FAARO 22:18 - Biblía Axweesantá Hhohho' ar Mungú 2004

¹⁸ Ala Bala'amu geeraharuusér Balaki gari báy, «Tam Balaki do'ós oo peésár wa haáts nee sahaábuwo ngu haniisi, aníng a qiitlaaká hara'ayár AAKOÓ Munguúeé' ngiwa wa/akuut, i hariindaaká gár niina ngiwa /aarees laqaá tamar ur.

FAARO 22:18 Iomraidhean Croise

1 WAAWITÁ 13:8

Ala heedaáduú Mungú iri oó', «Gám tam tlaqtá daqaari'iimarók bingi hanisa a sla'aaká, amór do'ók a kawaaká, muruú /aymár diirí u /ayaaká, laqaá ma'aá yaamuuká' i wahaaká.

1 WAAWITÁ 22:14

Ala Mikaya iri oó', «Adoodá' AAKOÓ MUNGÚ ir hotaatina, axweesantadá' AAKOÓ MUNGÚ iga báy an tidá' ni oó'.»

2 QOM'I 18:13

Ala Mikaya iri oó', «Adoodá' AAKOÓ MUNGÚ ir hotaatina, aníng gár ni oo' aqo tidá' Munguúeé' iga báy.»

YOBU 3:15

Laqaá geeraharuusér sahaábú koóm, kudá' mari ngaa hatsisiyé' ar muqslaadár peésa.

DANIELI 5:17

Danieli waawutmo Belshasa guri báy, «Waawutámo qeemuwók koomeek, nee bu'utuuwók haniiseek dír heé hatlá'. Tam nee adoorihe waawutámo, aníng gooisíng ngi soomuús nee gár i kat ngi oó'.

FAARO 22:19

Ala na'asé', xweeraakae diirií deelare' adór mukhúng kudá' wa ale, as aníng ngiwa xuu' kangwdá' AAKOÓ MUNGÚ i malé bay.»

FAARO 22:38

Bala'amu Balaki guri báy, «Hamí án naa hardáh! Xáy aníng aleesleemu u koóma oo umuú gaaro ngiwa oo'? Umuú gaaro ar Mungú ni ooi an tidá' hariim ngiwa oo'.»

FAARO 22:8

Bala'amu giri báy, «Deelaré' xweeraakae, daqaní aníng gár AAKOÓ MUNGÚ i slai ngi oó'.» Bariisér Moabu nee Bala'amu tari deél.

FAARO 23:26

Ala Bala'amu Balaki guri báy, «Xáy ugwa bawiikáhe gár AAKOÓ MUNGÚ naa aníng báy an tidá' hariim ngiwa tleehh.»

FAARO 24:12

Bala'amu iri oó' dír Balaki, «Xáy án kaangw ngwa ooikáhe dír ya/abuuseerók tidá' naa amor'eé' ya/áp,

FAARO 24:13

niwa oó', ‹Tam do'ók oo peésár wa haáts nee sahaábuwo ngu hanisa, axweesantá AAKOÓ MUNGÚ a qiitlaaká waa/akuutaro, gár hatlá' ngiwa tleehh, ar hhoo' laqaá ar tlaakw ar sagw'eé' kilós.› Niri oó', ‹Tidá' AAKOÓ MUNGÚ ni ooi an tidá' ni oo'.› »

Tlehhema'aá ya/Abuuse 8:20

Ala Petro iri oó', «Kuúng nee peésaroge, tsarere'eét, asma kuúng kawa xu', qeemuú Mungú ku slasláy ar peésa!

Tito 1:16

Inooín ta kaahi atén Mungú u xuaán, ala inooín Mungú ku siaasii' ar tlehhemi'ii'ín. Inooín a múk aa dee/aanuut ló'wa ale, múk iawaslén, Múk hariimaaká gadiyér hho' tam ar wák kawa tleehhi.

YOSHUA 24:10

Ala aníng firór Bala'amu ana sií', inós kuungá' nuri tsuúq. Gawaá adoorihe aníng kuungá' nuri baraá dabaá Balaki wa tuú/.