FAARO 18:24 - Biblía Axweesantá Hhohho' ar Mungú 2004

²⁴ asma ilahhooadár gár wák baraá muruú mibaango, tidá' múk Israeli ni hanmisi, aníng aga haniís as tawa aalir'ín. Gaarí an gár nisa oó', ‹Inooín aalír ta kon i káhh baraá tla/ángw Israeliwo.› »

FAARO 18:24 Iomraidhean Croise

NEHEMIA 10:38

Kaahamusmoó xwaylár Aroni dinkwa nee tlahhoó Laáwi ilahhooadár gár wák baraá mibaango ngin ilaoohiyá', naagáy múk tlahhoó Laáwi ar wák baraá muruú mibaango gan huuw baraá kutuwi, baraá kuuntáy.

NEHEMIA 13:12

Aluuwo múk Israeli sleémeero ilahhooár balaangw ar wák baraá mibaango oo balaangw nee baraá difaáiro, nee baraá di/to kuri qaás baraá kuuntáy.

TLAHHOÓ LAÁWI 27:30

«Ilahhooadár gár wák baraá mibaango ta Mungú i hanmamisi ar balaangw, laqaá na/aá xaai, sleémeero ar AAKOÓ MUNGÚ, kaa hhoohhooeés as AAKOÓ MUNGÚ.

FAARO 18:25

Naagáy, AAKOÓ MUNGÚ iri axweés dír Mose iwa kaahi,

FAARO 18:26

«Slamí tlahhoó Laáwi kaangwí ti beer, ‹Qoomár ilahhooár gár wák baraá muruú mibaango bara ilaaoté', tidá' múk Israeli i hanimiisi as tawa aalirhúng, kuungá' baraá muruudá' taa sleeri'i gár wák baraá muruú mibaango ngin anuú AAKOÓ MUNGÚ i haniisá' tawa ilahhooarhúng.

FAARO 26:62

Faarór tlahhoó Laáwi hhawaate kilooín, iimír na/oó niiná oo garma oo slahhángw wák wa oohang, a kume mibeeri tsár nee tám. Inooín kaa harafaariiká dinkwa nee múk Israeli, asma inooín aali nga slay'iiká adór múk Israelír wa ale.

DABE 10:9

Gawaá adoorihe, múk tlahhoó Laáwi yaamaá ta aali i kahhiyá' dinkwa nee hhaeeín, inooín gár ta slay a ilaiwa/amér tawa kaahamuusér Mungú, adoodá' AAKOÓ MUNGÚ, Munguúhúng ngira al'axweés.

DABE 26:12

«Umuúqo kurkú tame, umuúqo heewo dirhunge baraá bu'ungós sleémeerowo, ar wák baraá mibaango gan haniis as tlahhoó Laáwi, nee hoomoó ayaahúng hoót, nee na/aá panaay nee /ameenár kwaeeli, as inooín muruú /ayma, nee umuúqo gár taqo slai kawa slay, qoomár barta baraá yaamuuhúng i dirii'.

YOSHUA 13:14

Múk tlahhoó Laáwi aalír yaamu nga slayi'iiká, ala gar'ín aqo ilahhooadár da/a/aangw ta hanmaamisi dír AAKOÓ MUNGÚ, Munguú Israeli. Tí an gár naa aaliyé' ar adoodá' AAKOÓ MUNGÚ Mose ngwa báy.