FAARO 19:13 - Biblía Axweesantá Hhohho' ar Mungú 2004

¹³ Heé tuaa gaa kwatiit, slaqwtá heé aa gwaa' barnaxes taa hheehhe'eesiiká, inós heémár AAKOÓ MUNGÚ ga meetagaas, inós ku paraatli nee múk Israeli. Hee aqo kun baynitis asma kwaa ma'aydaá hheehhe'eesárí hikiisiiká, nee meetaawós in kumaamitiyá'.

FAARO 19:13 Iomraidhean Croise

TI'INAANGW 30:33

Heé di/tá adór tí gaa tleehh nee heé di/tí gaa heé iwa harindaakár iimbalaax, heé adoorí gaa tleehh a baynitisa.› »

AXWEESANOÓ SAGALOOA 14:32

Múk tlákw kun qwaarees ar tlehhmi'ii'ín kudá' tlakw. Ala heé hota ganaá' dír amohhoo' ga kón baraá gwa'ararose.

ESEKIELI 44:26

Inós barnaxes kwaa meetagaás, aqo in adoorí wa hoot deelo faanqwe. Alaá deeloorí faanqwe meetaawós naa faakiyé'.

TLAHHOÓ LAÁWI 15:31

«Adoorí an adór xoorór Israeli kar iislax as tiwa harmeetina' as dir'eé' tidá' hhoohhoo' ar baraá tla/angw'ín makawa meetagaás, ar darhuuín qoomár bir baraá meeta, bar adoosíng ngaa tleehhiyé' i qatliyá' baraá meetagaasar'ín.»

TLAHHOÓ LAÁWI 20:3

Aníng heedaádá' un hara sihhiít, ngway baynitís dír muk'eene, as na/aywós nguwa ilahhooár wa haniís dír munguú ta bay Moloki, nee adoodá' dir'eé' tidá' hhoohhoo' nee umuueé' kudá' hhoohhoó' nguwa slasla/areés.

TLAHHOÓ LAÁWI 22:3

Inooín kaangwí baweek, barnaxes heé wák baraá xwaylarhúng sleémeero oo meetaá koóm, aa tseewúy dír muruudá' hhohhó', kudá' xoorór Israeli aa parátl as anuú AAKOÓ MUNGÚ, heedaádá' dir'eene kun baynitis. Aníng an AAKOÓ MUNGÚ.

TLAHHOÓ LAÁWI 22:4

«Heé xwaylár Aroni bir tiiq tiqtír tsatmituuwo, laqaá bir malalaahh as tiqtír tsaatu'uuma, muruú hhohhó' munguwa /aáy ay dír i hhoohhoouy. Umuúqo heewo oo heé taa meetagaas as tuua ngiwa kwatiít, gwa kwatiit, laqaá heé aa pisahhaat gwa kwatiit,

TLAHHOÓ LAÁWI 5:17

«Barnaxes hee tlakweema gaa tleéhh ar adór aa haraxuiiká, gár nee hara'ayár AAKOÓ MUNGÚ ti slawa'aaká gari tleéhh aa dakuús, heewí a doohhisa.

TLAHHOÓ LAÁWI 5:3

«Laqaá barnaxes hee heé taa meetagaás gwaa kwatiít, laqaá umuúqo gár inós gu meetagaasa, gaa kwatiít ar adór aa haraxuiiká, qoomár bar ngaa xuú' i dakuúsár kón.

TLAHHOÓ LAÁWI 5:6

Ilahhooár dakuús hingeesa ngi huwi dír AAKOÓ MUNGÚ, dareemír bee/i laqaá ar leei ngi huwi as tawa ilahhooár tlakweema hingeesa. Kaahamusmoó Mungú haraki/isa gan tleehh as daanduú heewí as tlakweemaadá'.

TLAHHOÓ LAÁWI 7:20

Ala umuúqo heewo oo ta harmeetin oo fu'unaá sleedá' taa ilahhooár waydú wa gaás dír AAKOÓ MUNGÚ gaa /aay, ku baynitisi dír xooroorós ar Israeli sleémeero.

TLAHHOÓ LAÁWI 7:21

Umuúqo heewo oo gár slasla/aar gaa kwatiit, laqaá gár hee ar slasla/aar, laqaá makiito'ór slaasla/aar, laqaá umuúqo makiito'ór ta waki, fu'unaá taa ilahhooár wayduú wa haniís dír AAKOÓ MUNGÚ birnga /aáy, heewí ku baynitisi dír xooroorós ar Israeli.»

FAARO 15:30

«Ala barnaxes hee iwa dakuusi ina tsabín a dakuús ar pa/aayorooká. Inós bar an yaamuloousmo, laqaá hoomo, inós gár kuwa hariím a gaasa. Asma inós AAKOÓ MUNGÚ gun waaqaqaa'.

