FAARO 2:34 - Biblía Axweesantá Hhohho' ar Mungú 2004

³⁴ Múk Israeli adoodá' AAKOÓ MUNGÚ Mose ngwa báy gana tleéhh. Xafay'ín nguna tleehhiyé', wa/angwduú bendeéraduuín kay sihhín, nee tana hi'iimiít umuú hee nee mukós ar adoodá' tlahh'i'ín i dirii'iya' nee adoodá' gur'ér maray'ín i dirii'iya'.

FAARO 2:34 Iomraidhean Croise

WARA'AMI 119:6

Barnaxes hara'ayarók sleémeero aga iialooeés, daqaní ti mureekeesiiká.

TI'INAANGW 39:42

Gadiyeérí sleémeero kana tleéhh nee xoorór Israeli ar adoodár kilá' AAKOÓ MUNGÚ Mose ngura ádbáy.

FAARO 1:19

adoodár kilá' Mose kura hara'ayín nee AAKOÓ MUNGÚ. Mose mukwí guna faár baraá xaanxoó Sinaír wa aleeró.

FAARO 1:52

Múk Israeli oo hatlá' sleémeero xafay'ín ngu tleehhiye' ar daqooráy, didá' bendeérár dooín kay siíhh.

FAARO 1:54

Gawaá adoorihe múk Israeli adoodá' AAKOÓ MUNGÚ Mose ngura hara'ayín ngiri tleehhiyé'.

FAARO 10:12

nee múk Israeli loohaay guri iimu/ún amór xaanxoó Sinai wa ale. Huunkidá' iri sihhít baraá xaanxoó Parani.

FAARO 10:28

Adoorí an digir wakeetíngw taa eehár nee múk Israeli ar adoodá' bohhuuín i dirii'iya', umuú daqto bar ta xafay'ín fe/iit, bar ta lolohín.

FAARO 2:2

«Múk Israeli xafay'ín ngu tleehhiye', umuú hee i hooti didá' bendeérarós kay sihhtís tawa layár tlahhay'ín, xafay'ín ngu tleehhiye' as heémár Mungú ngiwa harweeriya'.

FAARO 2:33

Ala múk Laáwi kwa harafariiká dinkwa nee múk Israeli ar adoodá' AAKOÓ MUNGÚ Mose ngura hara'ayín.

FAARO 23:21

Mungú tlakweema dír múk Yakobowo gaa ariiká, tam tlií/ gaa ariiká dír múk Israeliwo. AAKOÓ MUNGÚ, Munguúín i dinkwa nee inooín. Inós baraá tla/angw'ine kun sabaraa/ adór waawutmoó wa ale.

FAARO 24:2

Bala'amu iwa qaytsiít amór múk Israeli, xafay'ín ngwa tleehhiyé' ar tlahhi'i. Qeeruú Mungú Bala'amu guri hatsiís.

FAARO 3:1

Mukwí an xwaylár Aroni nee Mose qoomár AAKOÓ MUNGÚ iwa axweés nee Mose gawaá tloomár Sinaír wa ale.

Luka 1:6

Inooín tsaraawo a múk hota ganaá' dír geeraá Munguhe, hara'ayár Aako sleémeero kana óh, nee axweesantós adoodá' ir hariin.