FAARO 19:9 - Biblía Axweesantá Hhohho' ar Mungú 2004

⁹ Heé daba' hhohhó' da/arár sleerí ngi fiitsi, nee ngi huwi didá' hhoohhoo' ar tsee/aá xafi. Da/araarí kari amohhe'ees, nee kari ar gadiyuus nee dinku'uuma sleémeero ar Israeli ngiwa tleehhiyá' ar ma'aá tlakweema kir hamtliiti, as tawa ilahhooár tlakweema hingeesa.

FAARO 19:9 Iomraidhean Croise

TLAHHOÓ LAÁWI 15:20

Umuúqo gaaro ar aa al'iwiti, laqaá ar aa alqati, aa meetagwá'.

SEKARIA 13:1

«Baalaadár kilae múk doó Daudi nee yaamuloouusér Yerusalemu kin kutltá ma'aáy gweer ar tlakweema nee ar slasla/aremaá umuu adooro gi hamaatl.»

FAARO 19:13

Heé tuaa gaa kwatiit, slaqwtá heé aa gwaa' barnaxes taa hheehhe'eesiiká, inós heémár AAKOÓ MUNGÚ ga meetagaas, inós ku paraatli nee múk Israeli. Hee aqo kun baynitis asma kwaa ma'aydaá hheehhe'eesárí hikiisiiká, nee meetaawós in kumaamitiyá'.

FAARO 19:17

«As daanduú kudá' taa kiloóín meetagaasi'i, da/arár ilahhooadá' taa daá/ as tlakweema hingeesa ka haragaasi nee ma'aá yaae baraá hutlaay.

FAARO 19:18

Heé daba' hhohhó' xa'anoó ta bay hisoópo ngu taataahhi, nee ngu tikiisi baraá ma'aydá', ngi hikiisi baraá heéma, nee gawaá xoosla sleémeero ar baraá guruudá' nee gawaá muu sleémeero oo baraadá' i dirií'. Nee ka hikiisi gawaá heedá' fara ga kwatiit, laqaá tuuár heé taa gaás, laqaá tuuár heé aa kilós gwaa', laqaá heé /aanta gaa kwatiit.

FAARO 19:3

Kuungá' sleedaádá' ka dír kaahamusmoó Mungú Eleasari hanisá'. Ka duxá' tsee/aá xáftí ale, nee ka dír geeraawós wa gaasi.

FAARO 19:8

Heé sleedaádá' gaa daa/ sleeme tlabaawós ngi hhuuntsi ar ma'aay, nee i hamtlin ar ma'aay, ala inós sleeme i baraá meeta ay tsiindo.

FAARO 6:12

nee tari paraatl as AAKOÓ MUNGÚ as deeloorós tidá' al'axweesani ngiwa qaás. Deelór geera ka faariiká asma se'eengós kudá' taa paraátl kwa meetagaás. Inós deelmoó gwaanda oo kurkú wák ngu ilahhooár dakuús hingeesár wa haniisi.

FAARO 8:7

Adoorí an adór kir hheehhe'es: Ma'aá kir hheehhe'es ti tsipipi'is, nee slaqooín ngi deeqwiye' ar deeqwa, nee tlabaaín ngi hhuuntsiye' ti adoorír hheehhe'eesiye'.

FAARO 9:13

ala barnaxés hee kuqo hhoohhoó' nee i baraá aaií diri'iiká, deelór Pasaáka gaa oohiiká as adoodá' AAKOÓ MUNGÚ nguwa ilahhooárí hanisiiká qoomaadá' hariima, i hariín kuwa slahha'eesi as daanduú tlakweemaawós.

2 korinto 5:21

Heedaádá' tlakweemaá xuaaká, Mungú heedaádá' guna tlakweema tleéhh as atén, as atén tiwa gan'amií harafaari dír geeraá Munguhe ar loohír inós.

2 korinto 7:1

Sla'aaruuser'eé', al'axweesantí sleémeero a toorén. Gawaá adoorihe, atén ti kilootén hhoohhooeesaán baraá umuúqo slasla/aruú gawaá slaqwa nee oo baraá qeeruuwo. Nee tawa hootaan ar slafíngw ló'wa hhohhó', Mungú kuwa ilaiwawa/aan.

Ebrania 7:26

Gawaá adoorihe Yesu an kaahamusmoó úr oo Mungú oo atén ti gaa wa buú'. Asma inós ku hhoohhoó'. Nee slám inós i tlakweemaá konká, nee i xaslxaanslír konká. Nee slám kwaa paraátl dír tlakuuseero, nee kwaa tsa/aás kway harwaarahhaás doori sleémeerowo.

Ebrania 9:13

Asma tseerér gurtaawe nee ar awe, nee da/arár damaay barnaxes kaa tsifaqamiís gawaá slaqwaá mukdá' ta harmeetin, mukdá' guri hhoohhooés,