, «Tlawsé', tsa/amé', asma matlo aníng ngi gawaá dabaahúng i qaás.»

1 SAMUELI 19:9

Qoomár Saulo iwa dír do'ós i dirii'i i lawaalár kón dakose, qeeruudá' tlaákw oo neetlaame kudá' AAKOÓ MUNGÚ aa ya/aámárí haniís guri áy, qoomaadae Daudi i daa' ar gidaandoori.