FAARO 19:14 - Biblía Axweesantá Hhohho' ar Mungú 2004

¹⁴ «Gaarí an dabér ta eehari, barnaxes hee aa gwaá' baraá heémaárí ale, umuúqo heé aa dahi baraá guruú heémaadá', laqaá heé baraá guruú heémaadá' i dirií', inós i baraá meeta deelo faanqwe.

FAARO 19:14 Iomraidhean Croise

ESEKIELI 39:12

Tu'uudá' kin folaalit ay slahheeri faanqw as yaamaá Israeli kiwa hhoohhoeesi.

ESEKIELI 44:26

Inós barnaxes kwaa meetagaás, aqo in adoorí wa hoot deelo faanqwe. Alaá deeloorí faanqwe meetaawós naa faakiyé'.

TLAHHOÓ LAÁWI 14:54

«Gaarí an dabér dimbadimbé ar deei nee tiqtír tsatmit sleémeero kar hhohhoeemamisi,

TLAHHOÓ LAÁWI 15:32

Adoorí an dabe ar hhawaatuú malalaáhh as tiqtír tsaatu'uuma, nee oo aa pisaahhaat, nee iwa baraá meeta.

TLAHHOÓ LAÁWI 21:1

AAKOÓ MUNGÚ Mose guri báy, «Kaahamuusér Mungú tidár tlahhoó Aroni ka beer, baraá tla/angwhunge hee mitiwa meetagaás ar tuuár mar'afmoowós ngiwa kwatiiti.

TLAHHOÓ LAÁWI 21:11

Mitiwa meetagaás ar tuua ngiwa kwatiiti tam ar baabuúwós laqaá aayorós.

FAARO 19:13

Heé tuaa gaa kwatiit, slaqwtá heé aa gwaa' barnaxes taa hheehhe'eesiiká, inós heémár AAKOÓ MUNGÚ ga meetagaas, inós ku paraatli nee múk Israeli. Hee aqo kun baynitis asma kwaa ma'aydaá hheehhe'eesárí hikiisiiká, nee meetaawós in kumaamitiyá'.

FAARO 19:15

Umuú xooslmoowo oo afa tuuntukumár koomaaká sleeme ku harmeetín.

FAARO 31:20

Gár hariim a umuúqo tlawuuwo un hheehhe'esá' sleeme, nee umuúqo gár taa tleehhi ar kaahari, nee gár taa qo tleéhh ar se'éngw aara, laqaá ar taa tleehhi ar xa'ano hheehhe'eesaak.»

FAARO 5:2

«Múk Israeli ádbaweek umuú heewo oo tiqtír tsatmituú koóm ngu hingeesiye' baraá xafay'ín kuduú hotaawo, laqaá heé malalaáhh as tiqtír tsaatu'uuma, nee heé tuua gaa kwatiit.

FAARO 6:6

Deelo sleémeero ar tiwa paraátl as AAKOÓ MUNGÚ, inós miwa bihhaá tuuárí tseewúy,

FAARO 6:9

«Ala barnaxes hee aa gaanslár gwaá' bihhaá heedá' al'axweesani gaa oo', se'eengós kudá' aa máy as al'axweesani kuri meetagaás, bál faanqw inós bar ku hhohhoees, se'eengós ku deeqwi.

FAARO 9:6

Ala muu bahh'alé i deer oo deeloodár Pasaáka tleehharo gaa harslaaqaat, asma inooín tuua kaa kwatiít, tari meetagwaá'. Inooín tari dír Mose nee Aroni káy,