FAARO 20:1 - Biblía Axweesantá Hhohho' ar Mungú 2004

¹ Dinku'uuma sleémeero ar Israeli tana hardáh baraá xaanxoó Sini qoomár tawa slahhángw geera, nee xafay'ín nguri tleehhiyé' baraá Kadeshi. Didár Kadeshiro Miriamu iri amoodií gwá', nee kari didií foól.

FAARO 20:1 Iomraidhean Croise

IIMU/UUNGW 14:7

Nina ki/iyé', nay hardihiyé' ay En-mishpati, ar ta bay Kadeshi. Yaamaá múk Amaleki sleémeero kina baál, nee múk Amori kudá' Hasason-tamarír hoót kuri baál sleeme.

WARA'AMI 29:8

Afór AAKOÓ MUNGÚ darma gun daaraxás. AAKOÓ MUNGÚ darmuú Kadeshi gun daaraxaas.

TI'INAANGW 15:20

Naagáy aaruso'o Miriamu, hho'ór Aroni, oowi gari taatáhh. /Ameena sleémeero iri aluuwós wa eehariín, i ooway'ín koná', ta hara ni/ín.

TI'INAANGW 2:4

Hho'ór na/aywí iri amorqá' saáwí sihhít as gár na/aay gu aw ngiwa aan.

TI'INAANGW 2:7

Naagáy hho'ór na/aay dasír Farao gari beér, «Xáy, umtuso'ór na/aay ngi ateéta baraá /ameenár Ebraniár wa alé, as na/aay nguwa umiin as kiíng?»

ESEKIELI 47:19

«Bihhaá basko iimír Tamari wa tleemu digma iri kumiít ay kutltá Meriba-kadeshi. Imiír Meriba-kadeshiro digma iri waaraáhh ar bihhaá da/aáw awa yaamaá Misri, iri kumiit baskwá al/uwá ay Tlawtá Tla/aangw.

MIKA 6:4

Aníng kuungá' nuna baraá yaamaá Misrír wa duúx, nuna baraá yaamaá lawaali'iimár wa tuú/. Aníng Mose nee Aroni nee Miriamu ngina amorhúng i ya/aáw as nuwa geerahariya'.

FAARO 12:1

Qoomár tawa baraá Haserotírí dirii'i, Miriamu nee Aroni, Mose nguri iimu/uné' kaantingo as /ameenidár Kushi aa duúx,

FAARO 12:10

Qoomár huunkidá' iwa gáwtí tleér gawaá daanduú heémaro, naxés Miriamu tiqtír tsatmit gaa sleér, ina /awakuúr adór tlaa/aá tluwaay. Aroni iwa qaytsiít amór Miriamu, naxés i tiqtír tsatmituú koón.

FAARO 12:15

Gawaá adoorihe Miriamu kari tsee/áy guús baraá xafto deelo faanqw. Muu iri didá' wa iwiít, aaiiwo taa kumiitiiká ay bál Miriamu kingiwa ki/ís baraá xafi.

FAARO 13:21

Naagáy, mukdá' iri tláy, yaamuudá' kiri tsawtsawuusár áy iimír xaanxoó Sinír wa tleemu ay Rehobu, isaapoó loohír dahmuú aw Hamati.

FAARO 13:26

Tari kií/ amór Mose, nee Aroni nee amór dinkwaadár múk Israeli sleémeero, tidár Kadeshi baraá xaanxoó Parani, kangwdá' naa baraadá' wa ariyé' nguri ooiyé' dír muu sleémeero, nee mamuudaá xaai ngiri laqané'.

FAARO 20:16

AAKOÓ MUNGÚ atén kuri i /aa/amimaán, inós /aa/eerén giri axaás, malaykamoowós nguri ya/aáw as tiwa duuxi baraá yaamaá Misrír wa ale. Ala hamí daxta a diirír Kadeshír i diriaán, gixsár dír digmuú yaamuuwógí dirii'.

FAARO 20:22

Múk Israeli sleémeero tari tláy baraá Kadeshír wa ale, tari hardáh dír tloomár Hori.

FAARO 20:28

Naagáy Mose Aroni guri tlaba' duúx, garmaawós Eleasari guri tsiitiís. Nee Aroni iri gwaá' gawaá tloomadár kilá'. Naagáy Mose nee Eleasari tari aweér gawaá tloomár wa ale.

FAARO 26:59

Harér Amramu a Yokebedi dasír Laáwi too aáng taa laqwaál baraá yaamaá Misri. Tí an tidá' Amramu ngwaa daaqoó tsárí xwayluur, Aroni nee Mose, nee dasír wák, umuuwós ku bay Miriamu.

FAARO 27:14

Asma kuungá' axweesante'eé' ana sié' baraá xaanxayduú Siniro. Qoomár dinku'uuma sleémeero ar Israeli iwa qununú/ daanduueene, kuungá' hhohhoaarir'eé' aga laqaandi'iiká dír ilaá múk Israeliro, dír ma'aydae.» (Ma'ayká' a kudaá baraá Meribár baraá Kadeshi, tidár baraá xaanxoó Sini).

FAARO 33:36

Tari Esion-geberír wa tláy ay xaanxoó Sini (laqaá Kadeshi), xafay'ín kuri didií tleéhh.

DABE 1:46

Naagáy har afiqoomár yaariire tari meté' baraá Kadeshírí ale.»

DABE 2:14

Qoomaarihe kureeri mibeeri tám nee dakaát naa qaroó waarahhiyé', iimidá' tawa Kadesh-barnea wa tlawaán, ay qoomár yaaér Seredi kawa waarahhaan. Qoomaarihe qartidá' afiqoomár slaqwara eemuuwo hariim aa qaroó fák qatlooro, adoodá' aáng AAKOÓ MUNGÚ lo'o ngira /aáy.

DABE 32:51

Asma kuungá' tsaraawo ana inkihhimu waslesé' dir'eene baraá múk Israeliwo, qoomár tawa dír ma'aá Meriba, iisaapoó Kadeshi baraá xaanxoó Sini. Qoomaadae kuungá' hhohhoaarir'eé' laqaamaro ana harslaaqaté' dír múk Israeliwo.

HAR'OHUUSE 11:16

Ala múk Israeli qoomár niwa baraá yaamaá Misrír wa ti'iitiyé' tana hi'iimiít baraá xaanxáy wa ale ay tlawtá Shamu, niri hardihiyé' ay Kadeshi.›