FAARO 19:14

«Gaarí an dabér ta eehari, barnaxes hee aa gwaá' baraá heémaárí ale, umuúqo heé aa dahi baraá guruú heémaadá', laqaá heé baraá guruú heémaadá' i dirií', inós i baraá meeta deelo faanqwe.

FAARO 19:18

Heé daba' hhohhó' xa'anoó ta bay hisoópo ngu taataahhi, nee ngu tikiisi baraá ma'aydá', ngi hikiisi baraá heéma, nee gawaá xoosla sleémeero ar baraá guruudá' nee gawaá muu sleémeero oo baraadá' i dirií'. Nee ka hikiisi gawaá heedá' fara ga kwatiit, laqaá tuuár heé taa gaás, laqaá tuuár heé aa kilós gwaa', laqaá heé /aanta gaa kwatiit.

FAARO 19:19

Bál tám nee bál faanqw, heé daba' hhohhó', heedaádá' baraá meetá i dirií' ngu ma'aydaá hheehhe'eesárí hikiisi, heedaádá' ngu hheehhe'eesi, heedaádá' baraá meetá i dirií', inós tlabaawós ngi hhuntsi nee i hamtlin, nee tsiindoowo meetaawós naa faakiyé'.

FAARO 19:20

«Ala barnaxes hee i baraá meetaáwí dirii' kwaa hheehhe'eesiiká, heé adór kwí ku baynitis dír dinku'uumár Israeliwo, asma inós heémár AAKOÓ MUNGÚ gaa meetagaás. Asma inós kwa ma'aaydaá hheehhe'eesárí hikiisiiká, gawaá adoorihe inós i baraá meeta.

FAARO 19:9

Heé daba' hhohhó' da/arár sleerí ngi fiitsi, nee ngi huwi didá' hhoohhoo' ar tsee/aá xafi. Da/araarí kari amohhe'ees, nee kari ar gadiyuus nee dinku'uuma sleémeero ar Israeli ngiwa tleehhiyá' ar ma'aá tlakweema kir hamtliiti, as tawa ilahhooár tlakweema hingeesa.

FAARO 8:7

Adoorí an adór kir hheehhe'es: Ma'aá kir hheehhe'es ti tsipipi'is, nee slaqooín ngi deeqwiye' ar deeqwa, nee tlabaaín ngi hhuuntsiye' ti adoorír hheehhe'eesiye'.

FAARO 9:13

ala barnaxés hee kuqo hhoohhoó' nee i baraá aaií diri'iiká, deelór Pasaáka gaa oohiiká as adoodá' AAKOÓ MUNGÚ nguwa ilahhooárí hanisiiká qoomaadá' hariima, i hariín kuwa slahha'eesi as daanduú tlakweemaawós.

Yohana 8:24

Gaarí an gár kuungá' án nusa báw, ‹Kuungá' a qatlá' baraá tlakweemaahúng. Asma kuungá' barnaxes aníng iga haratlinti'ii'iiká adór aníng tar kudá', daqaní kuungá' aqo qatlá' baraá tlakweemaahúng.› »

Ebrania 10:29

Ala heé Garmoó Mungú gwa kalaa/ a adoomá? Sakwasleemarós ka ak ureéke? Asma inós tseerér alqadór Mungú gaa waaqaá', tidá' inós gwa hhoohhooes, nee Qeeruú Mungú guri malé /oosliislín, kudá' tsuuqa gi hanmaamiís.

Ebrania 9:10

Asma hara'ayár loohirí an hara'ayár tlehhema'aá slaqo kilós, daanduú muruú /ayma nee wahaangw nee hamtlór slaqwa. Hara'ayaarí kana oó' ay dír qoomaadá' Mungú loohír /aben ngi qaasi.

Geehhoeemaá 21:8

Ala mukduú da'ayuuse, nee kudá' naa haratlinti'ii'iiká, nee kudá' buhhtimisá', nee mukdá' múk tsuú/, nee múk fuquuse, nee da/aluuse, nee múk munguaá hatlá' haratlintaatií', nee lamuuse sleémeero, dir'ín a baraá tlawtadá' asltá kiberiíti iwa ohahiin. Gaarí an gwa'arár tsár.»

Geehhoeemaá 22:11

Heé /aytusmo i kumiiti baraá /aytaarose. Heé slasla/aruú tlehhaahhiít i kumiiti baraá slasla/aruwose. Heé hota ganaá' i kumiiti baraá gan'amuuwo, nee heé hhoohhoó' i kumiiti tiwa hhoohhoeemisi.»

Geehhoeemaá 22:15

Amór tsee/aá gixsaro seeaawe i deer, nee da/aluuse, nee fuquuse, nee tsu/utuuse nee kuduú munguaá hatlá' haratlintaatií', nee mukdá' sleémeero axweesanoó lama gwa intsaahh axweesanto.