FAARO 23:14 - Biblía Axweesantá Hhohho' ar Mungú 2004

¹⁴ Naagáy Bala'amu kuri huúw nee Balaki ay baraá qamaá Sofimu gawaá ságw tloomár Pisga. Gawaadae kiteeraá ilahhooa awa faanqw gina tleéhh, dír umuúqo kitaango awuú wák nee gwaanduwo gina haniís.

FAARO 23:14 Iomraidhean Croise

ISAYA 46:6

Mukdaádá' sahaábuú duxuúm baraá tlakw'ii'ín wa alé peésa ngiri qoomeemeesiyá' ar kílo. Heedaáduú sahaábuú kwahhuút nguri buiyé' ar peésa, as slaqsa'aá mungui ngiwa tleehh. Naagáy kiri i tumbarara'aamiit kiri sluufmiis.

HOSEA 12:11

Tam hamí munguaá hatlá' ki sluufmiis baraá Gileadiro, mukdá' sleémeero gi sluufmiís ku hhaamiis. Ala tam hamí damaay ki ilahhooár muruú ta tsú/í hanmiis baraá Gilgaliro, ala kiteeridaá ilahhooa ki ufér tlaa/e tleehh baraá hha'aá qamuuwo.

FAARO 21:20

tari Bamoti wa tláy ay xatstá dah baraá yaamaá Moabu, dír tsitsinír tloomár Pisga, tidá' baraá xaanxoó ga/áw.

FAARO 23:13

Balaki Bala'amu guri báy, «Qwaláng ay amór hatlá' amoodae i bahh aán ala a sleémeerowooká. Daqaní inooín ki lu'ús as aníng.»

FAARO 23:15

Bala'amu iri oó' dír Balaki, «Kuúng meét dír ilahhooarók tír da/a, aníng an tláw amór gayuuqá' as nee AAKOÓ MUNGÚ tiwa doogaan.»

FAARO 23:29

Bala'amu iri oó' dír Balaki, «Kiteeraá faanqw awa ilahhooa tleehheek, nee awér faanqw ka amohhe'és, nee gwaandaawér faanqwe as aníng.»

DABE 3:27

Tsa/ám ay gawaá tsitsinír tloomár Pisga, ta ló'wa qaytsita hhe'és bihhaá /uwa, nee /iya, nee basa, nee bihhaá da/aáw, yaamuudá' ki xuuxú', ala kuúng yaaér Yordani a waarahhká.

DABE 34:1

Mose iri baraá xatstadár Moabúr wa tláy, iri tsa/án gawaá tloomár Nebo, ay dír tsitsinidá' ta bay Pisga, tidá' nee yaamaá Yeriko ti ga/aawá'. Nee AAKOÓ MUNGÚ yaamuudá' sleémeero iimír Gileadír wa tleemu ay Dani giri dirósí laqán,

DABE 4:49

dinkwa nee bihhaá da/aáw awa yaaér Yordani ay tlawtá Araba, alhhe'eesoó /etángw tloomár Pisga.