FAARO 24:10 - Biblía Axweesantá Hhohho' ar Mungú 2004

¹⁰ Balaki iri qa/iít buhhtaawo amór Bala'amu, tsa/aá daba' giri slaáhh buhhtaawo, iri oó', «Án kuúng una ateét as wakuuser'eé' kawa lu'us, ala ga/aaweek kuúng ina tsúq ay sagaáwa tám!

FAARO 24:10 Iomraidhean Croise

NEHEMIA 13:2

Asma múk Israeli qoomár niwa baraá yaamaá Misri wa ti'iít ngaa muruú /aymár i hanisi'iiká laqaá tam ma'aá wahaangw, kitaangose a Bala'amu nguna buiyé' as múk Israeli nguwa lu'usi, ala Munguúrén lo'oodá' gana warqeés tay tsuuqa.

YOBU 27:23

Inós bir ti'ii'ín fur'ár /uuruú koom gun i xuurú', nguri kwarkwát dirós tidae.

ESEKIELI 21:14

«Heewí, aariím. Tsa/iiwók slahheek. Paánga gadiyeérós ngi tlehh, ki/ima tsár, laqaá tám. Gaarí an paángár tsu/uta, inooín gi harwedít.

ESEKIELI 21:17

Aníng tsa/i i slaáhh, sakwasleemar'eé' a bu'utiís. Anuú AAKOÓ MUNGÚ tí aga oó'.»

ESEKIELI 22:13

«Aníng kuunday'eé' ugwa amohhe'eés as iwa tuu' asma slaasláwasíng taa sleér ar loohír gana'aaká, nee asma múk yaariír oo taa ayaawók waa tsuú/.

FAARO 22:11

‹Xoororka Misrír daahh, ayaarén gwa al'ót.› Balaki ina firín ngiwa lu'us as kahhó' iwa baalin qoomár bar ta slaaqw. »

FAARO 22:17

Gám aníng kuúng u iwa/a/aát nee u baloó qiitlaaká, umuuqo gár ta sla'a ar ni firiin ngi haniís. Qwaláng mukwí daanduueé' wa lu'usek.› »

FAARO 22:6

Kuúng qwaláng hamí, mukwí lu'usek daanduueé' wa ale, asma a múk /uuremaá koóm. Dooqa i aleesláw ngiwa baa/, ngiri guús mindiwa dahiyé' baraá ayaeene. Asma aníng a xuú' heé kuúng ta tsúq kwaa tsuúq, bura lu'ús kwaa lu'ús.»

FAARO 23:11

Balaki Bala'amu guri báy, «Gaarí a milá naa dir'eé' tléhh? Aníng kuúng una ateét as wakuuser'eé' kawa lu'us, ga/aaweek kuúng inooín ina tsúq.»

FAARO 24:11

Hamí, tláw gwagoów amoorók ar ta xu'! Geera ana slaá' uwa qaw ar muruú yaariír, ala AAKOÓ MUNGÚ qeemuwí ngwa kuúngár slaiiká, gwaa /itín diroge!»

FAARO 24:9

Ina xupuú' iri yaamií qaát adór diraangw, a adór dirángw /ameeni, heé gu qiítl gwarangwarto? Umuúqo heé kuungá' naa tsuuq ku tsuuqi, umuúqo heé kuungá' naa lu'us ku lu'usi.»

Tlehhema'aá ya/Abuuse 11:10

Adoodá' ina tleehharút sagaáwa tám wa ale, aluuwo muruudá' sleémeero kuri uuruúx ay gawaá doori.

DABE 23:6

Gawaá adoorihe, baraá hotaahúng sleémeero kuká' mi baloó alee/isaara' as wayda nee diihhooa ngiwa slaya'.