FAARO 25:2 - Biblía Axweesantá Hhohho' ar Mungú 2004

² /Ameenarír Moabu múk Israeli guna dah'ís tawa dinku'uusi ilahhooár muruú ta tsu/i ngiwa hanmiisiya' dír munguaá hatlá', múk Israeli muruú /aymaadá' kuri /aáy nee munguiidá' ngiri sluufmisiyé'.

FAARO 25:2 Iomraidhean Croise

1 WAAWITÁ 19:18

Ala múk kume faanqw baraá yaamaá Israeliwo kudá' Ba'ali gaa haratlintantiaaká laqaá gwa ma'aasiiká u tsu/aaká.»

WARA'AMI 106:28

Aluuwo niri haragwaaiyé' dír múk Ba'ali gu sluufmiís baraá yaamaá Peoriro, fu'unaá ilahhooár muruú taa tsuú/ dír gi'i ngiri /ayiyé'.

TI'INAANGW 20:5

Kuúng slaqsi'iidá' mi i tumbarara'amitaar, laqaá mi sluufmisuú awaar, asma anuú AAKOÓ MUNGÚ, Munguúwók, a Mungú da/tá koóm, kudá' li/oó tlakweemaá xwayliité tidá' aníng i ahhiit gu dír na/ii'ín buú' tam ay nángw sagaáwa tám laqaá ay tsiyáhh.

TI'INAANGW 22:20

«Heé ilahhooár muruú ta tsu/i ga hanmiís dír munguaá hatlá' ala a dír AAKOÓ MUNGÚ kiloseeká aqo gaasa.

TI'INAANGW 23:24

Mungui'ín mi i tumbarara'amitara', sleeme mi sluufmisuú awaara', laqaá tlehhmi'ii'ín mi eeharara'. Ala inooín na hhaamiisaak, nee uheemii'ín sleémeero na geqaawaak.

TI'INAANGW 32:6

Matlaatlér boo/e tari tseewa ti'iít, ilahhooár da/a/aangw ngiri hanisiyé' nee ilahhooár wayda ar muruú ta tsu/i ngiri hanisiyé', muu iri iwiít tawa /ayin nee tawa wahan, tari sihhiít as tawa neeti.

YEREMIA 40:11

Nee qoomár múk Yuda kudá' baraá yaamaá Moabu hoót nee yaamaá Amoni nee awa Edomu, nee yaamaá hatlá' kawa axaás adór waawutmoó Babuloni Gedalia garmoó Ahikamu, garmoó Shafani gura ga/aawusmooín wa qaás.

HOSEA 9:10

Aníng múk Israeli nguwa sláw, a adór sabiíbuú darma. Taati'iihúng ngiwa ár ki afhhamít adór mamaá /aantsí awa har geera. Ala tawa hardáh Ba'al-peori, tiri paraatliyé' dir'eene as Ba'ali nguwa sluufmisiya'. Aníng inooín ina aáhh adór Ba'alír ale, kudá' i slaiya'.

MIKA 6:5

Kuungá' muk'eé', inslawiimé' adór Balaki, waawutmoó yaamaá Moabu nura qwaareesár wa slaá' nee adór aarusmo Bala'amu, garmoó Beori ngwa báw, anuú AAKOÓ MUNGÚ a slaá' kuungá' nuwa gár hhoó' i tleehh. Nee inslawiimé' sleeme adór tara Shitímuú wa tleeré' tay hardaté' ay Gilgali. Muruuwí inslawaak as kawa tsahha' adór án kuungá' nura alee/iimamiís.»

1 Korinto 10:20

Aasla'áy. Ala múk pakaanáy ilahhooár muruú ta tsu/i birngi hanmiisiyá', a ngin hanmiisiyá' amór neetlaame ala a amór Munguheeká. Ala aníng a sla'aaká kuungá' tawa dinku'uumisa' nee neetlaame.

DABE 32:38

Kudá' muruú wahhaár oo taa ilahhooár wa tsu/é' gwaa /aay, nee kudá' difaáidá' taa ilahhooár wa hanisé' ngaa wahane' ta amá? Axáy gimsé' ni sihhitiye' nee nu alee/iisiye'. Gimsé' inooín pa/ángwií hanisaak tawa baqamorhúng.

YOSHUA 22:17

Ahaá, tlakweemaadá' taa tleehhaán baraá Peorír wa ale naa alení'i? Kuungá' a ga/eera'aakáhe, tam hamí taa hhoohhooesaniiká, nee hám tiqtír pu/i ana qo wa mak ti'imitaniiká.

YOSHUA 23:16

Kuungá' barnaxes alqadoodá' AAKOÓ MUNGÚ, Munguúhúng naa dirhúngií hara'ayín kawa ota', aga geeqeeré', munguaá hatlá' kiri sagadiyusé', nee kiri i tumbarara'amituú eeré', daqaní AAKOÓ MUNGÚ kuungá' nun i buuhh, kuungá' tari hhaandá' ar wa'aá wák baraá yaamuuká' hhooá' awa naa dirhúngií haniisi.»

YOSHUA 23:7

Kuungá' nee xoorduuká' naa meetiye' ma aldinku'uumisaara', tam muruudá' taa tleéhh hariimár Mungú ló' wa ale, mu sluufmisuú awaara', nee umer'ín ma ateetimaara', laqaá lo'o ma /ayaara' ar umer'ín, laqaá mi sagadiyuusara', nee sleeme mi i tumbarara'amitara'.

Geehhoeemaá 2:14

Ala aníng axweesanoó niiná u koóm daanduuwoge. Kuúng mukko u koón diroge, oo intsaahhatimisuú Bala'amu gu eeharahaár. Inós an kudá' Balaki gwa intsaahhatimis adór múk Israeli ngur al/ayi, as masók inooín fu'unaydá' kiwa /ayi, kudá' taa ilahhooár wa hanimiís dír munguaá murslaaqat, nee tawa fuquusi.