FAARO 22:12 - Biblía Axweesantá Hhohho' ar Mungú 2004

¹² Mungú Bala'amu guri báy, «Miti alkoomara' nee muksíng, tam mukdá' sleeme mu lu'usar, asma mukdá' kwaa tsuúq.»

FAARO 22:12 Iomraidhean Croise

IIMU/UUNGW 12:2

Án kuúng u xoorór ur tleéhh, án kuúng u tsuúq, nee umuuwók nguri ureés, nee kuúng tari tsuuqa tleehhít.

2 QOM'I 31:10

Asariya kaahamusmoó úr oo Mungú, kuduú xwaylár Sadoki, guri mu/aywaáts, «Iimír muu muruuwí huwaahubuwo nguwa iimu/ún baraá doo Mungú, muruú /aymár yaariír ugwa slawaán nee oo yaariír aa meét. AAKOÓ MUNGÚ mukós gwaa tsuuqaá yaariír i haniís, an gár muruuwí sleémeero kusa slawaán.»

WARA'AMI 144:15

Ku amohhoó' múk tsuuqaá adór kuká' gaa slay. Ku amohhoó' mukdá' oo AAKOÓ MUNGÚ tawa Munguúín.

WARA'AMI 146:5

Heé amohhoó' a kudá' alee/isaay gu harahhiíf dír Munguú Yakobo, nee harahhifoorós i dír AAKOÓ Munguúwós.

ISAYA 61:9

Xwaylar'ín iri iia tleeruúr baraá xoorduuwo, nee na/ii'ín baraá tla/ángw muko sleeme, umuúqo heé inooín gaa ari gari tsaahh, adór inooín tar múk taa tsuúq nee AAKOÓ MUNGÚ.»

MIKA 6:5

Kuungá' muk'eé', inslawiimé' adór Balaki, waawutmoó yaamaá Moabu nura qwaareesár wa slaá' nee adór aarusmo Bala'amu, garmoó Beori ngwa báw, anuú AAKOÓ MUNGÚ a slaá' kuungá' nuwa gár hhoó' i tleehh. Nee inslawiimé' sleeme adór tara Shitímuú wa tleeré' tay hardaté' ay Gilgali. Muruuwí inslawaak as kawa tsahha' adór án kuungá' nura alee/iimamiís.»

FAARO 22:11

‹Xoororka Misrír daahh, ayaarén gwa al'ót.› Balaki ina firín ngiwa lu'us as kahhó' iwa baalin qoomár bar ta slaaqw. »

FAARO 22:13

Matlaatleero Bala'amu niwa tláy, geeraharuuseedár Balaki gari báy, «Kuungá' watlé' ayaahúng, asma AAKOÓ MUNGÚ aa ya/anká aníng nee kuungá' tiwa alkoomaan.»

FAARO 22:6

Kuúng qwaláng hamí, mukwí lu'usek daanduueé' wa ale, asma a múk /uuremaá koóm. Dooqa i aleesláw ngiwa baa/, ngiri guús mindiwa dahiyé' baraá ayaeene. Asma aníng a xuú' heé kuúng ta tsúq kwaa tsuúq, bura lu'ús kwaa lu'ús.»

FAARO 23:23

Ar looeemawo múk Yakobo da/aluuse gu baqká, tam qwaslaare sleeme múk Israeli gu aleesleeraaká. Hamí daxta muu iri ooi daanduú múk Israeliwo, ‹Qayté' waa/oo/amór Mungú aa tleéhh!›

FAARO 23:3

Bala'amu Balaki guri báy, «Sihhiít dír ilahhooarók tír da/a, án a tláw, doóqa aníng nee AAKOÓ MUNGÚ ti doogaán. Gár naaqo dir'eéní laqani án ngi oó'.» Naagáy Bala'amu kilós iri tsa/án gawaá ságw tlooma.

FAARO 23:8

Heé Mungú aa lu'usiiká adór ngur lu'us a adoomá? Heé AAKOÓ MUNGÚ aa tli/isiiká adór ngur tli/is a adoomá?

FAARO 24:9

Ina xupuú' iri yaamií qaát adór diraangw, a adór dirángw /ameeni, heé gu qiítl gwarangwarto? Umuúqo heé kuungá' naa tsuuq ku tsuuqi, umuúqo heé kuungá' naa lu'us ku lu'usi.»

Matayo 27:19

Nee Pilato iwa iwiít gawaá kitaangós kuduú kwasleema, hareerós hee nguri ya/áp, guri beér, «Kángw heesíng gan'amuú koóm mu i dahaar. Asma laarí xweeraawo aníng tina slahh'eemaamiís ar baraá tlata as inós.»

Rumi 11:29

Asma Mungú gurtleemuú aa haniís gu alki/iiká, nee slám hee bar ngwa tsawaár, gu si'iiká aluuwo.

Efeso 1:3

Mungú i xirfuuti, Baabuú Aakoorén Yesu Kristo. Inós atén tina tsuúq ar baraá Kristo ar tsuuqa sleémeero awa Qeeru, awa gawaá doori.

DABE 2:7

«Gimsé', inslawaak adór AAKOÓ MUNGÚ, Munguúhúng kuungá' nura tsuúq baraá umuú gaaro ar taa tlehhi'i. Kuungá' nuna de'én qoomár tawa baraá xaanxaywí úr wa tongaanusa'. Inós ina hoót dinkwa nee kuungá' har afiqoomár kureeriiká' mibeeraá tsiyahhe, nee kuungá' gár nuwa /aaruur i káhh.

DABE 23:5

Ala AAKOÓ MUNGÚ, Munguúhúng Bala'amu gwa iiárií qaasiiká, kitaangose Mungú lo'oodá' gana warqeés tawa tsuuqa dirhunge, asma AAKOÓ MUNGÚ, Munguúhúng kuungá' nuna ló'wa slaá'.

DABE 28:6

«Kuun tun tsuuq qoomár bar darát nee bar ti'imít.

DABE 33:29

Kuungaá Israeli a múk amohhoó', múk adór kuungá' a gaalá? Múk taa ba/amís nee AAKOÓ MUNGÚ. Inós an gaambórhúng ar alee/isaay, nee paángarhúng ar baali. Wakuuserhúng ni dirhúng i hardát ar ilaiwa/ame, kuungá' kiri yaamuií naka/aruurá'.»

DABE 7:14

Kuungá' tundun tsuuq ta muu sleémeero oo daanduú yaamuwo. Baraá tla/angwhunge hhawaata laqaá /ameenír xwayluwaaká i káhh, laqaá hikwaahúng.