FAARO 25:13 - Biblía Axweesantá Hhohho' ar Mungú 2004

¹³ Án alqadoorí an tleéhh nee inós nee xwaylarós adór tar kaahamuusér Mungú ay kureeraá kureér, asma inós sla'aari nguna tliwí/ daanduú Munguúwose, múk Israeli guri haraki/isár i tleéhh.› »

FAARO 25:13 Iomraidhean Croise

2 SAMUELI 21:3

Daudi múk Gibeoni guri yaahaás, «Gár nuy tleehh a milá? Tlakweemaadá' tunduy tleéhh gár ngir buu'. As kahhó' yaamuuká' nee muk'ín kuduú AAKOÓ MUNGUHE kiwa tsuqa'.»

1 WAAWITÁ 19:10

Eliya iri oó', «AAKOÓ MUNGÚ, Munguú Aleesleemusmo, aníng da/i ina ló'wa ót as kuúng, nee as múk Israeli kudá' alqadoorók gaa sii', kiteeriwók kudaá ilahhooa ngaa fee/iyé' nee aaruuserók sleémeero ngaa tsu/iyé'. Aníng kilooeé' ana meét, slám hamí i gaasár wa slaiyá'.»

1 WAAWITÁ 19:14

Inós iri oó', «AAKOÓ MUNGÚ, Munguú Aleesleemusmo aníng da/i iga ló'wa ót as kuúng, nee as múk Israeli, kudá' alqadoorók ngaa si'iye', kiteeriiwók kudaá ilahhooa ngay fee/iyé'. Aníng kiloeé' ana meét, slám hám i gaasár wa slaiyá'.»

1 WAAWITÁ 2:27

Aluuwo Solomon Abiatari guri guús baraá kaahamusi'iimár AAKOÓ MUNGUHE, as kahhó' /aymuudá' AAKOÓ MUNGÚ aa baraá Shiloro wa oó' daanduú doó Eliwo iwa boo/i.

NEHEMIA 13:29

Munguúeé', inslaweek adoodá' kahamuusi'iima ngira meetagaasiyé' nee alqadór kahamuusi'iimaro nee ar tlahhoó Laáwiwo.

WARA'AMI 106:31

Tí kan inslasláy as ilaiwa/ameerós, iimír qoomaadá' nee qooma sleémeero.

WARA'AMI 119:139

Sla'aarír axweesantók án i tliw/iín nee an qa/imiít, asma wakuuser'eé' axweesantók ga gaárí xu'uká.

WARA'AMI 69:9

Sla'aarír do'ók i hamís baraaeene, tí slafingw'eé' gu ar ti'ít, nee niqaydá' kuúng tur niqimisi aníng iga sláy.

TI'INAANGW 29:9

Him'eedár afeetler'ín an tsék, nee kofiyaduín kiri dahás. Asma adoorí an adór Aroni nee daaqaywós kir hhohhoes tawa kaahamuuser'eé' daqisleém.

TI'INAANGW 32:30

Looitleerós Mose muu guri báy, «Kuungá' tlakweemaá ur iga tlehhé', nee hám daxta a tsa/ám gawa amór AAKOÓ MUNGÚ, doóqa wayda gu ya/án daanduú tlakweemaahúng kwisingae.»

TI'INAANGW 40:15

Ki iimbaláx di/to adór baabuúín ar ale, as kahhó' inooín tawa kaahamuusér Mungú. Iimbalaaxar'ín tisíng gin dahás baraá gadiyér kaahamuusi'iima ay qari sleémeero.»

ISAYA 61:6

Ala kuungá' tundun bay, «Kaahamuusér AAKOÓ MUNGÚ.» Nee tunduri bay, «Sagadiyuusér Munguúrén.» Kuungá' daqaari'iimár xoordu an /agá', nee baraá daqaari'iimar'ine kuungá' xirif kuri sleerá'.

YEREMIA 33:18

Kaahamuusér tlahhoó Laáwi heé ilahhooár hanmís ngu baloó dakuusiaaká as ilahhooár da/a ngiwa hanmiisi daqisleém, nee ilahhooár balaango, nee ilahhooár muruú ta tsu/i ngin hanmiisiyá' ay alhhe'eesay wasle.› »

YEREMIA 33:22

Aníng faarór xwaylár sagadiyusmooeé' Daudi a doók, nee faarór kaahamuusér Mungú tidár tlahhoó Laáwiwo, tari adór tsatse/uú gawaá doori kudá' faarooro ta aslayká, nee adór hhasángw afaá tlawi.»

TLAHHOÓ LAÁWI 15:15

Kaahamusmoó Mungú giri haniis, ar wák as ilahhooár tlakweema hingeesa, nee ar hatlá' as ilahhooár da/a. Kaahamusmoó Mungú heedaádá' guri haraki/isárí tleehh dír geeraá AAKOÓ MUNGÚ wa ale, as iwa malalaáhh.

