FAARO 18:15 - Biblía Axweesantá Hhohho' ar Mungú 2004

¹⁵ «Umuú na/oó baris kudá' múk Israeli ni aníng i haniisi, bar an na/oó baris oo hee laqaá oo makiito'o, a kók. Ala na/oó baris oo hee i harín kuwa tu/, nee oo baris oo makiito'ór ta harmeetin i harín kuwa tu/.

FAARO 18:15 Iomraidhean Croise

2 WAAWITÁ 12:5

kaahamuusér Mungú peésa ngi ilaót dír umuú heewo, nee inooín daqaní wa/aameedá' aa hhiturumit baraá do'o ngi amohhe'eesiye'.»

NEHEMIA 10:37

Puuruú geera, nee ilahhooarén, nee mamaá xaai, nee difaái nee di/ito in huwaán dír kaahamuuse baraá kutuwoó doó Munguúrén. Slám baraá bu'ungwrene ar wák baraá mibango ngin huwaán dír múk tlahhoó Laáwi asma inooín gadiyeérír burumburiingw ngin tlehhitiyá' baraá ayeemoorene.

TI'INAANGW 13:15

Asma qoomaadae Farao ina sagagawdeés, iri sií' atén tiwa geemay, as adoorí AAKOÓ MUNGÚ na/aá baris awa muu nee awa makaywo baraá yaamaá Misriro gina tsuú/. Gawaá adoorihe atén ilahhooár muruú ta tsu/i an hanmisaán dír AAKOÓ MUNGÚ, umuúqo gár baris ar yaqaamba, ala daaqayrén oo baris un waa'alhaamaán.›

TI'INAANGW 13:2

«Na/aá baris sleémeero paraatleek, asma na/aá baris sleémeero awa múk Israeli nee awa makaywo a kwe'eé'.»

TI'INAANGW 22:29

«Ma tligaar bu'úngw hargeera kuduú baraá qaymoorók daáhh kuwa hup, nee difaáiro. «Barismoowók ngun aníngí hanís.

TI'INAANGW 34:20

Barisuú daqwaay un waa'alát ar deelomoó bee/i, ala barnaxés u sla'aká waa'alaharo, isa geeqaweek. Nee na/iiwók awa baris sleémeero in waa'alát. «Hee mindiwa dír geeraaeé' káy ar dákw kaahaár.

FAARO 18:16

Na/iikaá baris ki tu/i a qoomár bar slahhángw wák ngwaa ayé', gár kiri tu/i a peésár shekeéli kooán ar qoomayduú heémaadá' hhoohhoo'.

FAARO 3:13

asma na/oó baris baraá Israeliwo a kwe'eé'. Qoomár na/aá baris ngiwa tsuú/ sleémeero awa múk Misri, aníng na/aá barís ina paraátl baraá Israeliwo, umuú na/oó baris oo hee laqaá oo makiito'oro. Inooín a kwe'eé'. Aníng an AAKOÓ MUNGÚ.»

FAARO 3:46

Na/aá baris awa daaqaay awa múk Israeli kudaá tsiire tsár nee mibeeraá faanqw nee tám, as kiwa tu/i, kudá' handá' faarór hhawaataá múk Laáwi ba/a.

DABE 15:19

«AAKOÓ MUNGÚ, Munguúhúng awér hikwaahúng nira barisiyé' nee gwaandaawér bee/angwhúng ira barís ti hanise', aweerí mar gadiyuusara', nee gwaandaaweesíng ma se'eengw tlaaqara'.