FAARO 18:21 - Biblía Axweesantá Hhohho' ar Mungú 2004

²¹ «Daanduú tlahhoó Laáwiwo, inooín iga ilahhooa sleémeero i haniís, tidár gár wák baraá muruú mibaango, tidá' múk Israeli ni aníngí hanmisiya' as tawa aalir'ín. Gaarí an bu'utuuín as daanduú gadiyeédár amohhe'eemisuú heémar'eé' tidá' hhoohhoo'.

FAARO 18:21 Iomraidhean Croise

IIMU/UUNGW 14:20

Munguú Gáwtí dirií' i xirfuuti, kudá' wakuuseerók ngaa gawaá dabaawók i qaás.» Nee Abramu baraá umuúqo muruú mibaango gár wák gari haniís dír Melkisedeki.

IIMU/UUNGW 47:24

Ala qoomár bu'uungo boohhár wák baraá bohhaá kooane ka Farao i haniisá'. Bohhaá tsiyáhh a koohúng, as tawa dahaasíngw qamuuhúng, nee muruú /aymarhúng nee oo múk dír marayhúng wa hoót, nee muruú /aymár na/iihúng.»

IIMU/UUNGW 47:26

Gawaá adoorihe Yosefu adoorí gari dawa tleéhh baraá yaamaá Misriro, tawa gár hariim umuú heewo, baraá bohhaá kooán awa bu'uungo, ar wak ngiwa haniisi dír Farao. Dakwí i daadeer tam laarí baraá Misriro. Ala yaamaá kaahamuuse kilooín kina tlaxwiiká, as kiwa daqaari'iimár Farao tleehhi.

2 QOM'I 31:12

Balangwdá' tinda hanmiís nee ar wák baraá mibaango, nee muruudá' taa paraátl as Mungú, kuri baraá doó Mungú i baáts ar inkihhimu. Konania heé tlahhoó Laáwi kuri qaás heé úr wa ale, as muruudá' nguwa amohhe'eemisi, nee hhiyaawós Shimei an alee/isusmoowós.

NEHEMIA 10:29

tari haragwaá' dír hhaeeín nee dír muk'ín kudá' urén as lo'o ngiwa /ayiya' tawa baraá dabér Mungú wa hooti, tidá' aa haniís dír Mose sagadiyusmoó Mungú, nee hara'ayár AAKOÓ MUNGÚ, Aakoorén kawa harmagahhaan tlehhtuuwo, nee tidá' taa bayi nee kaahirose.

NEHEMIA 10:37

Puuruú geera, nee ilahhooarén, nee mamaá xaai, nee difaái nee di/ito in huwaán dír kaahamuuse baraá kutuwoó doó Munguúrén. Slám baraá bu'ungwrene ar wák baraá mibango ngin huwaán dír múk tlahhoó Laáwi asma inooín gadiyeérír burumburiingw ngin tlehhitiyá' baraá ayeemoorene.

NEHEMIA 10:38

Kaahamusmoó xwaylár Aroni dinkwa nee tlahhoó Laáwi ilahhooadár gár wák baraá mibaango ngin ilaoohiyá', naagáy múk tlahhoó Laáwi ar wák baraá muruú mibaango gan huuw baraá kutuwi, baraá kuuntáy.

NEHEMIA 12:44

Qoomaarihe muu kuna tsawaár oo kutuwoó kuuntáy gu amohhe'eemiís kudá' ta ilahhooárí qamin, ilahhooár bu'úngw geera nee gár wák baraá muruú mibaango, nee muruú tinda baraá qamaá gixsár wa burumburín as kaahamuuse nee múk tlahhoó Laáwi ar adoodá' dabe i kat. Asma múk Yuda kaahamuusér Mungú nee múk tlahhoó Laáwi kudá' gadiyuusa' kiri sa qwalalaá/.

NEHEMIA 12:47

Múk Israeli sleémeero, iimír qoomár Serubabeli nee Nehemiawo umuú baalaaro ilahhooa kana hanmiís as daauuse nee xuumuusér afkú do'. Múk Israeli tooka ngina partlitiyé' as múk tlahhoó Laáwi, múk tlahhoó Laáwi tooka ngina paraatliyé' as xwaylár Aroni.

NEHEMIA 13:12

Aluuwo múk Israeli sleémeero ilahhooár balaangw ar wák baraá mibaango oo balaangw nee baraá difaáiro, nee baraá di/to kuri qaás baraá kuuntáy.

NEHEMIA 13:5

Kutuwír ur gana amohhe'eés as Tobia, kutuwidá' ta ilahhooár balaángwí qamaamín nee ar mooyaango nee xoosla, nee ilahhooár balaangw ar gár wák baraá mibaango nee difaái nee di/i, tidá' taa hara'ayín kawa hanmiisi dír múk tlahhoó Laáwi nee daauuse, nee xuumuusér afér doó Mungú, nee ilahhooa as kaahamuusér Mungú.

MALAKI 2:4

Kuungá' kari xuá' adór aníng kuungá' nura hara'ayaarí i huúw, as alqador'eé' nee Laáwi iwa kumaamit.» AAKOÓ MUNGÚ Aleesleemusmo tí ngina oó'.

MALAKI 3:10

Gár wák baraá umuúqo muruú mibaango ar ádkoom na huwaare' baraá kuunti, as muruú /ayma iwa deeruuti baraá dooeene, án iiaraaré' ar loohisíng. Áx, ka aandá' adór pa/eeraá gawaá doori ngir gweér, nee nuri tsuúq, tam pa/ángw bu'uungw kway qasa' iri qwaar.

FAARO 18:6

Aníng hhaeehúng awa tlahhoó Laáwi iga tsawaár baraá tla/ángw múk Israelír wa ale, tawa adór qeemuú naa dirhúng i haniís. Inooín kaa paraátl as anuú AAKOÓ MUNGÚ as tawa gadiyuusi baraá heémár Mungú wa ale.

FAARO 3:6

«Múk tlahhoó Laáwi diirí tseeweesang, ki dír geera kaahamusmo Aroni i sihhtís as inós nguwa sagadiyuusiya'.

FAARO 31:28

Dír boohhadár mukdá' slaqwarár dahha, gár wák baraá tsiire kooane paraatleek tawa ar AAKOÓ MUNGÚ. Dír boohhár muko, laqaá hikwa, laqaá daqwaaye, laqaá ar bee/aangw, laqaá ar aara,

Galatia 6:6

Umuúqo heé ta intsaahhatimisi axweesantá Munguhe, intsaahhatusmoowós ngu qay tidá' hho' sleémeerowo.

DABE 18:8

Muruú /aymár i slay aqo in alqón nee oo kaahamuusér hatlá', tam handá' muruú /aymar'ín oo hatlá' ngu slaslaya'a dír hhaeeín awa hatlá' wa ale.

Ebrania 7:5

Baraá na/aá Laáwiwo bahh'alé a kaahamuuse. Inooín hara'aya gaa ádbeér ilahhooa kawa ohin, gár wák baraá umuúqo muruú mibaango, dír múk wa ale. Muruuwí dír kuwa ohin a dír hhaeeín, ala tam inooín a xwaylár Abrahamuwo.