FAARO 18:5 - Biblía Axweesantá Hhohho' ar Mungú 2004

⁵ Kuungá' kiloohúng gadiyér didá' hhoohhoo' an tlehhá' nee ar kitángw ilahhooa, as aníng buhhtaawo mawa daa/atúw amór xoorór Israeli.

FAARO 18:5 Iomraidhean Croise

1 QOM'I 23:24

Kukaáká' an múk tlahhoó Laáwi ar adoodá' baraá maray'ine i dirii'iya', kudá' uren dír tlahh'aá taati'ii'ine. Umuúqo heé kureeraá mibeeri tsár gaa ay nee oo gaa ba/i, umuuwós kuna gooín, kuri gadiyeédí haniís baraá doó AAKOÓ MUNGUHE.

1 QOM'I 23:32

Múk tlahhoó Laáwi gadiyér'ín a xuumár heémár dinku'uuma nee didá' hhoohhoo', nee hhaeeín kudaá kaahamuusér Mungú ngiwa ale/iimisiya', kudaá xwaylár Aroni, baraá gadiyér Doó AAKOÓ MUNGUHE.

1 QOM'I 24:5

Baraaine muu bahh'alé an geeraharuusér didá' hhoohhoo', nee kookariya' an geeraharuusér muruú Mungú, baraá guruú doó Eleasariwo nee baraá guruú doó Itamariwo. Gawaá adoorihe inooín kina paraátl ar loohír tsawdo.

1 QOM'I 9:19

Shalumu garmoó Kore, garmoó Ebiasafu, dinkwa nee hhaeeín awa hhay Kora. Inooín an xuumuusér afér heémár Mungú, ar adoodá' baabi'ii'ín aáng tawa xuumuusér xafoó AAKOÓ MUNGÚ.

1 QOM'I 9:23

Naagáy inooín nee xwaylar'ine tana kumiít gadiyér xuumár afér doó AAKOÓ MUNGUHE.

1 QOM'I 9:33

Slamí kudá' uren baraá tlahhoó Laáwiwo a daauuse, nina hootiyé' baraá kutuwoó doó Mungú wa ale, inooín gadiyér hatlá' ngi kon'aaká, ala inooín tin baalaqaminá' tlatla/aangw nee xweeraawo.

TI'INAANGW 27:21

Tsaa'astada' dír kay qas a baraá guruú heémár Mungú, daanduú tsee/a oo kutuwidá' sandakmoó alqadór koom. Aroni nee daaqaywós tsaa'astí ngin dír geeraaeé' wá amohhe'eemisiya', iimír tsiindoó wa tleemu ay matlaatle. Hara'ayaarí ka eehari nee xoorór Israeli qari sleémeero.»

YEREMIA 23:15

Gawaá adoorihe, anuú AAKOÓ MUNGÚ Aleesleemusmo daanduú aaruusér Yerusalemuro a kah, «Ga/aawaak, aníng in /aymiís ar xa'anoó qarqaár, ngiri wahaás ar ma'aá qarkú koomá'. Asma aaruusér Yerusalemu Mungú ilaiwa/ameero nguna geerií mayé', tleehhmuuwí iri tsiyaayaxaát baraá yaamuwo.»

ESEKIELI 44:15

«Ala kaahamuusér Mungú ar tlahhoó Laáwi, kudaá xwaylár Sadoki, kudá' gadiyeé nga alkone' dir'eé' tidá' hhoohhooe, qoomár múk Israeli aníng iwa geexáy, kuká' an kudá' aníng i sagadiyusá' nee geeraaeé' hardáh as di/i nee tseere ngiwa haniisiya'. Anuú Aakoó MUNGÚ tí aga oó'.

ESEKIELI 44:16

Kuká' kilooín an kudá' dahá' didár hotaaeé', inooín nin tseewuyá' dír kitangwduú ilahhooa as iwa sagadiyuusiya'.

TLAHHOÓ LAÁWI 10:6

Mose Aroni nee daaqaywos, Eleasari nee Itamari giri báy, «Se'eemerhúng ma xaafara' nee tsitayhúng mu feehhamiisara' as tsuunqumis, bar adooriheeká tundu tsuu/ nee AAKOÓ MUNGÚ, xooro sleémeero gari i buuhh. Ala hhaeehúng awa xoorór Israeli ngi aleeslayá' iwa hheehhe'eemiisiya' as asltadá' AAKOÓ MUNGÚ naa huwi.

