FAARO 20:6 - Biblía Axweesantá Hhohho' ar Mungú 2004

⁶ Mose nee Aroni tari tláy tla/ángw múk wa ale, tari xupuú' dír afkú heémaadár Mungú. Naagáy xirfuú AAKOÓ MUNGÚ iri geehhooúy,

FAARO 20:6 Iomraidhean Croise

1 QOM'I 21:16

Daudi, malaykamo guri ár i sihhmiit tla/ángw doorí wa ale i paángár kón dakose, taa amohhe'eés gixsár Yerusalemu ngiwa qwaareesi. Daudi nee bariisér xoorór Israeli tari gur'ér ar qaát yaamu, guniyadu ngaa tsiitiyé'.

TI'INAANGW 16:10

Qoomár Aroni iwa axweesi dír dinku'uumadár múk Israeli, inooín tana qaytsiít amór xaanxáy ale, naxés xirfuú AAKOÓ MUNGÚ nina geehhooúy ar gawaá huunki.

TI'INAANGW 17:4

Mose iri /aá/ amór AAKOÓ MUNGÚ, iri oó', «Mungú, aníng mukwí adór ngu laaq a adoomá? Asma inooín i aníng tlaqutuú wa slaiyá' ar tlaa/e.»

FAARO 12:5

AAKOÓ MUNGÚ iri aweér ar uhmoó huunki, iri sihhiít dír afkú heéma, Aroni nee Miriamu giri ateét. Tsaraawo tari geerií suruúk.

FAARO 14:10

Ala dinku'uumadá' sleémeero tlaa/e gina lak taatáhh as mukdá' kuwa tlaquuti. Xirfuú AAKOÓ MUNGÚ niri gaanslár hardáh, heémár Mungú gari tuuntuúk dír geeraá múk Israeli sleémeero wa ale.

FAARO 14:5

Naagáy Mose nee Aroni tari gur'eér qaát dír geeraá dinku'uuma sleémeero ar múk Israeli.

FAARO 16:19

Aluuwo Kora muu sleémeero guri dinkwaárí burumbuúr, tari sihhiít dír geeraá Mose nee Aroni, kudá' dír afkú heémár Mungú i diriiá'. Nee xirfuú AAKOÓ MUNGÚ iri geehhoúy dír dinku'uumadá'!

FAARO 16:22

Ala Mose nee Aroni tari gur'ér qaqtín tawa kaahi, «Aá AAKOÓ MUNGÚ Kudaádá' oo slafíngw muu sleémeero, xáy heé wák bira dakuús, aqo xooro sleémeero an i búhha?»

FAARO 16:4

Mose kaangwí nguwa axaás, iri gurúr qaát.

FAARO 16:42

Qoomár niwa burumbuuriyé' dír geeraá Mose nee Aroni as tawa qununu/i, gur'er'ín kana amór heémár Mungú xu'ús, tawa qaytsiít naxes heémaadá' kaa tuuntuúk nee huunki, nee xirfuú AAKOÓ MUNGÚ ina geehhooúy didaádae.

FAARO 16:45

«Dír dinku'uumasinge ti paratle', hamír kilá' i adaá hhaamiís!» Ala Mose nee Aroni tana gur'ér ar qaát.

FAARO 20:7

AAKOÓ MUNGÚ iri axweés dír Mose, guri báy,

Matayo 26:39

Iri geerií kumiít gár niinawe, giti gari yaamúr óh, iri firín iri oó', «Baabuúeé', barnaxes i ya/aán, qoomaarír slahh'amu aníng i wa pa/. Ala ma tleehhaar ar adoodá' án ngir slaa', na tleehheek ar adoodá' kuúng ta sla'.»

YOSHUA 7:6

Yoshua nee bariisér Israeli tlabaaín ngina feehhamisiyé' as gurhaami, inooín tari gwangwara'amiít dír geeraá sandakmoó alqadór AAKOÓ MUNGÚ. Nina didá' wa iwaawitiyé' ay tsiindo, slám sager'ín ngaa teerírí qamaaminé'.