FAARO 18:4 - Biblía Axweesantá Hhohho' ar Mungú 2004

⁴ Inooín nee kuúng ti dabe ote' baraá gadiyeérihe, nee gadiyeédá' kiwa hariím sleémeero ngi boo/eesiye' daanduú heémár Munguhe, nee slám heé hatlá' tumu wák miwa baraadií tseewúy.

FAARO 18:4 Iomraidhean Croise

ESEKIELI 44:14

Tam adoorihe inooín baalaqasidár xuumár dooeé' ngi oohiyá', nee gadiyeé sleémeero ar ta didá' wa tleehhi, inooín sleeme ngi tleehhiyá'.»

FAARO 1:51

Slám qoomár barnaxes a heémár tu/uundá' gadiyeésíng ar múk Laáwi, nee qoomár bar heémár tlehhitá', gadiyeésíng ar múk Laáwi, nee barnaxes heé tlahhoó Laáwiwooká aa bihhaadií tseewúy aqo kun gaas.

FAARO 1:53

Ala múk Laáwi xafay'ín ngu tleehhiye', ngu harweeriye' ar heémár lamabu'uungw, as heémaadá' ngiwa xuna' hee mingiwa i tseewúy aníng iri buhhtis daanduú múk Israeliwo. Naagáy múk tlahhoó Laáwi heémarír lamabu'uungw ngin amohhe'eemisiyá'.»

FAARO 18:3

Inooín gadiyér kuúng taa ó' ngi tleehhiye', nee gadiyér heémaadá' sleémeero ngi boo/eesiye'. Ala inooín xosluudá' hhohho' ar baraá heéma mingiwa kwatiitiyé', laqaá mindiwa tseewuyé' dír kitángw ilahhooa as matawa qaátl dinkwa nee kuungá'.

FAARO 18:5

Kuungá' kiloohúng gadiyér didá' hhoohhoo' an tlehhá' nee ar kitángw ilahhooa, as aníng buhhtaawo mawa daa/atúw amór xoorór Israeli.

FAARO 3:10

Aroni nee daaqaywós tsawaareek as gadiyer'ín tidár kahamuusi'iima ngiwa boo/eesiya', ala barnaxés heé hatlá' aa tseewúy bihhaadií ale, ku gasá'.»

FAARO 31:30

Ala dír boohhadá' ta haniisi dír múk Israeli, gár wák baraá mibeeraá kooane an dúx baraá muko, laqaá hikwa, laqaá daqwaaye, laqaá bee/aangw laqaá aara. Daqaní ka hanís dír tlahhoó Laáwi kudá' gadiyuusá' baraá heémár AAKOÓ MUNGÚ wa ale.»

FAARO 8:26

Alaá gadiyeede bira waátl, inós hhaeewós kudaá tlahhoó Laáwi ngi alee/iimisi qoomár bir gadiyuusiyá' baraá heémár Munguhe, ala inós gadiyeé mingiwa kilós tleéhh. Adoorí an adór gadiyér múk tlahhoó Laáwi kar qoomeemes.»

1 SAMUELI 6:19

AAKOÓ MUNGÚ múk mibeeraá faanqw oo Bet-shemeshi guri tsuú/, asma nina harqaytsitiyé' baraá guruú sandakmooduú alqadór AAKOÓ MUNGÚ, muu sleémeero iri gurhaamuút, asma AAKOÓ MUNGÚ múk yaariír guna tsuú/.