FAARO 18:8 - Biblía Axweesantá Hhohho' ar Mungú 2004

⁸ AAKOÓ MUNGÚ Aroni guri báy, «Aníng ilahhooadá' múk Israeli naa aníngí haniís, aníng ngi kuúngí haniís, muruudá' sleémeero hhohhó' naa aníngí haniisiyé', muruudá' sleémeero taa dimbé paraátl nee múk Israeli. Muruuwí sleémeero ngun kuúngí haniís nee daaqaywók as tawa koohúng, nee an hariímarhúng ar kahamuusi'iima ay alhhe'eesáy wasle.

FAARO 18:8 Iomraidhean Croise

2 WAAWITÁ 12:16

Peésaadá' taa burumbuúr as ilahhooár dakuús nee tidár tlakweema hingeesa kaa huwiiká baraá doó AAKOÓ MUNGÚ, tidá' kana máy dír kaahamuusér Mungú as tawa tooín.

2 QOM'I 31:4

Waawutmo múk Yerusalemu guri malé ádbáy, daqaari'iimar'ín ngiwa bahh haniisiya' dír kaahamuusér Mungú nee múk tlahhoó Laáwi, as kahhó' inooín tiwa haniisiya' baraá gadiyér dabér AAKOÓ MUNGÚ.

2 QOM'I 31:5

Kaangwí múk Israeli nguwa axaás, daqaari'iimar'ín ngina ló'wa haniisiyé', bu'úngw geera, nee difaái, nee di/i, nee danú, nee muruú hatlá' oo ta hamaareés baraá qamuuín wa alé. Nee umuúqo gár wák baraá mibaango ar umuú gár i kona'a ngina huwiyé'.

TI'INAANGW 28:43

Suruwánaywí Aroni nee daaqaywose ngun dahamiisiyá' umuúqo barni baraá heémár Mungú kayá', laqaá barta dír kitángw ilahhooa káy, as gadiyér'ín ar kaahamuusi'iima ngiwa tleehhiya'. Adoorí birnga tleehhi'iiká, tlakweema ngaa tleehhiyé' nee nin qatliyá'. Dakwí i warqayká dír Aroni nee daaqaywose ay kureér.»

TI'INAANGW 29:21

Tseereedár gawaá kitángw ilahhooárí dirii' ka bahh taatáhh, nee di/tadár iimbalaxaango ka tsipipi'ís gawaá Aroni nee gawaá tlabaawós, ka male tsipipi'ís gawaá daaqaywós nee gawaá tlabaaín. Daqaní Aroni nee daaqaywose kaa hhoohhooeés tawa kwe'eé' nee sleémeero.

TI'INAANGW 29:28

Gawaá adoorihe xoorór Israeli daqisleém baraá ilahhooar'ín tidár wayda i hanmamisia dír AAKOÓ MUNGÚ, da/eewo nee manguú aluuwo kin haniis dír Aroni nee daaqaywós. Gaarí an ilahhooar'ín ar wayda ar ta haniisi dír AAKOÓ MUNGÚ.

TI'INAANGW 29:29

«Barnaxés Aroni aa gwaá' tlabaawós kudá' hhohho' ki daaqaywós i haniis, inooín ngin dahaasiyá' bál birki iimbalaax nee ki dákwí qaas.

TI'INAANGW 40:13

Daqaní Aroni ku tsiitís tlabaadá' hhohhoe nee ku iimbaláx di/to as kuwa paratl, as kahhó' tawa kaahamusmoó Mungú.

TI'INAANGW 40:15

Ki iimbaláx di/to adór baabuúín ar ale, as kahhó' inooín tawa kaahamuusér Mungú. Iimbalaaxar'ín tisíng gin dahás baraá gadiyér kaahamuusi'iima ay qari sleémeero.»

ISAYA 10:27

Slám male ale baraá deeloodae huwaawós gi hingees gawaá suumaroge, nee taaqwaniirós gawaá istoge gan giqáy.»

TLAHHOÓ LAÁWI 21:10

«Kaahamusmoó úr oo Mungú, as inós kuwa úr tla/ángw hhaeewose, nee kuwa dí/tár iimbalaáx kuri paraátl, as tsitoó hhohhó' nguwa tsiiti, se'eengós munguwa tawo máy, laqaá tlabaawós mingiwa feehhamiís as tsuunqumis.

TLAHHOÓ LAÁWI 23:20

Kaahamusmoó Mungú giri gáwtí tlees as tawa ilahhooár ni haniisi dír anuú AAKOÓ MUNGÚ, dinkwa nee mukaatmoó bu'úngw geera, nee deelaydá' tsár oo bee/aangw. Muruusíng a muruú hhohhó' dír anuú AAKOÓ MUNGUHE, nee a muruú /aymár kaahamusmoó Mungú kilós.

TLAHHOÓ LAÁWI 6:16

Puuruú aa meet kaahamusmo Aroni nee daaqaywós ngun /ayiyá', ngun didá' hhoohhoo' ar baraá afeenár heémár Mungú wa /ayiyá', ala ku sluuftisiiká.

TLAHHOÓ LAÁWI 6:18

Umuúqo hhawaatuwo baraá xwaylár Aroniwo an múk hariím gaarí kawa /ayi, asma kana paraátl umuú daqto as inooín, dír ilahhooadá'' ta dír AAKOÓ MUNGÚ i da/a/ana. Umuúqo heewo oo gaa kwatiit aqo in hhoohhooúy.»

