FAARO 24:16 - Biblía Axweesantá Hhohho' ar Mungú 2004

¹⁶ A aarír heé axweesantá Mungú ga axamiís, nee xu'utír kudá' gáwtí dirií' gari tsaáhh, heedá' iigu'utuú Munguú Aleesleemusmo gu araa'ár, kudá' aa tumbarara'aat ala i xumiis.

FAARO 24:16 Iomraidhean Croise

IIMU/UUNGW 14:18

Melkisedeki waawutmoó gixsár Salemu mikaáte nee difaái ngina huúw. Inós a kaahamusmoó Munguú Gáwtí dirií'.

IIMU/UUNGW 17:1

Abramu qoomár kureeriiwós tawa mibeeri gwaleél nee gwaleél AAKOÓ MUNGÚ guna harati'iít, guri báy, «Aníng a Munguú Aleesleemusmo. Dir'eé' wa hootang, masók tu xaslxaansli wásl.

FAARO 24:15

Naagáy Bala'amu aarirós tí gari oó', iwa kaahi, «Aariirí ar Bala'amu garmoó Beori, aarír heé ilaawós taa qaytsitís.

FAARO 24:17

Kudá' hardáh u ga/áw, ala a hamiheeká, una ár ala ku tseeweeká. Baraá xwaylár Yakobowo tsatsee/i ni ti'ít, waawutmo ni tla/ángw múk Israelír wa ti'iit, ar hhartós tidár waawuti'iimaro múk Moabu gun baal, xwaylár Seti sleémeero gari qororo'oos.

FAARO 24:3

Bala'amu aarirós tí gari oó', iwa kaahi, «Aariirí ar Bala'amu garmoó Beori, aarír heé ilaawós taa qaytsitís.

FAARO 24:4

A aarír heé axweesantá Mungú ga axamiís, heedá' iigu'utuú Mungú Aleesleemusmo gu araa'ár, kudá' aa tumbarara'aat ala i xumiis.

1 Korinto 13:2

Slám án tam aleesleemuú aaru'uuma u kooma, nee lu/aaráy sleémeero tam u xua, nee xu'uti sleémeero, slám tam haratlintaaór ur a kooma, tidá' tlooma ngiwa hingees, ala bar sla'aari a koomaaká, aníng a gár tawo.

1 Korinto 8:1

Daxta kángw ni oo' a kángw fu'unaydá' taa hanmamisi dír munguaá hatlá'. Atén aga qaroó xuaán adór atén sleémeero xu'uti kar koomaán daanduú kaangwihe. Ala xu'uti gár ni huwaahup dír heewo a daara/aangw. Ala sla'aari gár ni huwaahup dír heewo a kwa/asa.