FAARO 22:23 - Biblía Axweesantá Hhohho' ar Mungú 2004

²³ Naagáy daqwaay malaykamooduú AAKOÓ MUNGÚ guri ár aa sihhiít baraá loohi, paánga gaa duúx baraá tlakwaywose, gaa dákwí óh. Daqwaay iri paásl baraá loohidae. Bala'amu daqwaydá' guri slaáhh as nguwa ki/isi baraá loohi.

FAARO 22:23 Iomraidhean Croise

2 WAAWITÁ 6:17

Elisha Mungú guri firín, «Aá AAKOÓ MUNGÚ, ilaá sagadiyusmooeé' kwí gweereek as iwa qaytsitiya'.» Naagáy ilaawós kari gweér nee AAKOÓ MUNGÚ, masoomodá' faras nee gaardaá asla giri ár bihhér tlooma sleémeero. Elisha ngwa harweeriyé'.

1 QOM'I 21:16

Daudi, malaykamo guri ár i sihhmiit tla/ángw doorí wa ale i paángár kón dakose, taa amohhe'eés gixsár Yerusalemu ngiwa qwaareesi. Daudi nee bariisér xoorór Israeli tari gur'ér ar qaát yaamu, guniyadu ngaa tsiitiyé'.

YEREMIA 8:7

Tam halé/ sleeme qoomár loohaay ga xuu', hhooka, nee paréq nee diingoro qoomár ki/ima ngi dakumiisiaaká. Ala muk'eé' kwí gár i xui i káhh daanduú dabér AAKOÓ MUNGUHE.

DANIELI 10:7

«Anuú Danieli, kilooeé' iigu'utuwí una ár, mukdaádá' nee aníng dinkwa i diriiá' gár naa ariyé' i káhh, ala nina ló'wa da'ayutiyé', tari ta'aaín niri nahhaatiyé'.

FAARO 22:22

Mungú iri qa/iít buhhtawo asma Bala'amu iwa daqáy, as adoorí malaykamoó AAKOÓ MUNGÚ iri saga awín loohirí ale, as nguwa ilaa/i. Qoomaarihe Bala'amu i gawaá daanduú daqwaywós ti koná' nee sagadiyuuseerós ar tsár.

FAARO 22:24

Kár malaykamooduú AAKOÓ MUNGÚ iri geerií hi'iít, iri sihhiít dír loohi kawa iiraákw, baraá tla/eeraá qamaá sabiíbu, nee bihhe tsaraawo a gee/aawe.

Tlehhema'aá ya/Abuuse 22:9

Mukdá' nee aníng ti al koomá', gwa/aateema kilooín kina ár, ala afór heedá' naa amor'eéní axwees kaa axaasiiká.

YOSHUA 5:13

Looarka wake Yoshua iiwa isaapoó gixsár Yeriko, Yoshua heé símér koóm gway ár i geeraawós wa sihhmiit. Yoshua iri amoorós i hi'iít guri báy, «Xáy, kuúng a bartá slaqwaruusér ayaaréne laqaá bartá wakaruuseerén?»

2 Petro 2:16

Ala inós kuri iigahhaát as tlakweemaawós kudá'. Asma daqwaydá' axweesani ga aleeslawaaká, iri axweés ar afór hee, aarusmoowí guri ilaá/ baraá tlehhemuuwós kuduú sagawasleero.

Yuda 1:11

Mukwí a tsaxwaaín. Asma inooín loohír Kaini kana eehár. Tari /eét baraá dakuúsadár Bala'amu, as tawa bu'utuú slai, inooín tari qwaár baraá dee/aanuú adór kuduú Kora.