TLAHHOÓ LAÁWI 6:20

«Gaarí an ilahhooadá' Aroni nee daaqaywós ta haniisi dír AAKOÓ MUNGÚ qoomár bar kaa paraátl nee kaa iimbalaáx ar di/i. Umuú deelooro, kílo wak ar puuruú natsaatsaá', matlaatleero tlaqi kan haniis, tlaqtá hatlá' tsiindo.

TLAHHOÓ LAÁWI 6:26

Kaahamusmoó Mungú kudá' ilahhooarí gaa haniis an kudá' ga /aáy, gan /aay didá' hhoohhoó' wa ale baraá afeenír heémár Mungú.

TLAHHOÓ LAÁWI 7:14

Hee mandasmoó wák gun haniis dír AAKOÓ MUNGÚ baraá umuú ilahhooaro, mandaásaydá' tari oo kaahamusmoodá' tseerér ilahhooár wayda gaa hikimiis gawaá kitángw ilahhooa.

TLAHHOÓ LAÁWI 7:28

AAKOÓ MUNGÚ Mose guri báy,

TLAHHOÓ LAÁWI 7:6

Umuúqo hhawaatuuwo baraá kaahamuusér Munguhe fu'unaay gin /aay didá' hhoohhoó' wa ale asma kiwa ló'wa hhohhó'.

TLAHHOÓ LAÁWI 8:30

Naagáy Mose di/tá iimbalaxaangw nee tseerero giri taataáhh gawaá kitángw ilahhooaro, giri hikimiís gawaá Aroni nee daaqaywós nee gawaá tsitay'ín. Gawaá adoorihe Mose Aroni nee daaqaywós nee tsitay'ine giri paraátl.

FAARO 18:9

Baraá tla/ángw muruú hhohhó' ló'wa ale, kudá' taa da/iika baraá asla, muruuwí an koohúng, adór ilahhooár balaangw, nee ilahhooár tlakweema hingeesa, nee ar dakuús hingeesa. Umuúqo gár muu naa sa haniisi ilahhooár hhohhó' wa ale, a tók nee ar daaqaywók.

FAARO 5:9

Umuúqo ilahhooár hhoohhooe nee qeemuuwo, kudá' hhohhó' kudá' ta huwi amór kaahamusmoó Mungú, ilahhooarí sleémeero tari ar kaahamusmoowí.

1 Korinto 9:13

Ahaá, kuungá' a xuá'áke mukdá' baraá Doó Mungú wa gadiyuús, muruuduú Doó Mungú gun /aay? Nee slám a xuá'áke mukdá' didár kitángw ilahhooár wa gadiyuús hariímar'ín kan baraá muruudá' taa ilahhooár wa haniís wa sláy?

DABE 12:11

naagáy didá' AAKOÓ MUNGÚ, Munguúhúng, i tsawaari, asma umuuwós iwa didá' wa hooti, kuungá' tidá' sleémeero aníng nu baw ka didií hubá', ilahhooarhúng ar da/a, nee ilahhooarhúng ar muruú ta tsu/i, nee ilahhooár gár wák baraá muruú mibaango, nee qeemu nee ilahhooár al'axweesani tidá' handá' taa slaé' AAKOÓ MUNGÚ i hanisaro.

DABE 12:6

Nee sleeme didae kuungá' ilahhooár da/a ti hanise', nee ilahhooarhúng ar murú ta tsu/i, nee ilahhooár gár wák baraá muruú mibaango nee qeemuhunge, nee ilahhooár al'axweesani, nee ilahhooár sla'aari, tidár duxúng sla'aari, ar barsuú hikwa nee oo bee/angwhunge.

DABE 18:1

«Kaahamuusér Mungú ar tlahhoó Laáwi dinkwa nee tlahhoó Laáwi sleémeero, yaamu mingiwa slayé', laqaá aali baraá yaamaá Israeliwo. Inooín ilahhooadá' ta hanmiisi dír AAKOÓ MUNGÚ ngin /ayiyá'.

DABE 26:13

Naagáy aluuwo tari geeraá AAKOÓ MUNGÚ, Munguúwók wa ó', ‹Boohharí hhoohhoo' ngina amór dooeé' wa huúw, ngiri haniís dír tlahhoó Laáwi, nee dír hoomár ayaarén hoot, nee na/aá panaay nee /ameenár kwaeeli, adoodá' kuúng aníng ira hara'ayiín. Aníng hara'ayarók aga si'iiká laqaá aga gunqareesiiká.

Ebrania 1:9

Kuúng hotaá ganaa'á' ina slá', nee tlakweema iga áhh. Gawaá adoorihe, Mungú, inós a Munguúwók, kuúng ugwa iimbalaáx ar di/tá qwala/ ta hhaeewoge.»

1 Yohana 2:20

Ala kuungá' tunda Qeeruú hhoohhoó' i haniís nee kudá' Hhoohhoó', gawaá adoorihe kuungá' mura' sleémeero u xuá'.

1 Yohana 2:27

Kuungá' tunda Qeeruú hhoohhoó' oo Mungú i haniís. Nee Qeeruuwí hhoohhoó' tinda kuungá' i haniís, inós bir baraahúng wa hoot, daqaní hee kuungá' gár nus intsaahhatimisi i káhh. Asma Qeeruudá' tinda kuungá' i haniís, inós mura' sleémeero ngu kuungá' i intsaahhatimis. Nee gár ni kuungá' i intsaahhatimisi a looeema, a lamtooká. Tidá' kuungá' nuwa intsaahhatimisi oohaak, ta baraawós wa hotá'.