FAARO 25:1 - Biblía Axweesantá Hhohho' ar Mungú 2004

¹ Múk Israeli qoomár tawa baraá Shitimúr i dirii'i, hhawaate niri fuqtá ayé' amór /ameenár Moabu.

FAARO 25:1 Iomraidhean Croise

2 WAAWITÁ 23:7

Inós maraá mukduú tsaatu'uumár tlehhiít baraá Doó AAKOÓ MUNGÚ wa ale gina feé/, nee didá' /ameena hiya'aá sluufmisuú Ashera ngiwa tlehhit.

WARA'AMI 106:28

Aluuwo niri haragwaaiyé' dír múk Ba'ali gu sluufmiís baraá yaamaá Peoriro, fu'unaá ilahhooár muruú taa tsuú/ dír gi'i ngiri /ayiyé'.

TI'INAANGW 22:19

«Heé nee makiito'o naa fuquusiye' a gaasa.

TI'INAANGW 34:15

Miti axweesani slawaara' nee yaamuloouusér yaamuudá', asma inooín munguii'ín biringa sluufmisuú ayé', nee ilahhooár muruú ta tsu/i kawa hanmiisi, aluuwo kuungá' tunduri afa /aasl tam fu'unaá muruú taa ilahhooár wa tsuú/ kiri /aymár eera'.

DAHARUSMO 7:26

Gár wák ar slahh'eemiis gwa'ara ba/a ana tsaáhh, a /ameenír ilaá muu gi uuruxuum. Inós a adór tsaxweeli nee baraatsufaay, dabaawós a adór minyoroóro. Heé Mungú gu sla'atimís /ameenirí arba/to ga aleesláy, ala heé tlakusmo /ameenirí gun naga'ás.

YEREMIA 40:11

Nee qoomár múk Yuda kudá' baraá yaamaá Moabu hoót nee yaamaá Amoni nee awa Edomu, nee yaamaá hatlá' kawa axaás adór waawutmoó Babuloni Gedalia garmoó Ahikamu, garmoó Shafani gura ga/aawusmooín wa qaás.

ESEKIELI 20:21

«Ala tam na/ii'ín sleeme aníng ina aahhiyé', naa baraá kaahir'eénár hooti'iiká, sleeme daber'eé' ngaa harmagahhi'iiká ooharo, nee Sabaátor'eé' ngina meetagaasiyé'. Naagáy nari oó', ‹In i buúhh, tidá' tleehhamooro ni slaa' daanduuine ngiri boo/eés baraá xaanxáy wa alé.›

HOSEA 9:10

Aníng múk Israeli nguwa sláw, a adór sabiíbuú darma. Taati'iihúng ngiwa ár ki afhhamít adór mamaá /aantsí awa har geera. Ala tawa hardáh Ba'al-peori, tiri paraatliyé' dir'eene as Ba'ali nguwa sluufmisiya'. Aníng inooín ina aáhh adór Ba'alír ale, kudá' i slaiya'.

MIKA 6:5

Kuungá' muk'eé', inslawiimé' adór Balaki, waawutmoó yaamaá Moabu nura qwaareesár wa slaá' nee adór aarusmo Bala'amu, garmoó Beori ngwa báw, anuú AAKOÓ MUNGÚ a slaá' kuungá' nuwa gár hhoó' i tleehh. Nee inslawiimé' sleeme adór tara Shitímuú wa tleeré' tay hardaté' ay Gilgali. Muruuwí inslawaak as kawa tsahha' adór án kuungá' nura alee/iimamiís.»

FAARO 25:17

«Múk Midiani hayloórí leehheek nee ki hhaamís.

FAARO 31:2

«Múk Midiani li/ay ti bu' oo muruudá' inooín naa tleehhiyé' dír múk Israeli, aluudae kuúng a kahhút.»

FAARO 33:49

Xafay'ín kuna baraá xatstá Moabú i tleéhh iisaapoó yaaér Yordani tla/ángw Bet-yeshimoti nee xatstá Abel-shitimu.

FAARO 7:15

nee awuú wák oo batlitamo, nee gwaanduú wák, nee deelmoó gwaanda oo kurkú wák, muruuwí sleémeero a ilahhooár da/a.

1 Korinto 10:8

Nee slám atén tsaatu'uuma mawa tleehhaán, adoodá' inooín bahh'alé naa tleehhiyé', múk kume mibeeri tsár nee tám iri qaátl baraá looár wák i alé.

DABE 3:29

«Naagáy tari diirií meetaán baraá xatstá geeraá Bet-peori.»

DABE 32:38

Kudá' muruú wahhaár oo taa ilahhooár wa tsu/é' gwaa /aay, nee kudá' difaáidá' taa ilahhooár wa hanisé' ngaa wahane' ta amá? Axáy gimsé' ni sihhitiye' nee nu alee/iisiye'. Gimsé' inooín pa/ángwií hanisaak tawa baqamorhúng.

DABE 4:3

Kuungá' ilaahúngaá kilae aga aandé' adoodá' AAKOÓ MUNGÚ aa tleéhh daanduú Ba'al-peoriwo. Asma AAKOÓ MUNGÚ Munguúwók mukdá' munguúdá' ta bay Ba'al-peori gwaa sluufmisuú ay guna hhaamiís baraá tla/angwhunge.

YOSHUA 2:1

Qoomár tawa Shitimúrí kahhi, Yoshua garmoó Nuni, múk tsár guri qawtí ya/aáw, guri báy, «Tlawsé' yaamaá Kana'ani tsawtsawuusare', kawa ure gixsár Yeriko.» Tari tláy. Tawa hardáh baraá gixsár Yerikoro, tari deél dír doó /ameenír tsaatuso'o ar ta bay Rahabu.

YOSHUA 22:17

Ahaá, tlakweemaadá' taa tleehhaán baraá Peorír wa ale naa alení'i? Kuungá' a ga/eera'aakáhe, tam hamí taa hhoohhooesaniiká, nee hám tiqtír pu/i ana qo wa mak ti'imitaniiká.

YOSHUA 3:1

Looaytleérós matlaatlér boo/e Yoshua nee múk Israeli sleémeero, tana dír xaa'aá ta bay Shitiímúr wá tláy, nari hardihiyé' ay afaá yaaér Yordani, nari didií deelo tlaatla/iitiyé' dír nira waaraahhii'iiká.

Geehhoeemaá 2:14

Ala aníng axweesanoó niiná u koóm daanduuwoge. Kuúng mukko u koón diroge, oo intsaahhatimisuú Bala'amu gu eeharahaár. Inós an kudá' Balaki gwa intsaahhatimis adór múk Israeli ngur al/ayi, as masók inooín fu'unaydá' kiwa /ayi, kudá' taa ilahhooár wa hanimiís dír munguaá murslaaqat, nee tawa fuquusi.