FAARO 20:12 - Biblía Axweesantá Hhohho' ar Mungú 2004

¹² Ala AAKOÓ MUNGÚ Mose nee Aroni giri báy, «Asma kuungá' aníng iga haratlinti'ii'iiká laqaá hhohhoaarir'eé' aga laqaandi'iiká dír geeraá múk Israeli sleémeero, daxta kuungá' mukwí u dahasa'aaká baraá yaamuudá' naa lo'ór wa /aáy ngiwa inooín i haniis.»

FAARO 20:12 Iomraidhean Croise

2 QOM'I 20:20

Looa niwa tleér matlaatlér boo/e tana tseewa tláy amór xaanxoó Tekoa. Qoomár tawa tlatlay, waawutmo Yehoshafati ina geeraaín i sihhiít giri báy, «Aá múk Yuda nee yaamuloouusér Yerusalemu, án iiárií qaasaré'! AAKOÓ MUNGÚ haratlintiaak, kuungá' daqaní a gawduurá', nee aaruuseerós haratlintiaak, daqaní kuungá' a baaliindá'.»

WARA'AMI 106:32

Mungú kuna buhhtís dír ma'aá Meribár wa ale. Mose slahh'amu guri sláy as inooín.

WARA'AMI 99:8

AAKOÓ Munguúrén, kuúng an kudá' mukók ugwa mu/aywats, kuúng an Munguúduú gurtleemuú koóm dír mukoge, ala li/oó tlakweema un bu'uún.

ISAYA 7:9

Slám ságw Efraimu a Samaria, nee ságw Samaria a garmoó Remalia. Barnaxes a haratlintatia'aaká, looeemaawo a gawdura'aaká.»

ISAYA 8:13

Kuúng án kilooeé' na tsaahháng, AAKOÓ MUNGÚ Aleesleemusmo, tiwa hhoohhoó'. Án kilooeé' na ilaiwawa/áng nee na da'ayumitáng.

ESEKIELI 20:41

Ala barna duúx baraá yaamuudá' tay diyaá/ nuri dinkwaárií burumbuúr, ilahhooarhúng tidá' mooyaangw tsuú' a ilaaóh. Aníng hhohhoaarir'eé' ngiri geehhooatís tla/angwhúng wa alé dír geeraá xoorór hatlá'.

ESEKIELI 36:23

Umuueé' kudá' úr kuungá' taa slasla/areesé' baraá tla/ángw xoorduudá' wa alé, un adoorós tidár aáng i ki/ís baraá tla/angw'ine. Qoomaarí an qoomaadá' xoorduká' ngiwa tsaahhiya' adór aníng tar AAKOÓ MUNGÚ. Anuú Aakoó MUNGÚ tí aga oó'. Aníng kuungá' nu gadiyuús as hhohhooari ngiwa laqaam geeraá xoorduuwo.

ESEKIELI 38:10

«Kuúng, Gógu, anuú Aakoó MUNGÚ a kah, baalaadá' birna xeér muruú tlákw kuri axwés baraá muunaáwók i ale, nee kuri qoomeemés tari o',

TLAHHOÓ LAÁWI 10:3

Mose Aroni guri báy, «Ar tleehhmuuwí taa aán AAKOÓ MUNGÚ gana slaá' ngiwa laqan tidá' iwa oó', ‹Tin laqaám dír mukdá' dir'eéní tseéw, adór tir hhoohhoó', aníng tiri xirfayees nee muu sleémeero.› » Aroni iri qartlamiít.

FAARO 11:15

Ala barnaxes adoorí an adór kuúng ta aníng i tlehhit a tsiní bar iga gás. Ala barnaxés kuúng aníng iga gurií bá/, kaangwí oo slahh'amaaye muwa araa'ár.»

FAARO 20:24

«Aroni i gwaa', i dahiiká baraá yaamuudá' ni dír múk Israelírí haniis, asma kuungá' tsaraawo hara'ayar'eé' ana sié' baraá Meribaro.

FAARO 27:14

Asma kuungá' axweesante'eé' ana sié' baraá xaanxayduú Siniro. Qoomár dinku'uuma sleémeero ar Israeli iwa qununú/ daanduueene, kuungá' hhohhoaarir'eé' aga laqaandi'iiká dír ilaá múk Israeliro, dír ma'aydae.» (Ma'ayká' a kudaá baraá Meribár baraá Kadeshi, tidár baraá xaanxoó Sini).

Matayo 17:17

Yesu iri oó', «Kuungaásingá' qartá haratlintaao wasl, nee ar aa qwat. Án nee kuungá' ta alhotaatimaan ay xaylá? Án kuungá' nu alqiqtlaatliim ay xaylá? Na/aay amor'eé' huwaare'.»

Matayo 17:20

Yesu iri oó', «Asma haratlintaaorhúng ka /aár. Án a kah, haratlintaaór har qoomoó ilmoó haradaáli bar koondá', a aleesleerá' tloomarí kawa beera', ‹Quútl diirihe, tláw amorqá',› alók geera tidá' taa oé' i tleehharút. Tam /aymuú ta harslaaqata' tleehhamooro i kaahh. [

Luka 1:20

Hám ga/aaweegáy, a afawasli tleehhít, axweesani a harslaaqát, ay bál deeloodá' kaangwí i boo/i. Asma axweesante'eé' aga ya/aandiiká. Ala iqo bó/ qoomaarós bira xeér.»

Luka 1:45

Amohhoouso'o a tidá' aa haratlinti', asma tidá' Aako ngaa báy i bó/.»

Yohana 1:17

Asma hara'aya kana haniís ar dákw Mose, ala gurtleemu nee looeema nina hardihiyé' ar dákw Yesu Kristo.

Rumi 4:20

Inós al'axweesantá Mungú gaa xurér wa ariiká baloó ale. Ala haratlintaaoorós kana /uurií doók, Mungú guri xirfayeemiís.

DABE 1:37

AAKOÓ MUNGÚ sleeme aníng iri i buúhh as kuungá', iri oó', ‹Tam kuúng Móse a datká baraá yaamuudá'.

DABE 34:4

Naagáy AAKOÓ MUNGÚ Mose guri báy, «Yaamuusingá' an kudá' naa lo'ór wa /aáy dír baabi'iihúng Abrahamu, nee Isaka nee Yakobo, as ngiwa haniis dír xwaylar'ín. Aníng ngaa laqaám nee ilaawoge iga aán, ala kuúng a datká baraaqií alé.»

DABE 4:21

Ala AAKOÓ MUNGÚ, Munguúhúng aníng iri i buúhh, lo'o gari /aáy, yaaér Yordani a waarahhaaká amór yaamuudá' hhoohhoo' ni kuungá' i haniisi as tawa daqaari'iimarhúng.

YOSHUA 1:2

«Sagadiyusmooeé' Mose aa gwaá'. Gím daxta tláw, kuúng nee múk Israeli sleémeero, yaaér Yordani waarahhaak, ta datá' baraá yaamuudá' aníng ni haniis dír xoorór Israeli.

1 Petro 3:15

Ala Kristo na xirfayeemisaak baraá munerhunge tawa Aakoohúng. Umuúqo siiwaro kuungá' masók taa amohhe'esé' heé yaahamiís kuwa mu/aywatsa' ar adór hariim daanduú harahhifoodár baraahúngií diriia.