FAARO 22:20 - Biblía Axweesantá Hhohho' ar Mungú 2004

²⁰ Naagáy, Mungú Bala'amu guri harati'iít xweeraawo guri báy, «As mukwí kuúng uwa ateetár áy, daqáw ti alkoonde' nee inooín, ala gár ta tlehh a tidá' naa kuúng báw kilós.»

FAARO 22:20 Iomraidhean Croise

WARA'AMI 81:12

Gawaá adoorihe aníng ina máw tawa tlay ar adoodá' inooín i slaiya', nee ar baraá hara'ayduín.

ISAYA 37:29

As kuúng tawa aníngí búhh nee as axweesanaywók kuduú taqnaa/i niwa gawaá iaeéní hardáh, aníng duungaawók i óh ar baratsufaay, nee himuueé' un afkók ar tseék, aníng kuúng uri watlís ar loohi tidá' aáng nira daqeér.› »

YEREMIA 1:7

Ala AAKOÓ MUNGÚ iri báy, «Ma kaahaar tu niiná, asma amór án kuúng uy qo ya/aawa an daqeér, nee umuúqo gár u bawa an ó'.

HOSEA 13:11

Aníng ana buúhh waawitaáhúng nguri haniís, ala ana qa/iít buhhtaawo nguri hingeés.

FAARO 22:19

Ala na'asé', xweeraakae diirií deelare' adór mukhúng kudá' wa ale, as aníng ngiwa xuu' kangwdá' AAKOÓ MUNGÚ i malé bay.»

FAARO 22:35

Ala malaykamoó AAKOÓ MUNGÚ Bala'amu guri báy, «Tláw nee mukwí, ala gár ta o' a tidá' kilós ugwa báw.» Naagáy, Bala'amu tari alkumiít aaiwo dinkwa nee geeraharuusér Balaki.

FAARO 23:12

Bala'amu Balaki guri báy, «Aníng gár tiwa hariím a axweesantadá' AAKOÓ MUNGÚ iga báy an oó'.»

FAARO 23:16

AAKOÓ MUNGÚ nee Bala'amu tari slayé', inós axweesani gari oó' dír Bala'amu ar i ooár ay dír Balaki.

FAARO 23:26

Ala Bala'amu Balaki guri báy, «Xáy ugwa bawiikáhe gár AAKOÓ MUNGÚ naa aníng báy an tidá' hariim ngiwa tleehh.»

FAARO 23:5

AAKOÓ MUNGÚ axweesani gari oó' dír Bala'amu ar i ooár ay dír Balaki.

FAARO 24:13

niwa oó', ‹Tam do'ók oo peésár wa haáts nee sahaábuwo ngu hanisa, axweesantá AAKOÓ MUNGÚ a qiitlaaká waa/akuutaro, gár hatlá' ngiwa tleehh, ar hhoo' laqaá ar tlaakw ar sagw'eé' kilós.› Niri oó', ‹Tidá' AAKOÓ MUNGÚ ni ooi an tidá' ni oo'.› »

FAARO 24:4

A aarír heé axweesantá Mungú ga axamiís, heedá' iigu'utuú Mungú Aleesleemusmo gu araa'ár, kudá' aa tumbarara'aat ala i xumiis.