FAARO 21:24 - Biblía Axweesantá Hhohho' ar Mungú 2004

²⁴ Ala múk Israeli inós nguri gaasiyé' ar paángár xaraasl, yaamuuwós ngiri hayoohiyé', iimír yaaér Arnonír wa tleemu ay yaaér Yaboki, ay yaamaá múk Amoni. Qoomaadae digimuú yaamaá Amoni ku ló'wa xún.

FAARO 21:24 Iomraidhean Croise

IIMU/UUNGW 32:22

Xweeradaá kilae Yakobo iri daarkiít, tlaawaywós tsaraawo gurir tláy, sagadiyuuseerós tsaraawo nee na/iiwós kudá' mibaá nee wak, yaae gari waaraáhh dír dahhsantá ta babay Yaboki.

NEHEMIA 9:22

«Ina pa/aángwí hanís oo waawuti'iima nee xoorduwo kiwa arba/i, umuúqo bihhiiwo ina muruú yaariír i tléhh. Yaamaá Heshboni ngina arba/iyé' kudaá waawutmo Sihoni aa sawaawuti'ín. Sleeme yaamaá Bashani ngina arba/iyé' kudaá waawutmo Ogu aa sawaawuti'ín.

WARA'AMI 136:19

Sihoni, waawutmoó múk Amori, guri gaás, Asma sla'aarirós i warqeeraaká ay alhhe'eesay wasle!

AMOS 2:9

«Tam adoorihe, aá muk'eé', aníng xoorór Amori ana hhaamiís geerahúng wa alé, inooín tam múk tlede adór sahhtár wa ale, nee tam i /uureemaá kona'a adór ti'ituú wa ale, eeít, aníng haleemiiwós nee dee/áruwose ina qororo'oós.

FAARO 21:13

Tana male didá' wa tláy, xafay'ín kuri tleéhh bihhaá /iya awa yaaér Arnoni, tidá' baraá yaamaá Amorír daahh, iri waaraáhh baraá xaanxaay. Yaaér Arnoni an digimuú múk Moabu nee múk Amori.

DABE 1:4

Adoorí gana tleéhh alaá AAKOÓ MUNGÚ waawutmo Sihoni oo xoorór Amori nguwa baál, kudá' gixsár Heshboni gaa hoot, nee waawutmo Ogu oo Bashani, kudá' gixsár Ashtaroti gaa hoot nee Edrei.

DABE 29:7

Nee qoomár tawa baraá ayawií hardahaán waawutmo Sihoni oo Heshboni, nee waawutmo Ogu oo Bashani nina hardiyé', as niwa slaqwarár aya' amoorén, ala atén ina baalaán.

DABE 3:16

nee múk hhay Reubeni nee Gadi ina yaamu sleémeero awa amór Gileadi ay yaaér Arnonír i haniís, digmuuín bihhaá basko a tla/ángw yaae. Nee bihhaá /iiko a yaaér Yaboki tidár digmuú xoorór Amoni.

DABE 31:4

AAKOÓ MUNGÚ múk baraá yaamuudá' gun hhaamiis adoodá' aa tleéhh dír waawutmo Sihoni nee Ogu, waawituú múk Amori, qoomár yaamuuín ngiwa hhaamiís.

DABE 4:46

Kaangwí ina tleehharuút qoomaadá' tawa gayuú hatlá' oo Yordanírí dirii'i baraá xatstadár geeraá Bet-peori, baraá yaamuudá' aáng awa waawutmo Sihoni oo Amori, kudá' aa waawuti'in baraá gixsár Heshbonír wa ale. Mose inooín gina baál qoomár múk Israeli niwa baraá yaamaá Misrír wa ti'iít.

YOSHUA 13:12

nee yaamu sleémeero awa waawutmo Ogu. Inós an waawtmoó aa meet baraá xoorór Refairo. Inós ina waawuti'ín gixsár Ashtarotír wa ale nee Edrei baraá yaamaá Bashani. Asma Mose awa hatlá' sleémeero gaa tlatlahhaás.

YOSHUA 24:8

Aluuwo nuri huúw ay baraá yaamaá múk Amori, kudá' gayuú da/aáw oo yaaér Yordanír hoót. Inooín nina slaqwarár ayé' amorhúng. Aníng ngiri gawaá dabaahúngií qaás, ngiri hhaamiís. Kuungá' yaamuuín kiri hayoté'.

YOSHUA 9:10

nee tidá' aa tleéhh dír waawitaadá' tsár oo Amori, kuduú bihhaá da/aáw awa Yordani, waawutmo Sihoni oo Heshboni nee Ogu waawutmoó Bashani, kudaádá' aa hoot Ashtarotír wa ale.

HAR'OHUUSE 10:11

AAKOÓ MUNGÚ múk Israeli guri báy, «Xáy, aníng kuungá' naa tu/iikáhe dír múk Misriro, nee dír múk Amoriro, nee múk Amoniro, nee dír múk Filistiro?

HAR'OHUUSE 11:13

Waawutmoó múk Amoni, mukdá' taa ya/aáw guri báy, «Asma múk Israeli yaamuueé' aáng gina hayóh qoomár niwa Misrír dahhiya', iimír Arnonír wa tleemu ay Yaboki, tam ay Yordani, gimáy daxta yaamuuká' ki/isang ar wayda.»

HAR'OHUUSE 21:8

Ngiri slaiyé' xu'utiro, áx tlahhoó aa daqayká i deéro baraá tla/ángw tlahh'aá Israeliwo baraá dinku'uumár Misparo. Ngiri tsaahhiyé' naxés baraá dinku'uumadae heé Yabesh-gileadi tumu wák oo naa daqay i kaahh.