FAARO 18:7 - Biblía Axweesantá Hhohho' ar Mungú 2004

⁷ Ala kuúng kilók nee daaqaywók gadiyér kaahamuusi'iima sleémeero an tlehhá' ar ilakaahara, ar dír kitángw ilahhooa nee muruudá' sleémeero oo didá' ak hhoohhoo' ar alaá inqwaaridá' do' gwaa qasis. Gaarí an gadiyérhúng, asma kaahamuusi'iima ngina qeemu wa haniís. Heé hatlá' barnaxes aa tseewúy ku gaasi.»

FAARO 18:7 Iomraidhean Croise

WARA'AMI 115:10

Múk guruú doó Aroni harahhifo qaasaak dír AAKOÓ MUNGÚ. Inós nu alee/iimiis nee nu baqamín.

TI'INAANGW 28:1

«Kuúng Móse, tláw hhiyaawók Aroni nee daaqaywós Nadabu, nee Abihu, nee Eleasari nee Itamariwo paraatleek dír xoorór Israeliro, as tawa kaahamuusér aníng i sagadiyuus.

TI'INAANGW 29:9

Him'eedár afeetler'ín an tsék, nee kofiyaduín kiri dahás. Asma adoorí an adór Aroni nee daaqaywós kir hhohhoes tawa kaahamuuser'eé' daqisleém.

ESEKIELI 44:15

«Ala kaahamuusér Mungú ar tlahhoó Laáwi, kudaá xwaylár Sadoki, kudá' gadiyeé nga alkone' dir'eé' tidá' hhoohhooe, qoomár múk Israeli aníng iwa geexáy, kuká' an kudá' aníng i sagadiyusá' nee geeraaeé' hardáh as di/i nee tseere ngiwa haniisiya'. Anuú Aakoó MUNGÚ tí aga oó'.

ESEKIELI 44:16

Kuká' kilooín an kudá' dahá' didár hotaaeé', inooín nin tseewuyá' dír kitangwduú ilahhooa as iwa sagadiyuusiya'.

ESEKIELI 44:8

Kitángw geera kuungá' gadiyér'eé' tidá' hhohho' kawa tlehha', múk xoordaá hatlá' gadiyeédá' gana tleéhh didár hotaaeé' wa ale.›

TLAHHOÓ LAÁWI 16:2

Guna báy, «Hhiyaawók ádbaweek, umuúqo qoomaaro miwa daráh didá' hhoohhoo', ar alaá inqwaaridá' do' gwaa tla/a qasis, dír geeraá kitángw gurtleemu, kuduú gawaá sandakmoó alqado, as kahhó' miwa gwaá'. Asma aníng ti geehhooeés ar baraá huunki gawaá kitangwdú gurtleemuú wa ale.

TLAHHOÓ LAÁWI 7:35

Muruuwí kuna paraátl as Aroni nee xwaylarós baraá ilahhooadár da/a ta hanmiisi dír AAKOÓ MUNGÚ iimír bál kiwa kaahamuusér AAKOÓ MUNGÚ wa qaás.

FAARO 1:51

Slám qoomár barnaxes a heémár tu/uundá' gadiyeésíng ar múk Laáwi, nee qoomár bar heémár tlehhitá', gadiyeésíng ar múk Laáwi, nee barnaxes heé tlahhoó Laáwiwooká aa bihhaadií tseewúy aqo kun gaas.

FAARO 16:40

Gaarí an gurbu'utá múk Israeli, hee bar a kaahamusmoó xwaylár Aroniwooká, miwa daqáy dír kitángw AAKOÓ MUNGÚ kuwa ilahhooár mooyángw tsuú' i da/a/an. Bar adooriheeká aqo kun qwaarees, ar adoodá' Kora nee mukós kira hhaamiís. Adoorí sleémeero ina tleehharút adoodá' AAKOÓ MUNGÚ Eleasari ngura ádbáy ar loohír Mose.

FAARO 18:20

AAKOÓ MUNGÚ Aroni guri báy, «Kuúng aalír ta sleer i káhh, baraá yaamuuine, laqaá tawa garká koon baraá tla/angw'ine, aníng an gár kuúng ta koon, nee an aalirók baraá tla/ángw múk Israeliwo.»

