FAARO 22:4 - Biblía Axweesantá Hhohho' ar Mungú 2004

⁴ Naagáy xoorór Moabu bariisér Midiani gari beér, «Amaqawár yaariir tí ar xoorór Israeli deelór niina bira gwá' umuú gaaro ga hhaamís iisaapayrén kwihe, adoodá' hikwa gitsór baraá qamu ngir farkakina'.» Nee qoomaarihe Balaki garmoó Sipori a waawutmoó yaamaá Moabu.

FAARO 22:4 Iomraidhean Croise

1 WAAWITÁ 11:18

Hadadi nee mukós tari tláy yaamaá Midianír wa ale, dír Paraniro mukko kuri didá wa artláy, tari alkoné' ay dír waawutmoó yaamaá Misri. Waawutmo Farao Hadadi guri muruú /aymaárií haniís nee do' nee yaamu.

TI'INAANGW 15:15

Múk urén oo Edomu aa amoqwaár, geeraharuusér Moabu ina daaráx. Muu sleémeero oo baraá Kana'anír hoót, gur'er'ín ma'aay ngaa dalaa/iyé'.

YEREMIA 48:38

Gawaá daandeemaá maraá Moabuwo nee baraá lohdaá urene gár hatlá' i káhh aqo har tsuunqusmo kilós. Asma aníng múk Moabu ugwa kwaáhh adór xooslmoó hee aa sií'. Anuú AAKOÓ MUNGÚ tí ngina oó'.

FAARO 22:2

Waawutmoó ta bay Balaki garmoó Sipori, mura' sleémeero guna axaás oo múk Israeli aa tleéhh dír xoorór Amori.

FAARO 22:7

Naagáy geeraharuusér Moabu nee ar múk Midiani tari tláy, tari amór Bala'amuú káy, i peésár bu'utuú qwaslaarmoó koná'. Tawa hardáh ya/abtór Balaki kari oó'.

FAARO 24:17

Kudá' hardáh u ga/áw, ala a hamiheeká, una ár ala ku tseeweeká. Baraá xwaylár Yakobowo tsatsee/i ni ti'ít, waawutmo ni tla/ángw múk Israelír wa ti'iit, ar hhartós tidár waawuti'iimaro múk Moabu gun baal, xwaylár Seti sleémeero gari qororo'oos.

FAARO 25:6

Qoomaarír kilae heeko wák oo Israeli /ameenír wák ar múk Midiani ngina huúw dír do'ós. Qoomaarihe Mose nee boo/oó múk Israeli ta dír afkú heémár Mungú i dirii' ta tsuunqumiis.

FAARO 31:1

AAKOÓ MUNGÚ ina axweés dír Mose iwa kaahi,

FAARO 31:8

Baraá múk taa tsu/i oo kooán a waawituú Midiani. Waawitaadá' a kwí: Efi nee Rekemu, nee Suri, nee Huri, nee Reba. Bala'amu garmoó Beori sleeme kuna gaás.

HAR'OHUUSE 11:25

Xáy, kuúng a tsiníhe ta Balakiwo garmoó Sipora, waawutmoó múk Moabu? Inós nee múk Israeli taa tlampa'asi'iiká laqaá taa muxi'iiká.

HAR'OHUUSE 6:1

Xoorór Israeli tlehhma'aá tlakw gina tléhh dír geeraá AAKOÓ MUNGUHE, AAKOÓ MUNGÚ inooín giri haniís gawaá dabaá múk Midiani, har afiqoomár kureeri faanqwe.