FAARO 19:18 - Biblía Axweesantá Hhohho' ar Mungú 2004

¹⁸ Heé daba' hhohhó' xa'anoó ta bay hisoópo ngu taataahhi, nee ngu tikiisi baraá ma'aydá', ngi hikiisi baraá heéma, nee gawaá xoosla sleémeero ar baraá guruudá' nee gawaá muu sleémeero oo baraadá' i dirií'. Nee ka hikiisi gawaá heedá' fara ga kwatiit, laqaá tuuár heé taa gaás, laqaá tuuár heé aa kilós gwaa', laqaá heé /aanta gaa kwatiit.

FAARO 19:18 Iomraidhean Croise

WARA'AMI 51:7

Hhoohhoeesáng ar hisoópo, aníng daqaní ti hhoohhoó', hamaatláng, aníng daqaní ti /awaák adór tla/aá tluwaay.

WARA'AMI 51:9

Ilaawók tuuntukeek, tlakweemaaeé' mi i qaytaar, iringér'eé' hamaatleek.

ISAYA 52:15

Inós xoordu gi kwisltis, waawitá afe gari ohín as inós, asma muruudá' naa ari'iiká ngu ariyá', nee muruudá' naa axaasi'iiká ngway tsaahhiyá'.

FAARO 19:17

«As daanduú kudá' taa kiloóín meetagaasi'i, da/arár ilahhooadá' taa daá/ as tlakweema hingeesa ka haragaasi nee ma'aá yaae baraá hutlaay.

FAARO 19:19

Bál tám nee bál faanqw, heé daba' hhohhó', heedaádá' baraá meetá i dirií' ngu ma'aydaá hheehhe'eesárí hikiisi, heedaádá' ngu hheehhe'eesi, heedaádá' baraá meetá i dirií', inós tlabaawós ngi hhuntsi nee i hamtlin, nee tsiindoowo meetaawós naa faakiyé'.

FAARO 19:9

Heé daba' hhohhó' da/arár sleerí ngi fiitsi, nee ngi huwi didá' hhoohhoo' ar tsee/aá xafi. Da/araarí kari amohhe'ees, nee kari ar gadiyuus nee dinku'uuma sleémeero ar Israeli ngiwa tleehhiyá' ar ma'aá tlakweema kir hamtliiti, as tawa ilahhooár tlakweema hingeesa.

Yohana 17:17

Ala kuúng na hheehhe'eeseek ar looeemadá'. Axweesantók a looeema.

Yohana 17:19

Ala aníng ti amoorók i haniís as inooín, as inooín sleeme tawa kók tleehhiti ló'wa ale.

1 Korinto 1:30

Ala kuungá' a baraá Kristo Yesu i dir'á'. Adoorí heé gaa tleehh a Mungú. Mungú Kristo Yesu guna sagalooarén tleéhh. Slám inós a gan'amuurén, nee hhohhoaarirén nee gweermoorén.

Ebrania 9:14

xáy, tseerér Kristo tí ga ló'wa bá/áke? Asma inós tina kilós haniís dír Mungú ar /uuruú Qeeruú alhhe'eesay wásl as tawa ilahhooár xaslxaansli wasl. Tseereerós muneerén ga hamátl nee tlehhema'aá slafíngw kooma'aaká, as masók atén Munguúdá' slaáf kuwa sagadiyuusaan.

Ebrania 9:19

Asma Mose adoorí gana tleéhh, gár har geera a hara'ayár Mungú sleémeero gana alki/iít dír mukdá' aa burumburiit. Aluuwo tseerér damaay nee ar gurtaawe gari taataáhh, dinkwa nee ma'aay, tseere gari hikimiís ar se'engw da/atén oo bee/aangw nee loo/ór hisoópo, gawaá Kitaábu nee amór muu sleémeerowo,