FAARO 18:2 - Biblía Axweesantá Hhohho' ar Mungú 2004

² Kuúng hhaeewók kudaá tlahhoó Laáwi huweek, kudaá guruú doó baabuúwók huweek dír bihhiiwók, niwa dirók i haragwaaiya' nee uwa sagadiyuusiya' qoomár kuúng nee daaqaywók bar dír geeraá heémár lamabu'uúngwí diriiá'.

FAARO 18:2 Iomraidhean Croise

IIMU/UUNGW 29:34

Tsiihoó hatlá' guri sleér, iri xwayluúr na/oó garma, guri beér Laáwi, iwa kat, «Dooqa daxta hhawaatuueé' ni amor'eé' waatl, asma ugwa daaqoó tám i laqwaál.»

2 QOM'I 30:16

Umuú hee ina dirós i sihhiít baraá Doó AAKOÓ MUNGUHE, adoodár Mose, heé Mungú, ngira oó'. Múk Laáwi tseerér ilahhooa gana hanmiís dír kaahamuusér Mungú, inooín ngay tsiririxiimís gawaá kitangwduú ilahhooa kawa hanmiisi.

ESEKIELI 44:11

Inooín gadiyeé ngin tleehhiyá' didár hotaaeé' wa alé, adór sagadiyuusér afér maraá dooeé' xuum, nee tawa gadiyuusi baraá dooeé' wa ale, nee hikwaadá' muu naa ilahhooár da/tá wa huwahuúw nee awa ilahhooár muruú ta tsu/i as ngiwa tsu/iya'.

ESEKIELI 44:15

«Ala kaahamuusér Mungú ar tlahhoó Laáwi, kudaá xwaylár Sadoki, kudá' gadiyeé nga alkone' dir'eé' tidá' hhoohhooe, qoomár múk Israeli aníng iwa geexáy, kuká' an kudá' aníng i sagadiyusá' nee geeraaeé' hardáh as di/i nee tseere ngiwa haniisiya'. Anuú Aakoó MUNGÚ tí aga oó'.

MALAKI 2:4

Kuungá' kari xuá' adór aníng kuungá' nura hara'ayaarí i huúw, as alqador'eé' nee Laáwi iwa kumaamit.» AAKOÓ MUNGÚ Aleesleemusmo tí ngina oó'.

FAARO 1:53

Ala múk Laáwi xafay'ín ngu tleehhiye', ngu harweeriye' ar heémár lamabu'uungw, as heémaadá' ngiwa xuna' hee mingiwa i tseewúy aníng iri buhhtis daanduú múk Israeliwo. Naagáy múk tlahhoó Laáwi heémarír lamabu'uungw ngin amohhe'eemisiyá'.»

FAARO 16:40

Gaarí an gurbu'utá múk Israeli, hee bar a kaahamusmoó xwaylár Aroniwooká, miwa daqáy dír kitángw AAKOÓ MUNGÚ kuwa ilahhooár mooyángw tsuú' i da/a/an. Bar adooriheeká aqo kun qwaarees, ar adoodá' Kora nee mukós kira hhaamiís. Adoorí sleémeero ina tleehharút adoodá' AAKOÓ MUNGÚ Eleasari ngura ádbáy ar loohír Mose.

FAARO 17:7

Mose hhadoodá' giri qaás sleémeero dír geeraá AAKOÓ MUNGÚ baraá heémaadár lamabu'uungw.

FAARO 18:4

Inooín nee kuúng ti dabe ote' baraá gadiyeérihe, nee gadiyeédá' kiwa hariím sleémeero ngi boo/eesiye' daanduú heémár Munguhe, nee slám heé hatlá' tumu wák miwa baraadií tseewúy.

FAARO 3:5

Aluuwo AAKOÓ MUNGÚ Mose guna i axweés iwa kaahi,

FAARO 4:15

Ala Aroni nee daaqaywós didá' hhoohhoo' birnga hhe'eesiyé' tuuntuukaro dinkwa nee xoosla sleémeerowo, nee qoomár birta amohhe'eesiyé' aai iimu/uumaaro, múk guruú doó Kohati tindi hardihi as heéma kawa gagaari. Ala inooín xooslár hhohho' makawa kwatiít, as matawa qaátl. Gaarí an gadiyér múk guruú doó Kohati qoomár barta heémár Mungú loohatimis.

FAARO 8:19

Nee aníng múk tlahhoó Laáwi ngwa qeemuú wa haniís dír Aroni nee daaqaywós baraá tla/ángw múk Israeliwo, as niwa baraá heémár Mungú wa gadiyuusiya' nee haraki/isa ngiwa tleehhiya' as múk Israeli, as kahhó' tiqtír tlakw múk Israeli munguwa eér, as niwa tseewuyé' didá' hhoohhoo'.»

FAARO 8:22

Alaá kaangwihe múk Laáwi iri dáh nee tari gadiyuús baraá heémár Mungú wa ale, kina geerahaár nee Aroni nee daaqaywós ar adoodá' AAKOÓ MUNGÚ Mose ngura hara'ayín.

Ebrania 9:6

Adoorí an adór muruuwí sleémeero kura qamín. Nee kaahamuusér Mungú in dararát umuúqo daqto baraá matla/angwduú geera oo heéma, as gadiyér'ín ar kahamuusi'iima kawa tleehhi.