FAARO 18:6 - Biblía Axweesantá Hhohho' ar Mungú 2004

⁶ Aníng hhaeehúng awa tlahhoó Laáwi iga tsawaár baraá tla/ángw múk Israelír wa ale, tawa adór qeemuú naa dirhúng i haniís. Inooín kaa paraátl as anuú AAKOÓ MUNGÚ as tawa gadiyuusi baraá heémár Mungú wa ale.

FAARO 18:6 Iomraidhean Croise

IIMU/UUNGW 6:17

Nee ga/aaweek, aníng tluwoó ló'wa úr ngu huúw baraá yaamu, as umuúqo gár slafa ngiwa hhitiim, as miwa deerút baraá yaamuwo. Umuúqo gár baraá yaamií diriia i gwá'.

IIMU/UUNGW 9:9

«Ga/aawaak, aníng hamí alqador'eé' ngi kuungáí haniís, nee xwaylarhúng.

TI'INAANGW 14:17

Qaytsiít, aníng munér múk Misri an gawdeés, inooín tindi aluuhúng wa dah, tundu wa eehari. Farao nee slaqwaruuseerós nee gaarduuwós nee mukdá' gaardaá madiita aníng i xirfúr ayá'.

TI'INAANGW 31:6

Slám ga/aaweek, aníng Oholiabu garmoó Ahisamaki oo tlahhoó Dani ugwa tsawaár sleeme, as kahhó' nee Besaleli iwa algadiyuusiya'. Aníng múk hatlá' oo sageloén ugwa sagalooár i doók as gadiyeduudá' sleémeero ugwa báw iwa tleehharutiya'.

ISAYA 48:15

Aníng tí ana oó' nee inós una ateét. Aníng Koreshi nguna huúw, nee diihhooa ga sláy baraá tidá' i tlehhiiti.

ISAYA 51:12

AAKOÓ MUNGÚ i kaahi, «Aníng a kudá' kuúng u gurkwa/ás. Ahaá waáy gár heé gwaá' kus da'ayuumit Heé qo ilaá wa qwaár adór gitso?

ESEKIELI 34:11

«Gawaá adoorihe anuú Aakoó MUNGÚ a kah, Anuú kilá' bee/angw'eé' un leeleéhh nee nguri amohhe'eés.

ESEKIELI 34:20

«Gawaá adoorihe, anuú Aakoó MUNGÚ nun adoorí babáw, Anuú kilá' kángw bee/ángw aa wahhdiit nee kudá' slaqo tlákw un tsaát.

FAARO 3:12

«Ga/aaweek hamí múk tlahhoó Laáwi ugwa tsawaár tla/ángw múk Israeli sleémeero, kitángw na/oó baris oo umuú do'o baraá múk Israeliwo. Múk tlahhoó Laáwi a kwe'eé',

FAARO 3:13

asma na/oó baris baraá Israeliwo a kwe'eé'. Qoomár na/aá baris ngiwa tsuú/ sleémeero awa múk Misri, aníng na/aá barís ina paraátl baraá Israeliwo, umuú na/oó baris oo hee laqaá oo makiito'oro. Inooín a kwe'eé'. Aníng an AAKOÓ MUNGÚ.»

FAARO 3:45

«Hamí daxta múk Laáwi sleémeero paraatleek as tawa muk'eé' kitángw na/aá baris awa múk Israélír wa ale. Nee sleeme hikwaá múk Laáwi sleémeero paraatleek kitángw tsa/eetaá baris awa hikwaá múk Israélír wa ale. Aníng an AAKOÓ MUNGÚ.

FAARO 3:6

«Múk tlahhoó Laáwi diirí tseeweesang, ki dír geera kaahamusmo Aroni i sihhtís as inós nguwa sagadiyuusiya'.

FAARO 3:9

Múk tlahhoó Laáwi ku hanís dír Aroni nee xwaylarós tidár kaahamuusér Mungú, mukwí kunguna duúx baraá tla/ángw múk Israeliro as muu nguwa sagadiyuusiya'.