TLAHHOÓ LAÁWI 24:3

Aroni tsaa'asi ngi qaasi baraá heémár Mungú, alaá inqwaaridá' heéma ga tla/a qasis tidá' sandakmoó alqado gwa baq as iwa gwa/at geeraá AAKOÓ MUNGÚ wá alé xweeraawo ay matlaatle. Gaarí an dákw ta eehada' baraá xwaylarhúng sleémeero ay alhhe'eesay wasle.

SEKARIA 10:3

AAKOÓ MUNGÚ i kaahi, «Aníng aga daa/atúw buhhtaawo gawaá daanduú de'eemuuse aníng geeraharuuse a slaáhh, asma AAKOÓ MUNGÚ Aleesleemusmo daqtós ga amohhe'ees. Inós doó Yuda guri adór farásír ilakahaar tleehh baraá slaqwaraaro.

FAARO 1:50

Ala múk tlahhoó Laáwi qaaseek heémár lamabu'uungw ngiwa amohhe'eemisiya', nee xooslarós sleémeero nee umuúqo gár baraadií diriia. Inooín heémadá' ngin gagariná' nee xooslaarós sleémeero, nee nin baraadá' wa gadiyuusiyá' nee xafay'ín kun tleehh as kuwa heémár harweeri.

FAARO 1:53

Ala múk Laáwi xafay'ín ngu tleehhiye', ngu harweeriye' ar heémár lamabu'uungw, as heémaadá' ngiwa xuna' hee mingiwa i tseewúy aníng iri buhhtis daanduú múk Israeliwo. Naagáy múk tlahhoó Laáwi heémarír lamabu'uungw ngin amohhe'eemisiyá'.»

FAARO 16:46

Mose Aroni guri báy, «Xooslomoowók taataahheek, asltadár gawaá kitángw ilahhooa ka gawaawós i qás, nee mooyángw tsuú' ku gawaá asltadá' i qás, ta'aaiím ar gaanslaay amór dinku'uumár muu, haraki/isa tleehheek as inooín. Buhhtaá AAKOÓ MUNGÚ naa hardihiyé', asma tiqtír pu/i aa qaroó iimu/uún.»

FAARO 18:4

Inooín nee kuúng ti dabe ote' baraá gadiyeérihe, nee gadiyeédá' kiwa hariím sleémeero ngi boo/eesiye' daanduú heémár Munguhe, nee slám heé hatlá' tumu wák miwa baraadií tseewúy.

FAARO 4:18

«Múk guruú doó Kohati mukuwa hhaamiís baraá tla/ángw múk tlahhoó Laáwiwo.

FAARO 8:19

Nee aníng múk tlahhoó Laáwi ngwa qeemuú wa haniís dír Aroni nee daaqaywós baraá tla/ángw múk Israeliwo, as niwa baraá heémár Mungú wa gadiyuusiya' nee haraki/isa ngiwa tleehhiya' as múk Israeli, as kahhó' tiqtír tlakw múk Israeli munguwa eér, as niwa tseewuyé' didá' hhoohhoo'.»

FAARO 8:2

«Aroni ádbaweek qoomár bir tsaa'asoodá' faánqw qamín gawaá kitángw tsaa'aso, ngi qoomeesi as iwa gwa/at amór geeraá kitangwdá'.»

1 Timoteo 1:18

Timoteo, garmaaeé', án hara'ayaarí ngi kuúng i oó' asma nee aaru'uumadá' ti slaslayá', tidá' taa daanduuwók i oó' geerií alé. Aaru'uumadá' eehareek, nee slaqwaradá' hho' ka sláqw.

1 Timoteo 3:15

Ala tam adoorihe aníng binda tliík hardahamuwo, kuúng masók adór umuúqo heewo kuwa hariím hotaango baraá dinkwár múk Munguhe a xú'. Dinkwaarí an múk kríshaanáy, inooín an uhmo nee iihhafiirír looeema.

1 Timoteo 5:21

Án kuúng u hara'ayiím dír geeraá Mungú wa ale nee dír geeraá Kristo Yesu, nee dír geeraá malaykeerós tidá' hhohho' un baw, hara'ayaarí na eehareek baraá umuúqo gaaro ar barqaanti wasle dír umuúqo heewo.

1 Timoteo 6:20

Timoteo, kuúng tidá' sleémeero tinda dirók i saayín harmagaahheek. Ti paratl nee axweesanayduú gaa wásl, kuduú múk Mungú haratlintatiaaká. Slám ti paratl nee tlaampa'amisuuduú múk ti sagalooór i harafadiít. Ala sagalooar'ín a sagalooór loeeká.