FAARO 18:9 - Biblía Axweesantá Hhohho' ar Mungú 2004

⁹ Baraá tla/ángw muruú hhohhó' ló'wa ale, kudá' taa da/iika baraá asla, muruuwí an koohúng, adór ilahhooár balaangw, nee ilahhooár tlakweema hingeesa, nee ar dakuús hingeesa. Umuúqo gár muu naa sa haniisi ilahhooár hhohhó' wa ale, a tók nee ar daaqaywók.

FAARO 18:9 Iomraidhean Croise

2 WAAWITÁ 12:17

Qoomaarihe Hasaeli waawutmoó Aramu gixsár Gati gana i haraatláy nee gari hayóh. Ala Hasaeli iwa kumiít haratleemuwo ay Yerusalemu,

NEHEMIA 10:36

Adoodá' taa gooín baraá dabeero kawa eeharaan umuú na/oó baris oo garma baraá marayrene, kun huuw baraá doó Munguúrén dír kaahamuuseedá' baraá doó Mungú wa gadiyuus, sleeme tsa/tamoó awu oo baris oo slee ngun huwaán nee deelmoó leeiro nee oo bee/iro.

ESEKIELI 42:13

Heedaádá' aníng iri báy, «Kutuwaywí sleémeero ku ló'wa hhohhó'. Baraá kutuwaywihe kaahamuusér Mungú, tidá' darah dír geeraá AAKOÓ MUNGÚ, ilahhooadá' hhohho' gan /aa/ák, nee sluufaydá' hhohhó' sleeme. Diirí an dír ilahhooár balaangw kay qamaamin, nee ilahhooár tlakweema hingeesa nee ar dakuús fiitsa as didá' kawa hhoohhoó'.

ESEKIELI 44:29

Inooín ilahhooár balaangw ngi /ayá', nee ilahhooár tlakweema hingeesa, nee ilahhooár dakuús fiitsa sleeme. Umuú gár baraá yaamaá Israeli ar taa paraátl as Mungú a tooín.

TLAHHOÓ LAÁWI 10:17

«Ahaá waáy, ilahhooár tlakweema hingeesa masa didá' hhoohhoó' wa /agi'iiká? Asma ka ló'wa hhoohhoo' Mungú ngina dirhúngí haniís as kahhó' kuungá' dakuúsár xooro kawa hingeesa', nee haraki/isa kawa tlehha' dír geeraá AAKOÓ MUNGUHE.

TLAHHOÓ LAÁWI 14:13

Naagáy deelmooduú bee/i guri gaas didá' hhoohhoo' ar makaá ilahhooár tlakweema hingeesa nee ilahhooár da/a ki tsu/aa/in. Ilahhooarír dakuús hingeesa nee ar tlakweema hingeesaro a hariímár kaahamusmoó Mungú.

TLAHHOÓ LAÁWI 2:10

Ilahhooarír da/a taa haniís dír AAKOÓ MUNGÚ ka ló'wa hhoohhoo', nee bartadá' aa met kan haniis dír Aroni nee daaqaywós.

TLAHHOÓ LAÁWI 22:11

Ala barnaxes a lawaalmoowós oo aa tlaáxw as tawa kós, i ya/aán muruú /aymaadá' nguwa /ayi, nee sleeme kudá' taa do'ós wa laqwaál.

TLAHHOÓ LAÁWI 22:7

Tsiindi bira dát inós aa hhoohhooúy, gawaá adoorihe i ya/aán muruú /aymár hhohhó' nguwa /ayi, asma an muruú /aymaarós.

TLAHHOÓ LAÁWI 4:22

«Barnaxes geeraharusmo tlakweema gaa tleéhh ar adór aa haraxuiiká, gár nee hara'ayár AAKOÓ MUNGÚ, Munguúwós, ti slawa'aaká gari tleéhh, inós iri dakuús.

TLAHHOÓ LAÁWI 4:27

«Barnaxes a heé geeraharusmowooká tlakweema gina tleéhh ar adór aa haraxuiiká, gár nee hara'ayár AAKOÓ MUNGÚ ti slawa'aaká gari tleéhh, inós iri dakuús.

TLAHHOÓ LAÁWI 5:1

«Hee barnaxes kwaa ateét dír kwasleema as lamabu'uungw nguwa duuxi daanduú gár aa ari, laqaá ar aa axaasi, ala inós iri sií' ooaro, heewí adoorihe aa dakuús, gár kuwa hariím aqo kun doohhiis.

TLAHHOÓ LAÁWI 5:6

Ilahhooár dakuús hingeesa ngi huwi dír AAKOÓ MUNGÚ, dareemír bee/i laqaá ar leei ngi huwi as tawa ilahhooár tlakweema hingeesa. Kaahamusmoó Mungú haraki/isa gan tleehh as daanduú heewí as tlakweemaadá'.

TLAHHOÓ LAÁWI 6:17

Ló' mukuwa humín, sleeme mukuwa sluuftís. Qoomayhúng ngwaa haniís baraá ilahhooarír da/to tindi amor'eé' hanimiisi. A ilahhooár ló'wa hhoohhoo' adór ilahhooár tlakweema hingeesa nee ar dakuús hingeesa.

TLAHHOÓ LAÁWI 6:19

AAKOÓ MUNGÚ Mose guri báy,

TLAHHOÓ LAÁWI 6:30

Ala ilahhooarír tlakweema hingeesa ló' makawa /aáy, tidá' tseereerós tinda huúw baraá heémár Mungú as haraki/imis kuwa tleehhi didá' hhoohhoó' wa ale. Ilahhooári kan daa/ ar asla.»

TLAHHOÓ LAÁWI 7:1

«Gaarí an dabér ilahhooár dakuús hingeesa, an ilahhooár hhoohhoo' kángw kilá' wa ale.

TLAHHOÓ LAÁWI 7:6

Umuúqo hhawaatuuwo baraá kaahamuusér Munguhe fu'unaay gin /aay didá' hhoohhoó' wa ale asma kiwa ló'wa hhohhó'.

TLAHHOÓ LAÁWI 7:7

«Dabér ilahhooár dakuús hingeesa nee ar tlakweema hingeesa a wak, kaahamusmoó Mungú kudá' haraki/imisuú tlehhiít, fu'unaydá' gin ar tláy.

FAARO 18:10

Muruuwí /ayaak as tawa muruú ló'wa hhohhó', nee múk muruuwí gu /aáy a hhawaate kilooín, asma muruuwí dirhunge ku ló'wa hhohhó'.

DABE 18:1

«Kaahamuusér Mungú ar tlahhoó Laáwi dinkwa nee tlahhoó Laáwi sleémeero, yaamu mingiwa slayé', laqaá aali baraá yaamaá Israeliwo. Inooín ilahhooadá' ta hanmiisi dír AAKOÓ MUNGÚ ngin /ayiyá'.