FAARO 19:15 - Biblía Axweesantá Hhohho' ar Mungú 2004

¹⁵ Umuú xooslmoowo oo afa tuuntukumár koomaaká sleeme ku harmeetín.

FAARO 19:15 Iomraidhean Croise

TLAHHOÓ LAÁWI 11:32

Barnaxes tuuár makayká' gaa nga i hú', tam peehhi, tam tsitaay, laqaá tam kaahari, laqaá tam guniyá, laqaá umuú gaaro ar tar gadiyuusi, xooslmoodá' kwaa meetagaás ay tsiindo, xooslmoodá' ku qaasi baraá ma'aay. Xooslmoodá' daqaní ku hhoohhoó'.

TLAHHOÓ LAÁWI 11:33

Barnaxes xooslmoó tuua aa i hú' a xooslmoó tleei, muruú baraadá' kwaa meetagaás, nee xooslmoodá' ku gaasi.

TLAHHOÓ LAÁWI 14:36

Kaahamusmoó Mungú hara'aya gari oo' as xooslaá baraá do' sleémeero kiwa tsee/áy duuxi, dír inós tsee/ariingw ngura iimu/unká, asma xooslár baraá dó'wí mingiwa harafaár tawa xooslár ta waki. Duuxaro barka hhe'eés daqaní kaahamusmoó Mungú iri sangw tsee/aaríngw áy,

FAARO 19:14

«Gaarí an dabér ta eehari, barnaxes hee aa gwaá' baraá heémaárí ale, umuúqo heé aa dahi baraá guruú heémaadá', laqaá heé baraá guruú heémaadá' i dirií', inós i baraá meeta deelo faanqwe.

FAARO 19:16

Barnaxes hee tuuár heé taa gaás gaa kwatiít, laqaá tuuár heé aa kilós gwaa' tsee/aá dó' i ale, laqaá fartá hee, laqaá /aantár hee, heé adoorí i baraá meeta deelo faanqwe.

FAARO 31:20

Gár hariim a umuúqo tlawuuwo un hheehhe'esá' sleeme, nee umuúqo gár taa tleehhi ar kaahari, nee gár taa qo tleéhh ar se'éngw aara, laqaá ar taa tleehhi ar xa'ano hheehhe'eesaak.»