FAARO 22:32 - Biblía Axweesantá Hhohho' ar Mungú 2004

³² Malaykamoó AAKOÓ MUNGÚ Bala'amu guri báy, «Ahaá waáy, daqwaywók musa sláhh ay ki/ima tám. Aníng nina hardáh as kuúng uwa ilaa/, asma loohirók ka tlaakw dír geeraeene.

FAARO 22:32 Iomraidhean Croise

WARA'AMI 145:9

AAKOÓ MUNGÚ ku hhoó' dír muu sleémeero. Nee gurtleemuwós i gawaá umuúqo gár aa tleehhi.

WARA'AMI 147:9

Makaay gin muruú /aymár i slaasláy, na/aá xwa'aaro awa /aa/amiimá' sleeme.

WARA'AMI 36:6

Gan'amuuwók a adór tlom'aá uren, sakwasleemarók a adór iltá tlawi, AAKOÓ MUNGÚ, kuúng muu nee makaywo in de'eén.

AXWEESANOÓ SAGALOOA 14:2

Heé gan'amúr hoót i AAKOÓ MUNGÚ ilaiwawaa/, Ala heé aa parangaa/ i Mungú waaqaqaa'.

AXWEESANOÓ SAGALOOA 16:2

Hee ngiwa xui tlehhmi'iiwós sleémeero i ganaaiyá', Ala AAKOÓ MUNGÚ munér muu gan xuuxu'ún.

AXWEESANOÓ SAGALOOA 28:18

Heé hoót ar tsaeema ku ba/amis Ala heé muruú tlákw gu eeharahár in huu' ar wa'aá wák.

AXWEESANOÓ SAGALOOA 28:6

Tsiní narkutmoó tsaeemár hoót ta daqaarmoó tlaakwe.

YONA 4:11

Xáy, aníng a hariímaáke gixsár Ninewi ngiwa gurtlaw, gixsadá' ur? Baraawose múk yaariír i deer oo kume tsiiruú wák nee mibeeri tsár gaa baa/ oo dákw doó /iyáy nee oo basáy ngu tsatsahhama'aaká. Nee malé alé makaá ló'wa yaariir awa ta de'en i dayá'.»

MIKA 6:5

Kuungá' muk'eé', inslawiimé' adór Balaki, waawutmoó yaamaá Moabu nura qwaareesár wa slaá' nee adór aarusmo Bala'amu, garmoó Beori ngwa báw, anuú AAKOÓ MUNGÚ a slaá' kuungá' nuwa gár hhoó' i tleehh. Nee inslawiimé' sleeme adór tara Shitímuú wa tleeré' tay hardaté' ay Gilgali. Muruuwí inslawaak as kawa tsahha' adór án kuungá' nura alee/iimamiís.»

FAARO 22:20

Naagáy, Mungú Bala'amu guri harati'iít xweeraawo guri báy, «As mukwí kuúng uwa ateetár áy, daqáw ti alkoonde' nee inooín, ala gár ta tlehh a tidá' naa kuúng báw kilós.»

FAARO 22:22

Mungú iri qa/iít buhhtawo asma Bala'amu iwa daqáy, as adoorí malaykamoó AAKOÓ MUNGÚ iri saga awín loohirí ale, as nguwa ilaa/i. Qoomaarihe Bala'amu i gawaá daanduú daqwaywós ti koná' nee sagadiyuuseerós ar tsár.

FAARO 22:28

AAKOÓ MUNGÚ daqwaydá' guri afkú axweesántí haniís, Bala'amu guri báy, «Gár naa tlakweés a milá iwa sláhh ay ki/ima tám?»

FAARO 22:33

Daqwaywók aníng ina ár ay ki/ima tám. Iri papaásl baraá loohiro sagaáwa tám, paslmuwós kudá' a adór aníng ir kwirhhimiiti. Geera bar daqwaydá' aa pasliiká aníng kuúng ugwa gaás, daqwaay nguri slafíngwí máw.»

FAARO 22:35

Ala malaykamoó AAKOÓ MUNGÚ Bala'amu guri báy, «Tláw nee mukwí, ala gár ta o' a tidá' kilós ugwa báw.» Naagáy, Bala'amu tari alkumiít aaiwo dinkwa nee geeraharuusér Balaki.

Tlehhema'aá ya/Abuuse 13:10

iri oó', «Kuúng a garmoó Neetlaangw, nee slám a háts al/ayma sleémeerowo nee tlakweema. Kuúng a wakusmoó gan'amu sleémeero. Kuúng lohaá Aako awa naa ganaaiye' paslimisuwo mis baloó meeraaká?

DABE 23:4

asma qoomaadá' kuungá' niwa baraá yaamaá Misrír wa ti'ité', inooín kuungá' naa baraá loohírí al'ayi'iiká ar muruú /ayma nee ar ma'aay. Ala inooín Bala'amu garmoó Beori kuduú Petorír daáhh, tidár baraá yaamaá Mesopotamia, nguna tlaxwiyé', as kuungá' nuwa lu'usi.

DABE 25:4

«Awuú balángw adaráh as nguwa pur/umiisi mu afaá tseegaar.