FAARO 21:34 - Biblía Axweesantá Hhohho' ar Mungú 2004

³⁴ Ala AAKOÓ MUNGÚ Mose guri báy, «Mu da'ayumiitaar, asma ngwaa gawaá dabaawók i haniís, dinkwa nee mukós sleémeerowo, nee yaamuuwós sleémeerowo. Adoodár Sihoni waawutmoó Amori kuduú Heshboni kway tléhh, inós ti tlehh.»

FAARO 21:34 Iomraidhean Croise

2 SAMUELI 5:19

Naagáy Daudi kaangwí guri yaahaás dír AAKOÓ MUNGÚ, «Xáy AAKOÓ MUNGÚ, múk Filisti u i haratláwa? Xáy, ngu dabaaeé qása?» AAKOÓ MUNGÚ, Daudi guri bay, «Daqáw, asma ar looeemawo múk Filisti ngu dabaawógi qaás.»

1 WAAWITÁ 20:13

Qoomaarír kilae aarusmooko wák ina amór waawutmo Ahabu káy oo múk Israeli, guri báy, «AAKOÓ MUNGÚ i kaahi, ‹Boo/oó yaariír kwí oo askaári hám ugwa aándi? Aníng laarí ngi gawaá dabaawók qaás, daqaní kuúng a tsáhh adór aníng tar AAKOÓ MUNGÚ.› »

1 WAAWITÁ 20:28

Heé Mungú iri tseewúy dír waawutmoó Israeli guri báy, «AAKOÓ MUNGÚ i kaahi, asma múk Aramu i kaahi, ‹AAKOÓ MUNGÚ a munguú gawaá tlom'i, a munguú baraá yaamaá xatstooká.› Gawaá adoorihe aníng kuúng u baalír i haniís dír slaqwaruusér yaariir ar Aramu, nee kuúng kay tsáhh, adór aníng tar AAKOÓ MUNGÚ.»

2 WAAWITÁ 3:18

Ala tí dír AAKOÓ MUNGUHE ka gawdeeká tleehharo, inós sleeme baali ngi haniis dirhunge ar múk Moabu kuwa ar ba/a'.

ISAYA 41:13

Asma anuú AAKOÓ MUNGÚ, Munguúwók, dakók oo doó /iyáy un óh, nee aníng kuúng un babaw, ‹Ma da'ayumitaar, aníng kuúng u alee/iís.›

FAARO 14:9

Axáy kuungá' AAKOÓ MUNGÚ mu siaara', laqaá yaamuloousér yaamuudá' ma da'ayumiitaara'. Asma atén inooín i naanúr /ayanaaká, baqamor'ín kaa qaroó hingeés, nee AAKOÓ MUNGÚ i dinkwa nee atén, ma da'ayumiitaara'.»

FAARO 32:4

kuká' AAKOÓ MUNGÚ aa hayóh as múk Israeli, a yaamaá qawtantá hikwaá wa hhoo', ateékaá sagadiyuuseerók hikwa i koomaán.

DABE 2:30

«Ala Sihoni waawutmoó Heshboni ina sií' tawa baraá tla/ángw yaamuuwós ar waarahhaan. Asma AAKOÓ MUNGÚ, Munguúhúng guna sagagawdeés, nee guna muuná gawdeés, as atén kuwa baalaan, nee yaamuuwós kiwa hayohaan, kuká' hamí laarí ta /ayaan.

DABE 20:3

ngi bay, ‹Xoorór Israeli, iia qaasaak! Kuungá' laarí slaqwara a tsaxwaá kawa iimu/uunda' nee wakuuserhúng. Gimsé' ma mune siaara', laqaá mada'ayumiitaara', laqaá ma daaraaxara', ma kwislmiitara'.

DABE 3:1

«Naagáy tari alií warqawaán, tari amór yaamaá Bashanír xuaán. Waawutmo Ogu niri hardáh nee mukós sleémeero as iwa slaqwi nee atén dír isaapoó gixsár Edreír wa ale.

DABE 3:11

«Waawutmo Ogu an heé alhhe'eesáy oo múk Refai. Sandakmoowós kuna tleéhh ar muqsli, tlenaangós a miíta tsiyáhh, nee bihheero a tsaxwaá miíta tsár, qoomoó alhotaariro. Sandakmoodá' tam ay hamí i deer baraá gixsár Raba ar múk Amoni.

DABE 31:6

Kuungá' /atlé', nee munehhe'eesé'. Mada'ayumiitaara', laqaá munduwa dae tlaaqiyé'. Asma AAKOÓ MUNGÚ, Munguúhúng nee kuungá' tin alkoondá', inós i surukiiká dirhunge nee nu geexayká.»

DABE 7:17

«Ma baraá munerhúng i kaahara', ‹Mukwí ku úr ta atene. Xáy, guusaro adór ngir aslawan baraá yaamuukae a adoomá?›

DABE 7:18

Mi da'ayumiitaara', inslawaak adoodá' AAKOÓ MUNGÚ, Munguúhúng aa tleéhh dír Farao nee yaamu sleémeero awa xoorór Misri.

DABE 7:21

Gimsé', mi da'ayumiitaara', asma AAKOÓ MUNGÚ, Munguúhúng i baraá tla/angwhúng i dirii'. Inós an Munguú úr nee kudá' dae tlaaq.

DABE 7:24

Inós waawitaáín ngu gawaá dabaahúng i haniis, kuungá' kiri tsu/á', nee inooín kiri gunqarees. Heé inooín baqto gi aleesláw i kaahh, ay dír kuungá' inooín kay hhaamisa'.

YOSHUA 10:25

Yoshua iri oó' dír múk Israeli sleémeero, «Ma da'ayumiitaara', laqaá ma amoqwaqwadiimara', pihhé' nee migisé', asma adoorí an adoodá' AAKOÓ MUNGÚ i tleehhi dír wakuuserhúng sleémeero.»

YOSHUA 10:8

AAKOÓ MUNGÚ Yoshua guri báy, «Ma baloó da'ayutaar as inooín. Asma aníng inooín ngaa qaroó gawaá dabaawók i qaás. Heé kuúng u harasihhiít i kaahh tumu wák.»

YOSHUA 8:7

Kuungá' daqaní ni /akumitá' baraá xwaansláydá' tay nahhati'i, daqaní ta datá' baraá gixsa. Asma AAKOÓ MUNGÚ, Munguúhúng gixsa ngi gawaá dabaahúng i qaas.

HAR'OHUUSE 11:30

Yefta lo'o gari /aáy dír AAKOÓ MUNGÚ wa ale, iri oó', «Barnaxes múk Amoni ngu gawaá dabaaeénií qás,

1 SAMUELI 23:4

Daudi AAKOÓ MUNGÚ guri male firín, Aakoó Mungú Daudi guri mu/aywaáts, iri oó', «Tláw ay Keila, múk Filisti ngu dabaawok i qaás.»