FAARO 20:15 - Biblía Axweesantá Hhohho' ar Mungú 2004

¹⁵ Adoodá' baabi'iirén tara yaamaá Misrír káy, amoodae tari hotaatín de'emaá yaariire, nee adoodá' baabi'iirén kira slahh'eemiís nee múk Misri, atén sleeme tiri slahh'eemisiyé'.

FAARO 20:15 Iomraidhean Croise

IIMU/UUNGW 15:13

AAKOÓ MUNGÚ Abramu guri báy, «Xueek, xwaylarók ka /aytiis baraá yaamaá kooineeká, tari /eetuuse. Inooín kiri lawaale tleehh, kiri slahh'eemiis ar har afi qoomár kureeraá tsiire tsiyáhh.

IIMU/UUNGW 46:6

Muruuín nguri huwiyé', nee daqaari'iimar'ín baraá yaamaá Kana'anír wa alé, tindiri hardáh yaamaá Misri, Yakobo dinkwa nee xwaylarós sleémeero.

IIMU/UUNGW 46:7

Daaqaay nee daaqoó daaqaywós, dasuuwós nee dasuú daaqaywós, nee xwaylarós sleémeero, gina huúw ay yaamaá Misri.

2 SAMUELI 12:18

Alaá deelo faanqw iwa waaráhh, na/aydá' iri gwaá'. Sagadiyuusér Daudi iri da'ayút gwa'arár na/aay ooaro. Tari oó', «Qoomár iwa deér inós un i axweemamisaán, ala ti iiárií qamaaminká. Hamí adór gwa'arár na/aywós kar ooaan? Ti hariiáyke?»

TI'INAANGW 1:16

«Qoomár bar /ameenár múk Ebraniár asla aeerá', barnaxes a na/oó garma kuna xwaylúy gaasaak, ala bar na/oó dasi mu gaasara'.»

TI'INAANGW 1:22

Aluuwo Farao mukós sleémeero guri ádbáy iwa kaahi, «Umuúqo na/oó garma oo tindi laqwaali nee /ameenír múk Ebrania /aytisaak baraá yaaér Nili, ala bar a na/oó dasi mu /aytisaara'.»

TI'INAANGW 12:40

Xoorór Israeli baraá yaamaá Misriro kureeri ngaa hót a tsiire tsiyáhh nee mibeeri tám.

TI'INAANGW 5:14

Ga/aawuuseedár múk Israeli tidá' taa qaás nee sagesihhtuusér Farao kari muúx nee sagesihhtuuseedá', nee kiri yaahamiís tawa kaahi, «Gár qoomayduú matofaáli oo /isá' nee laarí kusa hatsisi'iiká a milá, adór /iisí ta tlehhaahhita'?»

FAARO 11:5

Baraá yaamaá Misriro atén siyó tlaxo wásl una /ayaán siiwár kuwa inslawaán. Axáy taangí inslawaak nee tikiti nee muruuko adór kuchunguru nee kuchunguruú saumu.

FAARO 16:13

Xáy gaarí an gár niinaáwe tiwa dúx baraá yaamaá Misrír wa ale, yaamaá diihhooár ilwa nee dane, as tiwa tsu/ baraá xaanxaywí ale? Slám ti malé sawaawuti'iín!

FAARO 20:14

Mose muu guna amór Kadeshír wa ya/aáw ay dír waawutmoó yaamaá Edomu, guri báy, «Hhiyaawók Israeli i kaahi, ‹Kuúng a xú' slahh'amuudá' taa slawaán.

FAARO 20:16

AAKOÓ MUNGÚ atén kuri i /aa/amimaán, inós /aa/eerén giri axaás, malaykamoowós nguri ya/aáw as tiwa duuxi baraá yaamaá Misrír wa ale. Ala hamí daxta a diirír Kadeshír i diriaán, gixsár dír digmuú yaamuuwógí dirii'.

Tlehhema'aá ya/Abuuse 7:15

Yakobo iri aweér Misri, iri gwaá' baraadií alé, inós nee baabi'iirene.

Tlehhema'aá ya/Abuuse 7:19

Kwí múk tlahhayrén guna baramaanuús, nee baabi'iirén giri tlehhema'aá tlákw i tlehhiít. Hara'aya gari oó' na/aá ninakw kiwa kwakwaahhi, as mindiwa hootiyé'.

DABE 26:6

Xoorór Misri tiri i xarásl, tiri slahh'eemiís, tiri /uurutimisiyé' baraá gadiyér gawit adór lawaale.