FAARO 20:20 - Biblía Axweesantá Hhohho' ar Mungú 2004

²⁰ Ala waawutmoó Edomu ina naagiís, iwa kaahi, «Atén a baloó ya/amanaaká.» Naxés slaqwaruusér /uuruú koom ar Edomu iri hardát as iwa slaqw.

FAARO 20:20 Iomraidhean Croise

IIMU/UUNGW 27:41

Esau Yakobo guri aáhh as tsuuqaá taa haniís nee baabuúwós. Esau iri baraá muunaáwós i oó', «Deelór baabá kuwa sa tsuunqumiisi naa naká/. Daqaní hhiyaaeé' Yakobo un gaás.»

IIMU/UUNGW 32:6

Ya/abuuseedá' iri kí/ amór Yakobo, kuri báy, «Ana hardahaán amór hhiyaawók Esau, inós i loohír i dirii' as uwa ilaoohi, nee múk tsiire tsiyáhh ti koná'.»

WARA'AMI 120:7

Aníng gár ni slaa' a wayda, ala wayda bur káh, inooín gár ta slai a slaqwara.

AMOS 1:11

AAKOÓ MUNGÚ i kaahi, «Aníng múk Edomu u mawaaká muxtaaro asma tlakweema tlakweema ngiwa tlehhaahhitiyé'. Asma inooín hhaeeín awa Israeli ngina slakaatiyé' ar paangadu, inooín tam gurtleemú niiná daanduú hhaeeine ngu kona'aaká. Buhhtaaín nina kumaamitiyé' umuú daqto.

FAARO 20:18

Ala waawutmoó Edomu giri mu/aywaáts, «Aasla'áy! A waarahha'aaká ar baraá yaamuueé', gám bara waarahhamú eér un i haraatlawaán ar paánga.»

FAARO 20:21

Naagáy múk Edomu tari sií' múk Israeli tawa waaraahhi ar baraá digeemi'ín. Múk Israeli tari warqáy, loohír hatlá' kari óh.

HAR'OHUUSE 11:17

Aluuwo múk Israeli afo gari ya/aáw amór waawutmoó Edomu tawa kaahi, ‹Atén kuúng u firimaán tawa waarahhaan ar baraá ayaawók.› Kár ala waawutmoó múk Edomu kaangwí gwa ya/aniká. Sleeme afo ngina ya/aawiyé' amór waawutmoó Moabu, kár ala inós aa ya/aniká sleeme, gawaá adoorihe múk Israeli iri hoót Kadeshír wa ale.

HAR'OHUUSE 11:20

Ala Sihoni múk Israeli gwa haratlinti'iiká iwa waaraahhi ar baraá yaamuuwós. Sihoni mukós gway burumbuúr, xafay'ín nguri tleehhiyé' dír Yahasa, niri slaqwarár ayé' amór múk Israeli.