FAARO 22:34 - Biblía Axweesantá Hhohho' ar Mungú 2004

³⁴ Bala'amu malaykamoó AAKOÓ MUNGÚ guri báy, «Tlakweema iga tleéhh, asma aga xuiiká adór kuúng tara sihhít baraá loohi as aníng iwa ila/. Adoorí bar kuúng a sla'aká, hamí mawa kumiít aaiwo, a kií/ amór do'.»

FAARO 22:34 Iomraidhean Croise

2 SAMUELI 12:13

Naagáy Daudi Natani guri báy, «AAKOÓ MUNGÚ ugwa tlakweemií tleéhh.» Natani iri oó', «AAKOÓ MUNGÚ tlakweemaawók gaa gurtláy, kuúng a gwa'aká.

1 QOM'I 21:7

Ala Mungú adoorí taa tleéhh gwaa sla'atiská, gawaá adoorihe múk Israeli gway muúx.

WARA'AMI 78:34

Bál bar baraakarka ngaa tsuú/, awa hatlá' nay hhu'uu'uná', Mungú nguri leelehhiitiyé' ar tsáp.

TI'INAANGW 9:27

Aluuwo Farao Mose nee Aroni giri ateét, giri báy, «Aníng waiikae aga dakuús, AAKOÓ MUNGÚ in gan'amuú kón, aníng nee muk'eé' tlakweema iga tleehhaán.

AXWEESANOÓ SAGALOOA 24:18

Asma AAKOÓ MUNGÚ kudá' adoosíng ga ga/áw gaasíng gu sla'atiská wakusmoowók kudá' guri máy i buhhtaawo.

FAARO 11:1

Muu qununu/aay guna iimu/ún dír AAKOÓ MUNGÚ as daanduú slahh'amuudá' naa slayé'. AAKOÓ MUNGÚ adoorí ngiwa axaás, iri ló'wa buúhh, muu guri ásltí kwaáhh. Asltí iri ót tla/angw'ín wa ale, bihhaá wák awa xafaay giri /ák.

FAARO 14:40

Matlaatlér looaytleérós tana tseewa ti'iít ay gawaá tlom'i, tawa kaahi, «Atén hamí daxta taa amohhe'eesaán amoodá' AAKOÓ MUNGÚ naa oó' ngiwa kawaan, asma dakuúsarén aga gwadiidimaán.»

FAARO 22:12

Mungú Bala'amu guri báy, «Miti alkoomara' nee muksíng, tam mukdá' sleeme mu lu'usar, asma mukdá' kwaa tsuúq.»

FAARO 22:33

Daqwaywók aníng ina ár ay ki/ima tám. Iri papaásl baraá loohiro sagaáwa tám, paslmuwós kudá' a adór aníng ir kwirhhimiiti. Geera bar daqwaydá' aa pasliiká aníng kuúng ugwa gaás, daqwaay nguri slafíngwí máw.»

1 SAMUELI 15:24

Saulo Samueli guri báy, «Tlakweema iga tleéhh, asma hara'ayár AAKOÓ MUNGÚ aga sii', tam axweesantók sleeme aga ilaiwa/iiká, asma muu una da'ayuút, afor'ín ngiri ilaiwaá/.

1 SAMUELI 15:30

Saulo iri male oó', «Aga tlakweés, ala hamí u firiím, ilaiwa/áng geeraá bariiseedár muk'eene nee dír geeraá múk Israeliro ya/aamáng, nee kuúng niwa alki/aan, as AAKOÓ MUNGÚ, Munguúwók nguwa sluufiis.»

1 SAMUELI 24:17

Saulo Daudi guri báy, «Kuúng an gan'amuú koón ta aninge. Kuúng aníng ina hhooeemií tléhh, ala aníng kuúng una gár tlaákwí tleéhh.

1 SAMUELI 26:21

Saulo guri báy, «Aníng dakuús aga tleéhh. Ki/ang garmaaeé' Daudi, án kuúng u gár tlaákwií tleehhaaká, as laarí slafingw'eé' a gár afhhamít dír geeraawoge. Aníng aga daktu'uút nee kángw kilae aga tlakweés.»