FAARO 22:38 - Biblía Axweesantá Hhohho' ar Mungú 2004

³⁸ Bala'amu Balaki guri báy, «Hamí án naa hardáh! Xáy aníng aleesleemu u koóma oo umuú gaaro ngiwa oo'? Umuú gaaro ar Mungú ni ooi an tidá' hariim ngiwa oo'.»

FAARO 22:38 Iomraidhean Croise

1 WAAWITÁ 22:14

Ala Mikaya iri oó', «Adoodá' AAKOÓ MUNGÚ ir hotaatina, axweesantadá' AAKOÓ MUNGÚ iga báy an tidá' ni oó'.»

1 WAAWITÁ 22:16

Ala waawutmo Mikaya guri báy, «Án kuúng u lo'ór /aymiis ar umuú AAKOÓ MUNGÚ sagaá waa magá' as looeema ngiwa o'?»

2 QOM'I 18:13

Ala Mikaya iri oó', «Adoodá' AAKOÓ MUNGÚ ir hotaatina, aníng gár ni oo' aqo tidá' Munguúeé' iga báy.»

WARA'AMI 33:10

AAKOÓ MUNGÚ axweesanoó múk xoordu taa qoomeemeés guna hhitín, muruudá' ta aldakuút guri warqeés.

WARA'AMI 76:10

Looeemaawo buhhtaá hee i warqayá' tawa xirif diroge, tam kudá' naa meetiye' buhhtaawoge u diidi'iimisiyá'.

AXWEESANOÓ SAGALOOA 19:21

Muu muruú yaariír gun mak qoomaamees, Ala gár tleehharuut a tidá' AAKOÓ MUNGÚ aa ya/án.

ISAYA 44:25

Aníng layudaá lama in hhitiím, kudá' tlaa/aá xuá' in daktana tleéhh, axweesantá múk sageeloén an sií', tam xu'utir'ín an daktu'uuma tleéhh.

ISAYA 46:10

Aníng alhhe'eesaay nguna iimír iimu/úngwa oó', nee muruudá' aluú wa hardáh nguna iimír aáng wa oó'. Aníng a kah, ‹Gar'eé' ar naa qoomeés a boo/eés nee tidá' sleémeero ni slaa' a tleéhh.›

ISAYA 47:12

Magaáhh baraá qwaslaari'iimaroge nee da/ariiwók kudá' ure, kudá' handá' aáng taa tlehhít iimír baraá masoombi'imarók doóqa slaasláw a sleér, laqaá ka xu' an baaliín.

FAARO 22:18

Ala Bala'amu geeraharuusér Balaki gari báy, «Tam Balaki do'ós oo peésár wa haáts nee sahaábuwo ngu haniisi, aníng a qiitlaaká hara'ayár AAKOÓ Munguúeé' ngiwa wa/akuut, i hariindaaká gár niina ngiwa /aarees laqaá tamar ur.

FAARO 22:37

Balaki iri oó' dír Bala'amu, «Waáy, misinda gaanslár hardatká' uwa ateét? Ahaá ana ói, ilaiwa/amér ni aníngí tleehhi i deéro?»

FAARO 22:39

Naagáy, Bala'amu nee Balaki niri altlayé' tari hardáh baraá gixsár Kiriat-husoti.

FAARO 22:8

Bala'amu giri báy, «Deelaré' xweeraakae, daqaní aníng gár AAKOÓ MUNGÚ i slai ngi oó'.» Bariisér Moabu nee Bala'amu tari deél.

FAARO 23:16

AAKOÓ MUNGÚ nee Bala'amu tari slayé', inós axweesani gari oó' dír Bala'amu ar i ooár ay dír Balaki.

FAARO 23:26

Ala Bala'amu Balaki guri báy, «Xáy ugwa bawiikáhe gár AAKOÓ MUNGÚ naa aníng báy an tidá' hariim ngiwa tleehh.»

FAARO 24:13

niwa oó', ‹Tam do'ók oo peésár wa haáts nee sahaábuwo ngu hanisa, axweesantá AAKOÓ MUNGÚ a qiitlaaká waa/akuutaro, gár hatlá' ngiwa tleehh, ar hhoo' laqaá ar tlaakw ar sagw'eé' kilós.› Niri oó', ‹Tidá' AAKOÓ MUNGÚ ni ooi an tidá' ni oo'.› »