FAARO 19:10 - Biblía Axweesantá Hhohho' ar Mungú 2004

¹⁰ Nee heé da/arár sleerí gaa fiits aqo tlabaawós gin hhuunts, ala inós i baraá meeta ay tsiindo. Dakwí an dákw alhota, nee dakwí oo múk Israeli nee hoomár baraá ayaaín hoota.»

FAARO 19:10 Iomraidhean Croise

TI'INAANGW 12:49

Dabeerí i hariín dír yaamuloouusér Israeliro nee dír /eetuseedá' baraá tla/angwhúng hoota.»

TLAHHOÓ LAÁWI 11:25

Bar hee fu'unaá tuua gaa baraaka ar tláy, inós kwaa meetagaás ay tsiindo, tlabaawós gár kiwa hariím a kin hhuunts.

TLAHHOÓ LAÁWI 14:46

Gawaá adoorihe hee bira dáh baraá do'dá' taa tseék, inós ku harmeetín ay tsiindo.

TLAHHOÓ LAÁWI 16:28

Heedaádá' gi daá/ tlabaawós gin hhuunts nee iri hamtlín, daqaní iri sangw dah baraá xafi.»

FAARO 19:19

Bál tám nee bál faanqw, heé daba' hhohhó', heedaádá' baraá meetá i dirií' ngu ma'aydaá hheehhe'eesárí hikiisi, heedaádá' ngu hheehhe'eesi, heedaádá' baraá meetá i dirií', inós tlabaawós ngi hhuntsi nee i hamtlin, nee tsiindoowo meetaawós naa faakiyé'.

FAARO 19:21

Muu dakwí ngu oohi umuúqo daqto. Heé ma'aydá' hheehhe'eesa gi hikiís, tlabaawós ngi hhuntsi, nee kudá' ma'aydaá hheehhe'eesa gaa kwatiit, i baraá meeta ay tsiindo.

Kolosai 3:11

Ala baraá slafingwí /abene, barqaanti i káhh dír heé Yahudiro nee heé Yunaniro, laqaá dír heé taa al/uútl nee heé taa al/uutliiká, laqaá hoomo, laqaá heé iimiboó/, laqaá lawaalmo nee kuduú lawaalmoowooká. Ala Kristo inós a mura' sleémeero nee i baraá muu sleémeero.