FAARO 23:19 - Biblía Axweesantá Hhohho' ar Mungú 2004

¹⁹ Mungú lama ga adór heéwaá tsatiiká, laqaá i adór heéwaá gwadiidinká. Xáy al'axweesani ga oói gadaádá' gari boo/eesiiká? Gaa ga oói gadaádá' gari tleehhiiká?

FAARO 23:19 Iomraidhean Croise

IIMU/UUNGW 26:3

Na dahaaymo tleehhiít baraá yaamukae. Aníng nee kuúng a dinkwa, nee án kuúng u tsuúq. Án al'axweesante'eé' a boo/eés dír baabuúwók Abrahamu, asma án yaamu sleémeero ngi kuúng nee xwaylarók i haniís.

IIMU/UUNGW 28:15

Aníng nee kuúng a dinkwa. Án kuúng u de'eém amór taqo keera, nee uri ki/ís baraá yaamuká'. U geexawaaká ay dír al'axweesantadá' naa oó' ngay boo/ees.»

1 WAAWITÁ 14:11

Heé doó Yeroboamu oo qo gwaa'a baraá gixsárí ale, seeaawe gu /ák, nee heéqo baraá tsee/aá /awaákí gwaa'a tsir/o gu /ák. Anuú AAKOÓ MUNGÚ tí aga oó'.› »

2 WAAWITÁ 15:12

Naagáy adoorí ina tleehharút as al'axweesantadá' AAKOÓ MUNGÚ aa oó' dír Yehu iwa bo/, tidá' iwa káh, «Xwaylarók i waawuti'iín ay nángw tsiyáhh.»

2 WAAWITÁ 7:2

Aluuwo alee/isusmoó waawutmo Elisha guri báy, «Tam AAKOÓ MUNGÚ inósuú kilá' afkú doori burngwa gweér, adoosíng iqo baloó ya/aánda?» Elisha iri oó', «Kuúng ilaawoge adoorí a tawo aán, ala gár ta tsaq i káhh.»

1 QOM'I 17:17

Aá Mungú, barnaxes tí ka niina dír ilaawoge, kuúng muruú urén oo aluú wa hi'iít daanduú dooeene ugwa alki/ít, nee daanduú xwaylar'eé' ar aluú wa hi'iita.

WARA'AMI 110:4

AAKOÓ MUNGÚ tí gaa lo'ór wa /aáy nee slamí i warqayká, «Kuúng a kaahamusmoó úr oo Mungú kureerisleém, ar adoodár Melkisedeki.»

WARA'AMI 132:11

AAKOÓ MUNGÚ Daudi guna al'axweesantá ló' i oó', slám i alií ki/iiká al'axweesantadá' ngiwa warqeesi, iwa kaahi, «Baraá daaqaywoge garmoó wák u iwiitiís gawaá kitaangók oo waawuti'iima.

WARA'AMI 77:9

Mungú gurhhooarós gaa gunqareési? Xáy ar buhhtaawose gurtleemu gwa báqi?

WARA'AMI 89:34

Alqado a siaaká, laqaá a warqeesaaká tidá' afkwe'eene naa oó'.»

WARA'AMI 89:35

«Lo'o aga /aáy wa'aá wake ar hhohhoaarir'eé', eeít, lama a tsataaká dír Daudiwo.

ISAYA 21:17

Miguusér niina, tidá' maheeraá tlaquut ar múk Kedari, in mét. Anuú AAKOÓ MUNGÚ, Munguú Israeli, tí ana oó'.»

ISAYA 31:2

Tam adoorihe Mungú ku sagaloó', i slahh'amuú huwahuuw, Inós axweesantós ga warqeesiiká, Ala in sihhiit iwa slaqwi nee maraá múk tlákw nee in slaaqw nee mukdá' múk tlakweemaá tlehhahhiít gu alee/iimamiís.

ISAYA 40:8

Gitso in kát, nee /ayo iri /óts, ala axweesantá Munguúrén in hotaatiín ay alhhe'eesay wasle.»

ISAYA 46:11

Aníng deelaqaasi an iimír da/aáwí ateét. Heé sufueé' gu xuú' un amór yaamaá saáwá huúw. Tí aníng aga oó' nee an boo/eés, tidá' naa qoomeés aqo an tleéhh.

ISAYA 55:11

An adoodá' axweesantá aa baraá afkueé' wa ti'it, asma iwa tawo ki/ká amor'eé' ale. Ala aqo tidá' ni slaa' gan boo/és, aqo tidá' kasa ya/aáw gan tléhh.

YEREMIA 4:28

Gawaá adoorihe yaamu i tsuunqumisiyá', nee doori i boo/ayá'. Tí án aga oó', i baloó warqeeraaká. Aníng tí aga ístí tsaát, sleeme a alií ki/aaká.

