FAARO 22:9 - Biblía Axweesantá Hhohho' ar Mungú 2004

⁹ Mungú Bala'amu guri harati'iít guri yaahaás, «Muksíng nee kuúng dinkwa a ín heemá?»

FAARO 22:9 Iomraidhean Croise

IIMU/UUNGW 16:8

Malaykamo gari yaahaás, «Hagári, kiíng sagadiyuso'ór Sarai a dáhh, nee kiíng a keér?» Hagari iri ilawáts, iri ó', «Án aamar'eé' Sarai ngina ilagoów.»

IIMU/UUNGW 20:3

Ala Mungú Abimeleki guri i daqáy ar baraá tlata, guri báy, «Kuúng a tuua, asma /ameenisíng taa hayót a harér hee.»

IIMU/UUNGW 31:24

Ala xweeraawo Mungú Labani, heé Aramu guri i daqáy ar baraá tlata, guri báy, «Ti harmagahh, Yakobo mu /aymuú bawaar ku hhoó' laqaá tam ku tlaakwe.»

IIMU/UUNGW 4:9

AAKOÓ MUNGÚ Kaini guri báy, «Hhiyaawók Abeli i amá?» Kaini iri oó', «U xuaaká, ahaá, aníng a xuumusmoó hhiyaeéne?»

IIMU/UUNGW 41:25

Yosefu Farao guri báy, «Tlataawók tsaraawo gár i kaahiya' a wak. Mungú gár i tleehhi deeloorí tseewe, ngaa kuúngí laqán.

TI'INAANGW 4:2

AAKOÓ MUNGÚ guri báy, «Gaasíng ta koon a milá baraá dakoge?» Mose iri oó' «A hhara.»

DANIELI 2:45

Tlaa/a ana aán ar naa kilós tsatit gawaá tloomár wa alé, ar hee aa kwatitiiká. Muqslír aáng gana suwaawá', nee muqslír sirdaa/aate nee tleeiro nee muqslidár peesaaro nee sahaábuwo. Gawaá adoorihe Munguúdá' úr kaangwí ngwa dirógí xu'utís, waawutámo, a kángw tlehharuút aluúwaá ale. Tlataaká' awa ló', nee gár i kaahiya' ar ló' sleeme.»

FAARO 22:10

Bala'amu Mungú guri mu/aywaáts, «Balaki garmoó Sipori aníng ina i ya/abín, i kaahi,

FAARO 22:20

Naagáy, Mungú Bala'amu guri harati'iít xweeraawo guri báy, «As mukwí kuúng uwa ateetár áy, daqáw ti alkoonde' nee inooín, ala gár ta tlehh a tidá' naa kuúng báw kilós.»

FAARO 22:8

Bala'amu giri báy, «Deelaré' xweeraakae, daqaní aníng gár AAKOÓ MUNGÚ i slai ngi oó'.» Bariisér Moabu nee Bala'amu tari deél.

Matayo 24:24

Asma kristo lama nee aaruusér lamuuseero ni ti'iitiyá' Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

Matayo 7:22

Baldá' múk yaariír aníng i bay, ‹Aáko, Aáko, atén aga ariirimániíke ar umuuwók, nee neetlaame aga gusisimániíke ar umuuwók, tam muruú yaariír oo waa/oo/amo ugwa tlehhiitániíke ar umuuwók, kudá' naa aténií hanís.›

Yohana 11:51

Kayafa /aymuuwí inós kilós gwa ooiiká. Ala inós kurkudae a kaahamusmoó úr oo Mungú. Gawaá adoorihe axweesantós tí a aari adór Yesu ir gwaá' as daanduú xooroorí.