MALAKI 2:8

«Ala kuungá' ana warqeeré', loohi kay geexeeré', múk yaariír ugwa paslisé' baraá hara'ayaaro, alqadór Laáwi aga sié',» AAKOÓ MUNGÚ Aleesleemusmo tí ngina oó'.

FAARO 16:46

Mose Aroni guri báy, «Xooslomoowók taataahheek, asltadár gawaá kitángw ilahhooa ka gawaawós i qás, nee mooyángw tsuú' ku gawaá asltadá' i qás, ta'aaiím ar gaanslaay amór dinku'uumár muu, haraki/isa tleehheek as inooín. Buhhtaá AAKOÓ MUNGÚ naa hardihiyé', asma tiqtír pu/i aa qaroó iimu/uún.»

FAARO 16:47

Aluuwo Aroni adoodá' kwaa báy nee Mose gari tleéhh. Xooslmoowós kuduú asla guri taataáhh iri ta'aaín amór dinku'uumaadá' ay tla/ángw mukdá' pu/i iwa iimu/uún, mooyangwdá' tsuú' guri daá/, haraki/isa gari tleéhh as muu.

FAARO 17:12

Múk Israeli Mose nguri bayé', «Ga/aaweek, atén aga hhaamaán, aga qwaaraán, atén sleémeero aga qwaaraán.

FAARO 25:14

Heedaáduú Israeli nee /ameenidár Midiani taa al tsuú/, umuú hhawatuudá' a Simri garmoó Salu, geeraharusmoó guruú doó wák baraá tlahhoó Simeoniwo.

Yohana 2:17

Eeharuuseerós tidá' taa gooín gari insleér, tidá' kah, «Sla'aarír doó Baabuúeé' aníng i gás.»

Ebrania 2:17

Gawaá adoorihe inós gár kuwa hariím, a kun adór hhaeewós tleehh baraá mura' sleémeerowo, as kahhó' inós masók a kaahamusmooín oo úr, oo Mungú kudá' gurtleemuú koóm nee oo inkihhím baraá kángw Munguhe, nee ilaahhooár haraki/isa ngiwa haniisi as tlakweemaá mukós ngiwa hingeesi.

Ebrania 7:11

Ala hám daxta hara'aya sleémeero, tidá' taa amór múk i haniís, iimu/uungós a hara'ayaadá' taa haniís daanduú kaahamusi'iimár Mungú ar tlahhoó Laáwi. Ala gár yaahasár slaa' i deer diirihe. Barnaxes kahamuusi'iimarír Mungú ar tlahhoó Laáwi bir gan'amuú huwahúp, kaahamusmoó adór hatlá' gár nisa hardáh a milá? Asma kaahamusmoowí a adór Aroniwooká, ala a adór Melkisedeki.

YOSHUA 7:12

Gawaá adoorihe múk Israeli sihhitanór geeraá wakuuser'ín ga baloó aleeslayká. Inooín aqo tan geeraá wakuuser'ín wa gogoow, asma gár naa tleehhiyé' a gár gi hhaamiis. Aníng nee kuungá' a dinkwaarooká ay dír muruudá' taa paraátl as kuwa hhaamisi kway qororo'osa'.

1 Petro 2:5

Kuungá' kilá' sleeme masók a adór tlaa/aá slafá', tundu tleehhi tawa doó qeeru tleehhita'. Kuungá' masók a kaahamuusér Mungú ar hhohho', nee ilahhooár qeeru ar muruú ta tsu/i kawa huba', tidá' ta ya/an nee Mungú ar loohír Yesu Kristo.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

1 Yohana 2:2

Inós an kudá' taa haniís as atén tiwa haraki/isi nee Mungú as tlakweemaarén, ala as tlakweemaarén kilooineeká, nee tlakweemaá muu sleémeero.

Geehhoeemaá 1:6

Inós atén tina waawuti'iimár i sláy, tiri kaahamuusér Mungú wa qaás, as atén Mungú, Baabuúwós, kuwa sagadiyuusaan. Xirif nee aleesleemu i dirós ay alhhe'eesay wasle. Amin.

1 SAMUELI 2:30

Gawaá adoorihe AAKOÓ MUNGÚ, Munguú Israeli i kaahi, ‹Tam án geeraawo aga ooi do'ók nee doó baabuúwoge i geeraaeé' wa kumaamitiiyá' kureerisleém.› Ala hamí AAKOÓ MUNGÚ i kaahi, ‹Kangwsíng i amór saáw pa/i dir'eene.› Asma mukdá' aníng i ilaiwawaá/ án u ilaiwawaá/ sleeme. Ala kudá' i waqaaqa'á' aníng i gaárí xuaaká.