FAARO 22:6 - Biblía Axweesantá Hhohho' ar Mungú 2004

⁶ Kuúng qwaláng hamí, mukwí lu'usek daanduueé' wa ale, asma a múk /uuremaá koóm. Dooqa i aleesláw ngiwa baa/, ngiri guús mindiwa dahiyé' baraá ayaeene. Asma aníng a xuú' heé kuúng ta tsúq kwaa tsuúq, bura lu'ús kwaa lu'ús.»

FAARO 22:6 Iomraidhean Croise

IIMU/UUNGW 12:3

Oo kuúng u tsuúq, án u tsuúq, Oo kuúng u lu'umís, án un lu'ús. Nee baraá kuunge xoordu sleémeero kin tsuuq.»

IIMU/UUNGW 27:29

Tlahh'aá muu u sagadiyuusiye', nee xoordu u ilaiwawa/iye'. Kuúng hhaeewók ki sawaawuti'iín, nee na/aá aayírók u ilaiwawa/iye'. Kudá' kuúng u lu'ús, ku lu'usi, nee kudá' kuúng u tsuúq, ku tsuuqi.»

1 WAAWITÁ 22:13

Qoomaarihe heedaádá' taa ya/aáw aa Mikaya ateetár ay, iri oó' dír Mikaya, «Ga/aaweek aaruuse sleémeero ar hatlá' gár aa ó' a waawutmo in baalín, gám na'ás adoodá' inooín taa oó' kuúng na ooeek, gár hhoo' na ooeek.»

1 WAAWITÁ 22:6

Ahabu aaruuse gari burumbuúr, aaruusér tsiire tsiiyáhh, gari yaahaás, «Xaysé' aníng a haraatláwa Ramot-gileadi, laqaá daqawká?» Inooín tari oó', «Haraatláw, AAKOÓ MUNGÚ kuúng u baalírí haniis.»

1 WAAWITÁ 22:8

Waawutmoó Israeli Yehoshafati guri báy, «I deer oo wák, Mikaya, garmoó Imla. Inós un yaahasaán daanduú AAKOÓ MUNGUHE, ala aníng u ló'wa sla'aaká asma inós gár hhoo' ngi aainká dir'eene, aqo har gár tlaakw kilós.» Yehoshafati iri oó', «Lakiít waawutámo, adoosíng ma ooaar.»

NEHEMIA 13:2

Asma múk Israeli qoomár niwa baraá yaamaá Misri wa ti'iít ngaa muruú /aymár i hanisi'iiká laqaá tam ma'aá wahaangw, kitaangose a Bala'amu nguna buiyé' as múk Israeli nguwa lu'usi, ala Munguúrén lo'oodá' gana warqeés tay tsuuqa.

WARA'AMI 109:28

Muu maweek i lu'umisi, ala kuúng aníng na tsuuqáng, kudá' amor'eéni slaqwá' ki mureekeesi. Anuú sagadiyusmoowók ni qwalaá/.

AXWEESANOÓ SAGALOOA 26:2

Adoodár pareeqamo nee sooriro ir tlatlaya' ar hhampe'eeri'ín, tam lo'ór gaa wasl sleeme hee gu /agká.

ESEKIELI 13:6

Iigu'utuuín a lamtá tawo, nee inooín gár i aariirina' a al/aymár tawo. Inooín ngiwa xuiya' in axweesiyá' kitángw anuú AAKOÓ MUNGÚ wa aleeró, ala aníng ngaa ya/aawiiká, slamí inooín ngi xuiya' aníng tidá' i aariirina' a boo/eés.

MIKA 6:5

Kuungá' muk'eé', inslawiimé' adór Balaki, waawutmoó yaamaá Moabu nura qwaareesár wa slaá' nee adór aarusmo Bala'amu, garmoó Beori ngwa báw, anuú AAKOÓ MUNGÚ a slaá' kuungá' nuwa gár hhoó' i tleehh. Nee inslawiimé' sleeme adór tara Shitímuú wa tleeré' tay hardaté' ay Gilgali. Muruuwí inslawaak as kawa tsahha' adór án kuungá' nura alee/iimamiís.»

FAARO 22:12

Mungú Bala'amu guri báy, «Miti alkoomara' nee muksíng, tam mukdá' sleeme mu lu'usar, asma mukdá' kwaa tsuúq.»

FAARO 22:17

Gám aníng kuúng u iwa/a/aát nee u baloó qiitlaaká, umuuqo gár ta sla'a ar ni firiin ngi haniís. Qwaláng mukwí daanduueé' wa lu'usek.› »

FAARO 23:13

Balaki Bala'amu guri báy, «Qwaláng ay amór hatlá' amoodae i bahh aán ala a sleémeerowooká. Daqaní inooín ki lu'ús as aníng.»

FAARO 23:27

Aluuwo Balaki iri oó' dír Bala'amu, «Qwaláng, u huúw amór hatlá', dooqa Mungú i ya/án amoodae mukwí ku lu'ús as daanduueé'.»

FAARO 24:9

Ina xupuú' iri yaamií qaát adór diraangw, a adór dirángw /ameeni, heé gu qiítl gwarangwarto? Umuúqo heé kuungá' naa tsuuq ku tsuuqi, umuúqo heé kuungá' naa lu'us ku lu'usi.»

Tlehhema'aá ya/Abuuse 16:16

Looarka wake tawa didár saalíngw kawaan, nee lawaalo'orka tina doogaán ar neetlaamér aaru'uumár koom. Inós daqaareerós gan daqaari'iimár yaariírí slaasleér ar loohír aaru'uuma.

DABE 23:4

asma qoomaadá' kuungá' niwa baraá yaamaá Misrír wa ti'ité', inooín kuungá' naa baraá loohírí al'ayi'iiká ar muruú /ayma nee ar ma'aay. Ala inooín Bala'amu garmoó Beori kuduú Petorír daáhh, tidár baraá yaamaá Mesopotamia, nguna tlaxwiyé', as kuungá' nuwa lu'usi.

YOSHUA 24:9

Aluuwo Balaki garmoó Sipori, waawutmoó xoorór Moabu, niri slaqwarár áy amór xoorór Israeli. Inós Bala'amu garmoó Beori guri ateét as kuungá' nuwa lu'usi.

1 SAMUELI 17:43

Heewuú Filisti Daudi guri báy, «Ahaá hhartisíng ta koon ar milá? Kawa xu' aníng a seeáywo niwa amor'eé' keer ar hhara.» Heewuú Filisti, Daudi guri lu'ús ar umuú munguaá múk Filisti.