FAARO 18:20 - Biblía Axweesantá Hhohho' ar Mungú 2004

²⁰ AAKOÓ MUNGÚ Aroni guri báy, «Kuúng aalír ta sleer i káhh, baraá yaamuuine, laqaá tawa garká koon baraá tla/angw'ine, aníng an gár kuúng ta koon, nee an aalirók baraá tla/ángw múk Israeliwo.»

FAARO 18:20 Iomraidhean Croise

IIMU/UUNGW 15:1

Alaá kaangwihe Abramu axweesantá AAKOÓ MUNGÚ gari axaás ar baraá iigu'utu, i kat, «Abrámu, ma da'ayumiitaar, aníng a baqmoórók. Slaasláwarók ka ló'wa ur.»

WARA'AMI 142:5

AAKOÓ MUNGÚ, án kuúng u ateetiím, kuúng an dír guway'eé' ar saxmaar. Kuúng una gurií baá/ ta umuú gaaro baraá slafingw'eene.

WARA'AMI 16:5

AAKOÓ MUNGÚ, kuúng an aalir'eé', kuúng muruú aníng ni slaa' ngun hanmís sleémeero. Slafingw'eé' i baraá dabaawók.

WARA'AMI 73:26

Slaqwte'eé' nee muunaáeé' i /aaruyá'. Ala Mungú a /uuruú muunaáeé', nee an kwe'eé' ay alhhe'eesay wasle.

WA/AA/I 3:24

Aníng ana baraaeé' oó', «AAKOÓ MUNGÚ an aalir'eé', gawaá adoorihe, aníng inós un harahhiíf.»

ESEKIELI 44:28

«Kaahamuusér Mungú aalír yaamu a gar'ineeká, inooín gár iwa harina' aqo aníng in sagadiyuusiyá' kilós, mi yaamií haniisara' awa i aaliya' baraá yaamaá Israeliro, asma aníng an aalir'ín.

FAARO 18:7

Ala kuúng kilók nee daaqaywók gadiyér kaahamuusi'iima sleémeero an tlehhá' ar ilakaahara, ar dír kitángw ilahhooa nee muruudá' sleémeero oo didá' ak hhoohhoo' ar alaá inqwaaridá' do' gwaa qasis. Gaarí an gadiyérhúng, asma kaahamuusi'iima ngina qeemu wa haniís. Heé hatlá' barnaxes aa tseewúy ku gaasi.»

FAARO 26:62

Faarór tlahhoó Laáwi hhawaate kilooín, iimír na/oó niiná oo garma oo slahhángw wák wa oohang, a kume mibeeri tsár nee tám. Inooín kaa harafaariiká dinkwa nee múk Israeli, asma inooín aali nga slay'iiká adór múk Israelír wa ale.

DABE 10:9

Gawaá adoorihe, múk tlahhoó Laáwi yaamaá ta aali i kahhiyá' dinkwa nee hhaeeín, inooín gár ta slay a ilaiwa/amér tawa kaahamuusér Mungú, adoodá' AAKOÓ MUNGÚ, Munguúhúng ngira al'axweés.

DABE 12:12

Amoodae kuungá' an qwalala/á' dír geeraá AAKOÓ MUNGÚ, Munguúhúng wa aleeró. Kuungá' nee na/iihúng awa daaqaay nee awa dasuuwo, nee lawaalerhúng ar hhawaate nee ar /ameenaaro nee múk tlahhoo Laáwi, kudá' nee kuungá' alhootá'. Asma inooín dír i aaliya' ngi kon'aaká baraá tla/angwhunge.

DABE 14:27

«Múk tlahhoó Laáwi oo baraá tla/angwhúng i dirií' mu gunqareesara', asma inooín gár ta kon i káhh, laqaá gár i aaliya' i káhh dír tla/angwhunge.

DABE 14:29

Muruuwí daqaní an oo múk tlahhoó Laáwi, asma inooín gár ta kon i káhh, laqaá aalír ta kon baraá tla/angwhunge i káhh, sleeme ar dahaaye nee panaay, nee /ameenár kwaeeli, tidá' hoot baraá gixsarhúng wa aleeró. Kuká' sleémeero ni hardihiye' as niwa /aymár aya' niri aaxiyá'. Adoorí tleehhaak, daqaní AAKOÓ MUNGÚ, Munguúhúng nu tsuuq baraá gadiyérhúng sleémeero ar taqo tlehhita'a dabaahunge.»

YOSHUA 13:14

Múk tlahhoó Laáwi aalír yaamu nga slayi'iiká, ala gar'ín aqo ilahhooadár da/a/aangw ta hanmaamisi dír AAKOÓ MUNGÚ, Munguú Israeli. Tí an gár naa aaliyé' ar adoodá' AAKOÓ MUNGÚ Mose ngwa báy.

YOSHUA 13:33

Ala tlahhoó Laáwi Mose gwa yaamií ka'aasiiká, asma AAKOÓ MUNGÚ, Munguú Israeli, inós an aalir'ín, ar adoodá' inós ngira dir'íní al'axweés.

YOSHUA 14:3

Asma tlahh'aá tsár nee tlaqi kaa yaamuuíní ka'aás gayuú yaaér Yordaniro da/aáwá ale, ala tlahhoó Laáwi kwaa aalírí haniisiiká baraá tla/angw'ine.

YOSHUA 18:7

Ala tlahhoó Laáwi ku yaamií ka'aasiiká, asma gadiyér'ín a AAKOÓ MUNGÚ ngun sagadiyuusiyá', adoorí an aalir'ín. Ala tlahhoó Gadi nee oo Reubeniwo nee tlaqtá tlahhoó Manasewo, mukwí kwa qaroó yaamuuíní ka'aás nee Mose, sagadiyusmoó AAKOÓ MUNGÚ amór gayuú da/aáw Yordaniro.»

Geehhoeemaá 21:3

Aníng afór ur ngiri axaás ar baraá kitangwduú aleesleemuú daahh. Afoorí i kat, «Ga/aawaak, hotángw Mungú dír i dirii'i a dír tla/ángw muu. Inós iri hoot tla/angw'ín wa ale, nee inooín tari mukós. Nee Mungú inósuú kilá' tari dinkwa nee inooín.