FAARO 18:30 - Biblía Axweesantá Hhohho' ar Mungú 2004

³⁰ Kuúng ki beer, «Barnaxes didaádá' ló'wa hhoo' ngaa hanisé', tidá' aa met a toohúng, kuungá' tlahhoó Laáwi, adoodá' dooslusmo balángw aa meet ngur waawatli, alaá ilahhooár balaangós oo geera nee oo sabiíbuwo burngwa hhe'eés haniisaro.

FAARO 18:30 Iomraidhean Croise

IIMU/UUNGW 43:11

Baabuúwós Israeli iri oó', «Bar adoosíng, adoorí na tleehhaak, muruú hhó' oo yaamu na huwaak ar xosluuhúng: Di/tá niina ar mooyaangw, danuú niiná, moqoonjó, nee mooyangwdá' ta babay manemane, josi, gár adór karaánga, nee loósi, gár adór miniqiti.

IIMU/UUNGW 50:10

Tay hardáh dír balaangw kuwa haritlemaamisi, didár gayuú yaaér Yordani. Tari amoodá' wa tsuunqumiís ar tsuunqusmoó xoorór boo/. Yosefu iri tsuunqumiís as baabuúwós amoodá' wa alé deelo faanqwe.

TI'INAANGW 29:27

«Qoomár kaahamusmoó Mungú bar ku paraatl as Mungú, da/eewo nee manguduú alu oo gwaanduudá' taa kaahamusmór paraátl, kingi amor'eení huwi as kiwa paraatli ar loohír kiwa gáwtí tleesi, daqaní kari hanís dír Aroni nee daaqaywós.

MALAKI 1:8

Kuungá' ilahhooár muruú ta tsu/i ar gár taampa ngiwa hanmisa' ka hhoóe? Nee ilahhooár gár toqoori laqaá gár tiiq ngiwa hanmisa' ka hhoóe? Xáy muruú adór kwí bura hanís dír ga/aawusmoowók, ku hhoóe dirose? Gu ya/aána?» AAKOÓ MUNGÚ Aleesleemusmo ngina oó'.

FAARO 18:29

Baraá ilahhooadá' sleémeero ta ilaaota'a, gár wák baraá muruú mibaango, tidá' ló'wa hhoo' nee ar hhoohhoo' an AAKOÓ MUNGÚ i hanisá'.

FAARO 18:31

Kuungá' muruudá' tindi hanmiisi un /agá' umuúqo dír tay dir'a'a, kuungá' nee mukhunge, asma gaarí a bu'utuuhúng as tawa múk baraá heémár Mungú wa gadiyuús.

Matayo 6:33

Ala waawuti'iimarós na geerií leelehhaak, nee gan'amuuwose, daqaní muruusuú hatlá' kungu dook.

DABE 6:5

AAKOÓ MUNGÚ, Munguúwók slaeek ar muunaáwók sleémeero, nee ar qeeruuwók sleémeero nee ar /uuruuwók sleémeero.