FAARO 23:20 - Biblía Axweesantá Hhohho' ar Mungú 2004

²⁰ Qaytsiít gár aníng taa báy a inooín in tsuúq, inós gina tsuúq, aníng warqeesaro i aleeslawaaká.

FAARO 23:20 Iomraidhean Croise

IIMU/UUNGW 12:2

Án kuúng u xoorór ur tleéhh, án kuúng u tsuúq, nee umuuwók nguri ureés, nee kuúng tari tsuuqa tleehhít.

IIMU/UUNGW 22:17

án daxta kuúng u ló'wa tsuúq, nee xwaylarók an ló'wa tlahhás, tari adór tsatse/uú doori nee adór hhasángw afaá tlawi. Nee xwaylarók wakuuser'ín gari bál, nee gari sawaawuti'iín.

IIMU/UUNGW 27:33

Isaka adoorí ngiwa axaás, daaraxoó úr guri áy, iri oó', «A heemá kar ala kudá' aa slakaat, nee sluqo ngiri huúw, aníng aga qaroó /ayiím qoomár kuúng niwa hardatiká. Nee ugwa qaroó tsuúq, nee tsuuqa gaa sláy.»

1 QOM'I 17:27

Gawaá adoorihe, adoorí kuúng u sla'atis doó sagadiyusmoowók kuwa tsuq, as iwa dír geeraawók wa kumamiti ay kureerisleém. Aá AAKOÓ MUNGÚ, asma gár kuúng taa tsúq kaa tsuúq ay alhhe'eesay wasle.»

ISAYA 43:13

Aníng an Mungú, iimír hamí wa tleemu ay alhhe'eesaay, aníng an Inós. Heé gawaá dabaeene kuungá' nu tuú/ i kaahh. Heé gadiyér'eé' ga baáq a heemá?»

FAARO 22:12

Mungú Bala'amu guri báy, «Miti alkoomara' nee muksíng, tam mukdá' sleeme mu lu'usar, asma mukdá' kwaa tsuúq.»

FAARO 22:18

Ala Bala'amu geeraharuusér Balaki gari báy, «Tam Balaki do'ós oo peésár wa haáts nee sahaábuwo ngu haniisi, aníng a qiitlaaká hara'ayár AAKOÓ Munguúeé' ngiwa wa/akuut, i hariindaaká gár niina ngiwa /aarees laqaá tamar ur.

FAARO 22:38

Bala'amu Balaki guri báy, «Hamí án naa hardáh! Xáy aníng aleesleemu u koóma oo umuú gaaro ngiwa oo'? Umuú gaaro ar Mungú ni ooi an tidá' hariim ngiwa oo'.»

FAARO 6:27

«Adoorí an adór umuueé' kur oa' dír múk Israeliwo, aníng inooín ngiri tsuúq.»

1 Petro 1:5

Kuungá' tundun de'én nee /uuruú Mungú ar loohír haratlintaao, as ba/amadá' taa qaroó amohhe'eés kawa ilaota', tidá' tindi geehhooeesi bál deelór alhhe'eesaywo.