FAARO 18:3

Inooín gadiyér kuúng taa ó' ngi tleehhiye', nee gadiyér heémaadá' sleémeero ngi boo/eesiye'. Ala inooín xosluudá' hhohho' ar baraá heéma mingiwa kwatiitiyé', laqaá mindiwa tseewuyé' dír kitángw ilahhooa as matawa qaátl dinkwa nee kuungá'.

FAARO 3:10

Aroni nee daaqaywós tsawaareek as gadiyer'ín tidár kahamuusi'iima ngiwa boo/eesiya', ala barnaxés heé hatlá' aa tseewúy bihhaadií ale, ku gasá'.»

FAARO 3:38

Mose nee Aroni nee daaqay'ine kina slaá' xafay'ín nguwa tleehhiya' dír geeraá heémaadá' hhoohhoo' bihhaá da/aáw wa ale, amoodá' tsee/amá iwa ti'imiiti. Gadiyér'ín dír kawa tleehhi a didaádá' hhoohhoo', nee umuúqo gár tleehhamór sla'a as xoorór Israeli. Barnaxés heé hatlá' aa tseewúy bihhaadá' aqo kun gaas.

Matayo 10:8

Tiqtuuse hungu/uumisaak, nee múk aa qaatl waasle/atimisaak, nee múk tiqtír tsatimit hhoohhooeemisaak. Neetlaame duxumaak. Aga tawó sleeré', tawo hanmiisaak.

Yohana 3:27

Yohane iri oó', «Hee gár i slay i káhh birkinga haniisiiká amór Mungú wa ale.

Efeso 3:8

Aníng ti niiná ta múk Mungú sleémeerowo. Ala tam adoorihe Mungú aníng ina tsuúq, gadiyeé ngiri aníng i haniís, ar Ya/abtór hho' ngiwa alki/iit dír múk xoorduwo. Ya/abtoorí a kángw daqaari'iimár Kristo tidá' faarooro ta aleeslayká.

DABE 18:2

Ala inooín aali mingiwa slayé' dír hhaeeine, asma AAKOÓ MUNGÚ an aalir'ín, adoodá' ngira qaroó al'axweés.

Ebrania 5:4

Hee i kaahh oo ilaiwa/ameerí ga sláw, tawa kaahamusmoó úr oo Mungú. Ala aqo har kudá' taa ateét nee Mungú, adoodár Aroni kura ateét.

YOSHUA 18:7

Ala tlahhoó Laáwi ku yaamií ka'aasiiká, asma gadiyér'ín a AAKOÓ MUNGÚ ngun sagadiyuusiyá', adoorí an aalir'ín. Ala tlahhoó Gadi nee oo Reubeniwo nee tlaqtá tlahhoó Manasewo, mukwí kwa qaroó yaamuuíní ka'aás nee Mose, sagadiyusmoó AAKOÓ MUNGÚ amór gayuú da/aáw Yordaniro.»

1 Petro 5:2

Gawaá adoorihe án kuungá' nu gurbuú', kuungá' bee/ángw Mungú de'emaak, kudá' taa dabaahúng i saayín, nee kuwa sageesihhimita'. Ala adoorí ma tleehhara' as tunduwa harakeemisi, ala masók an tlehhá' ar sla'aarirhúng ar kilá', asma an adoodá' Mungú i slai. Slám ma tleehhara' as peésa kawa sleera' kilós ala na tleehhaak ar muunuú /awaák.

1 Petro 5:3

Nee slám kuungá' miti baaluuse tlehhiitara' daanduú kudá' taa dirhúngií saayini, ala masók kuungá' an slaqsaay tleehhitá' dir'ine.

1 SAMUELI 2:28

Múk do'ós una tsawaár baraá tlahh'aá Israeli sleémeero tawa kaahamuuser'eé', iwa tsa/ana' didár kitángw ilahhooa kawa hanmamisi, nee mooyágw tsuú' nguwa tleesiyá' nee hiyaydá' ta bay naifeéra nguwa dahamisiya, dír geeraaeé' wa ale. Ahaá aníng ilahhooa sleémeero ar xoorór Israeli naa hanís dir'eéní ale ar loohír da/a/aangw aga hanisikáhe dír múk doó baabuúwók?