FAARO 25:3 - Biblía Axweesantá Hhohho' ar Mungú 2004

³ Adoorí an adór múk Israeli ira haragwaá' dír Ba'ali oo Peori, AAKOÓ MUNGÚ iri daa/atúy buhhtaawo amór múk Israeli.

FAARO 25:3 Iomraidhean Croise

WARA'AMI 90:11

A heemá heé buhhtaawók tsaahharo gi aleesláw? Adoodá' kuúng tur da'ayuumiti an adoodá' buhhtaawók ngir tsaahhiya'.

YEREMIA 17:4

Yaamuuká' aníng naa kuungá' i haniís aqo in geexeerá', nee aníng kuungá' nun gawaá dabaá wakuuserhúng i haniís, as kiwa sagadiyuusa' baraá yaamaá kuungá' ta baloó xua'aaká, asma aníng an daa/atúw buhhtaawo adór asltá baloó gwa'aaká.

HOSEA 4:14

Dasuuhúng u slahh'eemisaaká as iwa fuquusi, tam /ameenár ta duxuút iwa tsee/aá wa hi'iimit. Asma hhawaateeín tana bihhií suruúk nee /ameenár fuquuse, ilahhooár muruú ta tsu/i ngin hanmiisiyá' baraá doó tsaatu'uumár wa ale dinkwa nee /ameenadár tsaatuuse. Mukwí tsaahhár koomaaká ku hhaamiis.

HOSEA 9:10

Aníng múk Israeli nguwa sláw, a adór sabiíbuú darma. Taati'iihúng ngiwa ár ki afhhamít adór mamaá /aantsí awa har geera. Ala tawa hardáh Ba'al-peori, tiri paraatliyé' dir'eene as Ba'ali nguwa sluufmisiya'. Aníng inooín ina aáhh adór Ba'alír ale, kudá' i slaiya'.

FAARO 25:5

Mose ga/aawuusér Israeli gari báy, «Umuúqo heewo baraá tla/angwhunge oo aa daqay amór Ba'ali oo Peori gaasaak.»

FAARO 31:16

Iinslawiimé' adór /ameenarí kángw Bala'amu ngura iiárií qás, múk Israeli nguri al/ayiyé' amoodár Peoriro, AAKOÓ MUNGÚ nguri si'iyé', múk AAKOÓ MUNGÚ tiqtír pu/i guri uhiín.

YOSHUA 22:17

Ahaá, tlakweemaadá' taa tleehhaán baraá Peorír wa ale naa alení'i? Kuungá' a ga/eera'aakáhe, tam hamí taa hhoohhooesaniiká, nee hám tiqtír pu/i ana qo wa mak ti'imitaniiká.

HAR'OHUUSE 2:11

Múk Israeli tlakweema kina tleéhh dír ilaá AAKOÓ MUNGUHE, inooín Ba'ali ngway sagadiyuusiyé'.

HAR'OHUUSE 2:13

AAKOÓ MUNGÚ nguna mayé', Ba'ali nee Ashtaroti ngiri sagadiyusiyé'.

HAR'OHUUSE 2:14

AAKOÓ MUNGÚ iri qa/iít buhhtaawo dír múk Isreli. Inós giri qaás gawaá dabaá mukdá' gaa i haraatlay. Inós gina ya/án kiwa arba/i nee wakuuser'ín bihhe sleémeero, tam sihhtanór geeraá wakuuser'ín ngiri harslaaqatiyé'.

HAR'OHUUSE 2:20

Naagáy AAKOÓ MUNGÚ iri ló'wa qa/iít buhhtaawo dír múk Israeli, inós iri oó', «Xooroorí alqaduueé' kudá' naa baabi'ii'íní oó' gina haaliín, asma afor'eé' ngaa iiárií qaasi'iiká.