DANIELI 4:28

Muruuwí sleémeero aa oó' ina boó/ dír waawutmo Nebukadnesa i ale.

HOSEA 11:9

Aníng buhhta i máw, múk Israeli u malé qwaareesár awaaká. Asma aníng a Mungú, aníng a heewooká. Aníng an kudá' hhoohhoó' baraá tla/angwhunge, aníng nu hhaamisár awaaká ar xarasleemaeé'.

MIKA 7:20

Kuúng inkihhimuuwók kuri dír xwaylár Yakobówí laqaán, sla'aarirók ar warqawaaká kari dír xwaylár Abrahámúwí laqaán, adoodá' iimír aange kara dír xwayliiteéréní al'axwés.

HABAKUKI 2:3

Asma iigu'utuuwí qoomár kus hariím i deer, a kángw ló' oo alhhe'eesaydá' gaanslár hardáh. Barnaxes i tligatliik, kuúng daameek, asma looeemawo niqo hardah, i tligiiká.

MALAKI 3:6

AAKOÓ MUNGÚ Aleesleemusmo i kaahi, «Aníng a AAKOÓ MUNGÚ, kudá' warqaaqawaaká, an gár kuungá', xwaylár Yakobo, tundusa qwaareesiiká.

FAARO 14:35

Anuú AAKOÓ MUNGÚ tí ngina oó', looeemaawo kuungaásingá' sleémeero aníng iga tlampa'ase' nu adoodá' taa katé' i tleéhh, kuungá' sleémeero an baraá xaanxaywí i hhaandá' nee an baraaká' i qatlá'.»

FAARO 23:18

Bala'amu aarirós tí gari oó', iwa kaahi, «Tlawáng Balaki, iia qaaseek! Aá garmoó Sipori, aníng iiárií qaasáng.

Luka 21:33

Doori nee yaamu i waarahhiyá', ala axweesante'eé' i baloó waarahhká.»

Rumi 11:29

Asma Mungú gurtleemuú aa haniís gu alki/iiká, nee slám hee bar ngwa tsawaár, gu si'iiká aluuwo.

Rumi 9:6

Ala a ooaaká axweesantá Mungú ina warqeér. Asma múk xoorór Israeli sleémeero a múk Israeli oo kil'eeká.

2 Timoteo 2:13

Atén bar inkihhimuú ala inós inkihhimuuwós i baloó faakiiká, asma inós kilós ti aleeslayká sa tlaankuuwo.»

Tito 1:2

nee sleeme as harahhifór slafíngw alhhe'eesay wásl kawa slay, kudá' Mungú aa qaroó geerií al'axweés iimír iimu/uungo, Mungú lama ga ooiiká.

Ebrania 6:18

Gawaá adoorihe Mungú muruuwí tsár gwa oó', al'axweesantós nee lo'o. Muruuwí i baloó warqayká, nee Mungú lama ga baloó ooiiká daanduú muruuwihe. Ateéká' inós ugwa i guwaan, muruuwí atén tin ló'wa gurkwa/amis, as harahhifoodá' taa geeraarén i qaás kawa slawaan.

Ebrania 7:21

Ala Yesu kuna kaahamusmoó wa qaás ar lo'o. Asma Mungú guna adoorí báy, «Aako lo'o gana /aáy, slám ga baloó amohhu'unká, ‹Kuúng a kaahamusmo ay alhhe'eesay wasle.› »

Yakobo 1:17

Umuúqo gár hhoo' nee umuúqo gár ganaa' amór kingiwa hanmiisi a gawaá doori. Amór Mungú ngin dáhh, kudá' gwa/aateemaá gawaá doori gaa tleehh. Asma inós i warqaaqayká, slám atén ti baraá giwtírií geexayká.

Yakobo 4:5

Laqaá kuungá' ka xua' Gooi in tawó axwésa, tidá' kah, «Mungú gura' gun ló'wa ohín as qeeruudá' aa baraarén i qaás.»

YOSHUA 21:45

Baraá al'axweesantadá' hhoe sleémeero ar AAKOÓ MUNGÚ aa oó' dír xoorór Israeli, ar aa boo/eesiiká i káhh tam ar wák, al'axweesantós sleémeero iri bó/.

1 SAMUELI 15:29

Slám Munguúduú xirfuú Israeli, lama ga ooiiká, tam i gwadidinká asma inós a heewooká.»

1 SAMUELI 3:12

Baldae axweesantadá' sleémeero naa oó' daanduú doó Eliwo a boo/eés, iimír iimu/uúngw wa ale ay alhhe'eesaay.