FAARO 2:2 - Biblía Axweesantá Hhohho' ar Mungú 2004

² «Múk Israeli xafay'ín ngu tleehhiye', umuú hee i hooti didá' bendeérarós kay sihhtís tawa layár tlahhay'ín, xafay'ín ngu tleehhiye' as heémár Mungú ngiwa harweeriya'.

FAARO 2:2 Iomraidhean Croise

WARA'AMI 74:4

Inooín i tsimaahhuusiyá' baraá Do'ók wa ale, arba/ati nga slayé', i durbiibiná' baraadá' wa ale.

WARA'AMI 76:11

Al'axweesantók tidá' taa qás boo/eeseek dír AAKOÓ Munguúwoge. Mukdá' sleémeero tseéw ilahhooa ngi huwi dír inósuudá' ilaiwa/amér wa hariím.

ISAYA 12:6

Tsee'é' nee daaé' ar qwala/, kuungaá yaamuloouusér Siyoni. Asma oo muruú urén gu tlehhiít tla/angwhunge, a Mungú, kudá' Hhoohhoó' oo Israeli.»

ISAYA 18:3

Kuungaásaá yaamuloouusér baraá yaamu sleémeero, iia qaasaak, kuungaásingá' baraá yaamú wa hootá', qoomár bendeéra bar ka gawaá tlom'í wa tleés ta qaytsitá', qoomár tarumbeéta barka ufaáhh iia ka qasá'.

ESEKIELI 43:7

Inós iri báy, «Heewí, diirí an didár kitangw'eé' oo waawuti'iima, an dír tsa/aá ya'aaeé' ngay qamaamiim. An hoót baraá tla/ángw múk Israeli wa ale ay alhhe'eesay wasle. Nee múk Israeli aníng i meetagaasiaaká, inooín awa kilá', laqaá waawitaáín, as slaqsi'iidaá munguaá hatlá' ngiwa haratlintatii'iya', laqaá waawitaáín kudaá qaatl kuwa inslaslay.

SEKARIA 9:16

Nee AAKOÓ MUNGÚ Munguúín gi ba/amis bal deeloodae, asma inooín a daqtós, inooín niri qwiirii/iyá' baraá yaamuwo adór tlaa/aá taa slamángw ar parootuús.

FAARO 1:50

Ala múk tlahhoó Laáwi qaaseek heémár lamabu'uungw ngiwa amohhe'eemisiya', nee xooslarós sleémeero nee umuúqo gár baraadií diriia. Inooín heémadá' ngin gagariná' nee xooslaarós sleémeero, nee nin baraadá' wa gadiyuusiyá' nee xafay'ín kun tleehh as kuwa heémár harweeri.

FAARO 10:14

Mukdá' dír bendeerár taa qaás as tlahhoó Yuda tana giirín tleemuuwo ar bohhu. Geeraharusmoó bohhuuká' a Nashoni garmoó Aminadabu.

FAARO 10:18

Aluudae mukdá' dír bendeérár taa qaás as tlahhoó Reubeni, tari tláy ar bohhu. Geeraharusmooín a Elisuri garmoó Shedeuri.

FAARO 10:22

Aluudae mukduú dír bendeérár taa qaás as tlahhoó Efraimu tari tláy ar bohhu. Geeraharusmooín a Elishama garmoó Amihudi.

FAARO 10:25

Alhhe'esaywo mukduú dír bendeérár taa qaás as tlahhoó Dani tana tláy. Inooín an xumuuse alaá bohhu sleémeerowo. Kuká' geeraharusmooín an Ahieseri garmoó Amishadai.

FAARO 2:1

AAKOÓ MUNGÚ Mose nee Aroni gina i axweés, giri báy,

FAARO 2:10

«Múk xafay'ín gu tleéhh bihhaá basa a bohhuudá' dír bendeérár tlahhoó Reubeni. Geeraharusmoó tlahhoó Reubeni a Elisuri garmoó Shedeuri.

FAARO 2:3

«Múk xafay'ín gu tleéhh bihhaá da/aáw amoodá' tsee/aamá niwa ti'imiiti, a bohhudaá dír bendeérár tlahhoó Yuda. Geeraharusmoó tlahhoó Yuda a Nashoni garmoó Aminadabu.

FAARO 24:2

Bala'amu iwa qaytsiít amór múk Israeli, xafay'ín ngwa tleehhiyé' ar tlahhi'i. Qeeruú Mungú Bala'amu guri hatsiís.

1 Korinto 14:33

Asma Mungú a Munguú leexwaywooká, ala a Munguú wayda. Ar adoodá' múk hhohhó' oo kríshaanáy i tlehhahhiti umuúqo diiro,

1 Korinto 14:40

Ala mura' sleémeero i tleehharuumiti ar hhohhoaari nee ar digir wakeetiingw.

Filipi 1:27

Daxta gár afhhamít a kuungá' masók an hotá' ar adoodá' Ya/abtór Kristo kawa hariím. Án barnaxes naa hardáh amorhúng, laqaá barnaxes naa hardihiiká, gár án ni slaa' masók an axaás adór kuungá' tara sihhitano hhe'esé' baraá haratlintaaoro ar wakleeli'iimár baraá Qeeru, nee haratlintaaór Ya/abtór hho' kawa aleeslaqwa' ar muunuú wák.

Kolosai 2:19

Inooín ta aldinku'uumisiiká nee Kristo, kuduú saga. Asma baraá geerahartá Kristowo slaqwa sleémeero kan /aymiis, nee diqiyaawós sleémeero, kin dinkwár i nigihhitis ar kane. Adoorihe slaqwa sleémeero /uuru gun sleér, iri uraareér adoodá' Mungú ngir slai.

YOSHUA 3:4

Asma adoorí an adór kuungá' loohi kar tsahha', asma loohirí aga ar baloó oti'iiká. Ala gár wake ma tseewuwaara' dír sandakmoduú hara'ayár koóm, ala kuungá' masók aluuine tundu saáw har afiqoomoó miíta tsiire gwaleél.»